ਵਾਇਰਲ ਹੋ ਰਿਹਾ ਮਾਮਲਾ ਹਾਲੀਆ ਨਹੀਂ ਬਲਕਿ ਦਿਸੰਬਰ 2023 ਦਾ ਹੈ ਅਤੇ ਇਸਦਾ ਕਿਸੇ ਵੀ ਕਿਸਾਨ ਅੰਦੋਲਨ ਨਾਲ ਕੋਈ ਸਬੰਧ ਨਹੀਂ ਹੈ।
RSFC (Team Mohali)- ਕਿਸਾਨ ਸੰਘਰਸ਼ ਨੂੰ ਲੈ ਕੇ ਸੋਸ਼ਲ ਮੀਡੀਆ 'ਤੇ ਕੂੜ ਪ੍ਰਚਾਰ ਜਾਰੀ ਹੈ। ਹੁਣ ਅਜਿਹਾ ਹੀ ਇੱਕ ਦਾਅਵਾ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਰਿਹਾ ਹੈ। ਸੋਸ਼ਲ ਮੀਡੀਆ 'ਤੇ ਇੱਕ ਵੀਡੀਓ ਵਾਇਰਲ ਕੀਤਾ ਜਾ ਰਿਹਾ ਹੈ ਜਿਸਦੇ ਵਿਚ ਇੱਕ ਨਿਹੰਗ ਸਿੰਘ ਨੂੰ ਇੱਕ ਬੁਜ਼ੁਰਗ ਸਿੱਖ ਵਿਅਕਤੀ ਦੀ ਕੁੱਟਮਾਰ 'ਤੇ ਦਸਤਾਰ ਦੀ ਬੇਅਦਬੀ ਕਰਦੇ ਵੇਖਿਆ ਜਾ ਸਕਦਾ ਹੈ। ਹੁਣ ਦਾਅਵਾ ਕੀਤਾ ਜਾ ਰਿਹਾ ਹੈ ਕਿ ਮਾਮਲਾ ਹਾਲੀਆ ਕਿਸਾਨ ਅੰਦੋਲਨ ਤੋਂ ਸਾਹਮਣੇ ਆਇਆ ਹੈ ਜਿਥੇ ਇੱਕ ਨਿਹੰਗ ਸਿੰਘ ਨੇ ਇੱਕ ਕਿਸਾਨ ਦੀ ਸਿਰਫ ਇਸ ਗੱਲ 'ਤੇ ਕੁੱਟਮਾਰ ਕਰ ਦਿੱਤੀ ਕਿਓਂਕਿ ਉਸਨੇ ਸੰਘਰਸ਼ ਵਿਚ ਦੀਪ ਸਿੱਧੂ ਦੀ ਫੋਟੋ ਦੇ ਇਸਤਮਾਲ ਕਰਨ ਨੂੰ ਲੈ ਕੇ ਸਵਾਲ ਚੁੱਕਿਆ ਸੀ।
X ਅਕਾਊਂਟ "Jitendra pratap singh" ਨੇ ਵਾਇਰਲ ਵੀਡੀਓ ਸਾਂਝਾ ਕਰਦਿਆਂ ਲਿਖਿਆ, "यह देखिए यह अराजक और बेशर्म लोग जो निहंग सिख हैं एक बुजुर्ग सिख को किस तरह से पीट रहे हैं उनकी दस्तार पगड़ी सड़क पर फेंक रहे हैं बुजुर्ग सिख ने इन निहंगों से बस इतना पूछ लिया था कि जब यह किसानों का आंदोलन है तो आप यहां दीप सिंह संधू के फोटो लेकर क्यों घूम रहे हो इतनी सी बात पर निहंगों ने बुजुर्ग सिख को बुरी तरह से पीटना शुरू किया उन्हें सड़कों पर घसीट घसीट कर मारा उनकी दस्तार और पगड़ी उठाकर फेंक दी"
यह देखिए यह अराजक और बेशर्म लोग जो निहंग सिख हैं एक बुजुर्ग सिख को किस तरह से पीट रहे हैं उनकी दस्तार पगड़ी सड़क पर फेंक रहे हैं
— ??Jitendra pratap singh?? (@jpsin1) February 18, 2024
बुजुर्ग सिख ने इन निहंगों से बस इतना पूछ लिया था कि जब यह किसानों का आंदोलन है तो आप यहां दीप सिंह संधू के फोटो लेकर क्यों घूम रहे हो इतनी सी बात पर… pic.twitter.com/du6EO1JdoQ
ਦੱਸ ਦਈਏ ਕਿ ਇਸ ਯੂਜ਼ਰ ਨੂੰ ਸੋਸ਼ਲ ਮੀਡੀਆ ਦੇ X ਪਲੇਟਫਾਰਮ 'ਤੇ ਦੇਸ਼ ਦੇ ਪ੍ਰਧਾਨ ਮੰਤਰੀ ਵੱਲੋਂ ਫਾਲੋ ਕੀਤਾ ਗਿਆ ਹੈ।
ਰੋਜ਼ਾਨਾ ਸਪੋਕਸਮੈਨ ਨੇ ਆਪਣੀ ਪੜਤਾਲ ਵਿਚ ਵਾਇਰਲ ਪੋਸਟ ਨੂੰ ਗੁੰਮਰਾਹਕੁਨ ਪਾਇਆ ਹੈ। ਵਾਇਰਲ ਹੋ ਰਿਹਾ ਮਾਮਲਾ ਹਾਲੀਆ ਨਹੀਂ ਬਲਕਿ ਦਿਸੰਬਰ 2023 ਦਾ ਹੈ ਅਤੇ ਇਸਦਾ ਕਿਸੇ ਵੀ ਕਿਸਾਨ ਅੰਦੋਲਨ ਨਾਲ ਕੋਈ ਸਬੰਧ ਨਹੀਂ ਹੈ। ਇਹ ਮਾਮਲਾ ਮੋਹਾਲੀ ਦਾ ਹੈ ਜਦੋਂ ਬੰਦੀ ਸਿੰਘਾਂ ਦੀ ਰਿਹਾਈ ਨੂੰ ਲੈ ਕੇ ਲੱਗੇ ਮੋਰਚੇ 'ਚ ਇੱਕ ਬੁਜ਼ੁਰਗ ਸਿੱਖ ਵੱਲੋਂ ਵਾਰਿਸ ਪੰਜਾਬ ਦੇ ਦੀਪ ਸਿੱਧੂ ਦੀ ਤਸਵੀਰ 'ਤੇ ਸਵਾਲ ਕਰਨ 'ਤੇ ਇੱਕ ਨਿਹੰਗ ਸਿੰਘ ਵੱਲੋਂ ਬੁਜ਼ੁਰਗ ਨਾਲ ਕੁੱਟਮਾਰ ਕੀਤੀ ਗਈ ਸੀ।
ਸਪੋਕਸਮੈਨ ਦੀ ਪੜਤਾਲ
ਪੜਤਾਲ ਦੀ ਸ਼ੁਰੂਆਤ ਕਰਦਿਆਂ ਅਸੀਂ ਸਭਤੋਂ ਪਹਿਲਾਂ ਇਸ ਵੀਡੀਓ ਨੂੰ ਧਿਆਨ ਨਾਲ ਸੁਣਿਆ। ਦੱਸ ਦਈਏ ਇਸ ਵੀਡੀਓ ਵਿਚ ਬੰਦੀ ਸਿੰਘ ਮੋਰਚੇ ਦੀ ਗੱਲ ਕੀਤੀ ਜਾ ਰਹੀ ਹੈ।
ਦੱਸ ਦਈਏ ਆਪਣੀਆਂ ਸਜ਼ਾਵਾਂ ਭੁਗਤ ਚੁਕੇ ਸਿੱਖਾਂ ਦੀ ਰਿਹਾਈ ਨੂੰ ਲੈ ਕੇ ਸਿੱਖ ਜਥੇਬੰਦੀਆਂ ਵੱਲੋਂ ਜਨਵਰੀ 2023 ਵਿਚ ਮੋਹਾਲੀ ਦੇ YPS ਚੌਂਕ 'ਤੇ ਪੱਕਾ ਧਰਨਾ ਲਾਇਆ ਗਿਆ ਸੀ ਜਿਹੜਾ ਹੁਣ ਵੀ ਓਥੇ ਲੱਗਿਆ ਹੋਇਆ ਹੈ ਤੇ ਲਗਾਤਾਰ ਮੋਰਚੇ ਨੂੰ ਲੈ ਕੇ ਸੁਣਵਾਈਆਂ ਚਲ ਰਹੀਆਂ ਹਨ। ਇਸ ਅੰਦੋਲਨ ਦਾ ਕਿਸੇ ਵੀ ਕਿਸਾਨ ਅੰਦੋਲਨ ਨਾਲ ਕੋਈ ਸਬੰਧ ਨਹੀਂ ਹੈ।
"ਕੀ ਸੀ ਅਸਲ ਮਾਮਲਾ?"
ਹੁਣ ਅਸੀਂ ਕੀਵਰਡ ਸਰਚ ਰਾਹੀਂ ਮਾਮਲੇ ਦਾ ਅਸਲ ਵੀਡੀਓ ਲੱਭਣਾ ਸ਼ੁਰੂ ਕੀਤਾ। ਦੱਸ ਦਈਏ ਸਾਨੂੰ ਇਹ ਅਸਲ ਵੀਡੀਓ Browse Daily TV 'ਤੇ 19 ਦਿਸੰਬਰ 2023 ਦਾ ਸਾਂਝਾ ਮਿਲਿਆ। ਵੀਡੀਓ ਸਾਂਝਾ ਕਰਦਿਆਂ ਸਿਰਲੇਖ ਦਿੱਤਾ ਗਿਆ, "ਇੱਥੇ ਕਿਉਂ ਲਾਈ ਹੈ Deep Sidhu ਦੀ photo ? ਇਨ੍ਹਾਂ ਕਿਹੜਾ ਚੰਗਾ ਕੰਮ ਕੀਤਾ? ਇਹ ਸਹੀ ਹੋਇਆ ਜਾਂ ਗਲਤ?"
ਮਾਮਲੇ ਅਨੁਸਾਰ, ਇੱਕ ਬੁਜ਼ੁਰਗ ਸਿੱਖ ਵਿਅਕਤੀ ਮੋਰਚੇ 'ਚ ਲਾਈ ਦੀਪ ਸਿੱਧੂ ਦੀ ਤਸਵੀਰ ਨੂੰ ਲੈ ਕੇ ਸਵਾਲ ਖੜ੍ਹੇ ਕਰਦਾ ਹੈ ਜਿਸਦੇ ਬਾਅਦ ਨਿਹੰਗ ਸਿੰਘ ਵੱਲੋਂ ਉਸਦੇ ਨਾਲ ਕੁੱਟਮਾਰ ਕੀਤੀ ਜਾਂਦੀ ਹੈ।
ਨਤੀਜਾ- ਰੋਜ਼ਾਨਾ ਸਪੋਕਸਮੈਨ ਨੇ ਆਪਣੀ ਪੜਤਾਲ ਵਿਚ ਵਾਇਰਲ ਪੋਸਟ ਨੂੰ ਗੁੰਮਰਾਹਕੁਨ ਪਾਇਆ ਹੈ। ਵਾਇਰਲ ਹੋ ਰਿਹਾ ਮਾਮਲਾ ਹਾਲੀਆ ਨਹੀਂ ਬਲਕਿ ਦਿਸੰਬਰ 2023 ਦਾ ਹੈ ਅਤੇ ਇਸਦਾ ਕਿਸੇ ਵੀ ਕਿਸਾਨ ਅੰਦੋਲਨ ਨਾਲ ਕੋਈ ਸਬੰਧ ਨਹੀਂ ਹੈ। ਇਹ ਮਾਮਲਾ ਮੋਹਾਲੀ ਦਾ ਹੈ ਜਦੋਂ ਬੰਦੀ ਸਿੰਘਾਂ ਦੀ ਰਿਹਾਈ ਨੂੰ ਲੈ ਕੇ ਲੱਗੇ ਮੋਰਚੇ 'ਚ ਇੱਕ ਬੁਜ਼ੁਰਗ ਸਿੱਖ ਵੱਲੋਂ ਵਾਰਿਸ ਪੰਜਾਬ ਦੇ ਦੀਪ ਸਿੱਧੂ ਦੀ ਤਸਵੀਰ 'ਤੇ ਸਵਾਲ ਕਰਨ 'ਤੇ ਇੱਕ ਨਿਹੰਗ ਸਿੰਘ ਵੱਲੋਂ ਬੁਜ਼ੁਰਗ ਨਾਲ ਕੁੱਟਮਾਰ ਕੀਤੀ ਗਈ ਸੀ।
Our Sources:
Original Video Shared By Meta Page Browse Daily TV, Dated 19-Dec-2023