ਸਪੋਕਸਮੈਨ ਨੇ ਪੜਤਾਲ ਵਿਚ ਪਾਇਆ ਕਿ ਵਾਇਰਲ ਤਸਵੀਰ 5 ਸਾਲ ਪੁਰਾਣੀ ਹੈ।
ਰੋਜ਼ਾਨਾ ਸਪੋਕਸਮੈਨ ( ਮੋਹਾਲੀ ਟੀਮ)- 21 ਫਰਵਰੀ ਨੂੰ ਉੱਤਰ ਪ੍ਰਦੇਸ਼ ਦੇ ਮੁੱਖ ਮੰਤਰੀ ਯੋਗੀ ਅਦਿੱਤਿਆਨਾਥ ਕੇਰਲ ਦੇ ਕਾਸਰਗੋਡ ਵਿਚ ਆਯੋਜਿਤ ਭਾਜਪਾ ਦੀ ਵਿਜੈ ਯਾਤਰਾ ਵਿਚ ਸ਼ਾਮਲ ਹੋਏ ਸੀ। ਇਸੇ ਦੌਰਾਨ ਹੁਣ ਇਕ ਤਸਵੀਰ ਵਾਇਰਲ ਹੋ ਰਹੀ ਹੈ, ਜਿਸ ਵਿਚ ਅਨੇਕਾਂ ਭਾਜਪਾ ਵਰਕਰਾਂ ਵੱਲੋਂ ਕਮਲ ਦੇ ਫੁੱਲ ਦਾ ਚਿੰਨ੍ਹ ਬਣਾ ਕੇ ਖੜ੍ਹੇ ਹੋਏ ਦੇਖਿਆ ਜਾ ਸਕਦਾ ਹੈ। ਦਾਅਵਾ ਕੀਤਾ ਜਾ ਰਿਹਾ ਹੈ ਕਿ ਇਹ ਚਿੰਨ੍ਹ ਯੋਗੀ ਅਦਿੱਤਿਆਨਾਥ ਦੇ ਕੇਰਲ ਦੇ ਕਾਸਰਗੋਡ ਵਿਚ ਆਯੋਜਿਤ ਪ੍ਰੋਗਰਾਮ ਦੌਰਾਨ ਉਹਨਾਂ ਦੇ ਸਵਾਗਤ ਲਈ ਬਣਾਇਆ ਗਿਆ ਸੀ।
ਸਪੋਕਸਮੈਨ ਨੇ ਆਪਣੀ ਪੜਤਾਲ ਵਿਚ ਪਾਇਆ ਕਿ ਵਾਇਰਲ ਤਸਵੀਰ 5 ਸਾਲ ਪੁਰਾਣੀ ਹੈ। ਦਰਅਸਲ ਸਾਲ 2015 ਵਿਚ ਭਾਜਪਾ ਦੇ 35ਵੇਂ ਸਥਾਪਨਾ ਦਿਵਸ 'ਤੇ ਲੋਕਾਂ ਦੀ ਇਕ ਭੀੜ ਨੇ ਭਾਜਪਾ ਪਾਰਟੀ ਦਾ ਚਿੰਨ੍ਹ ਬਣਾਇਆ ਸੀ।
ਵਾਇਰਲ ਪੋਸਟ
ਭਾਜਪਾ ਦੇ ਨੇਤਾ ਮਨੀਸ਼ ਸਿੰਘ ਨੇ 21 ਫਰਵਰੀ ਨੂੰ ਵਾਇਰਲ ਤਸਵੀਰ ਸ਼ੇਅਰ ਕਰਦੇ ਹੋਏ ਕੈਪਸ਼ਨ ਲਿਖਿਆ, ''वामपंथी अब कहीं नजर नहीं आएंगे क्योंकि कमल खिल रहा है! #KeralaWelcomesYogiJi''
ਵਾਇਰਲ ਪੋਸਟ ਦਾ ਅਰਕਾਇਵਰਡ ਲਿੰਕ
ਪੜਤਾਲ
ਪੜਤਾਲ ਸ਼ੁਰੂ ਕਰਦੇ ਹੋਏ ਅਸੀਂ ਵਾਇਰਲ ਤਸਵੀਰ ਨੂੰ Yandex ਟੂਲ ਵਿਚ ਅਪਲੋਡ ਕਰ ਰਿਵਰਸ ਇਮੇਜ ਸਰਚ ਕੀਤਾ। ਸਾਨੂੰ ਸਰਚ ਦੌਰਾਨ livemint ਦੀ ਰਿਪੋਰਟ ਮਿਲੀ। ਇਹ ਰਿਪੋਰਟ 7 ਅ੍ਰਪੈਲ 2015 ਨੂੰ ਅਪਲੋਡ ਕੀਤੀ ਗਈ ਸੀ। ਇਸ ਰਿਪੋਰਟ ਵਿਚ ਵਾਇਰਲ ਤਸਵੀਰ ਵੀ ਮੌਜੂਦ ਸੀ। ਤਸਵੀਰ ਹੇਠ ਕੈਪਸ਼ਨ ਲਿਖਿਆ ਹੋਇਆ ਸੀ, ''BJP workers made party’s huge symbol (lotus) during the BJP foundation day celebration in Ahmedabad on Monday. Photo: PTI''
(ਕੈਪਸ਼ਨ ਅਨੁਸਾਰ ਸੋਮਵਾਰ ਨੂੰ ਅਹਿਮਦਾਬਾਦ ਵਿਚ ਭਾਜਪਾ ਦੇ ਸਥਾਪਨਾ ਦਿਵਸ ਸਮਾਰੋਹ ਦੌਰਾਨ ਭਾਜਪਾ ਵਰਕਰਾਂ ਨੇ ਪਾਰਟੀ ਦਾ ਵਿਸ਼ਾਲ ਚਿੰਨ੍ਹ (ਕਮਲ) ਬਣਾਇਆ। ਫੋਟੋ: ਪੀ.ਟੀ.ਆਈ.)
ਪੂਰੀ ਰਿਪੋਰਟ ਇੱਥੇ ਕਲਿੱਕ ਕਰ ਕੇ ਪੜ੍ਹੀ ਜਾ ਸਕਦੀ ਹੈ।
ਸਰਚ ਦੌਰਾਨ ਸਾਨੂੰ timesofindia ਦੀ ਵੀ ਰਿਪੋਰਟ ਮਿਲੀ। ਇਹ ਰਿਪੋਰਟ ਵੀ 7 ਅ੍ਰਪੈਲ 2015 ਨੂੰ ਪ੍ਰਕਾਸ਼ਿਤ ਕੀਤੀ ਗਈ ਸੀ। ਰਿਪੋਰਟ ਵਿਚ ਵਾਇਰਲ ਤਸਵੀਰ ਵੀ ਪ੍ਰਕਾਸ਼ਿਤ ਕੀਤੀ ਗਈ ਸੀ। ਉਕਤ ਤਸਵੀਰ ਹੇਠ ਜੋ ਕੈਪਸ਼ਨ ਦਿੱਤਾ ਗਿਆ ਸੀ ਉਸ ਅਨੁਸਾਰ ਵੀ ਭਾਜਪਾ ਦੇ ਵਰਕਰਾਂ ਨੇ ਅਹਿਮਦਾਬਾਦ ਵਿਚ ਭਾਜਪਾ ਦੇ ਫਾਊਡੇਸ਼ਨ ਵਾਲੇ ਦਿਨ ਪਾਰਟੀ ਦਾ ਵਿਸ਼ਾਲ ਚਿੰਨ੍ਹ ਬਣਾਇਆ ਸੀ।
ਇਸ ਤੋਂ ਬਾਅਦ ਅਸੀਂ ਵਾਇਰਲ ਤਸਵੀਰ ਨੂੰ ਲੈ ਕੇ ਯੂਟਿਊਬ 'ਤੇ ਕੁੱਝ ਕੀਵਰਡ ਸਰਚ ਕੀਤੇ। ਸਰਚ ਦੌਰਾਨ ਸਾਨੂੰ
DD News ਦੇ ਯੂਟਿਊਬ ਪੇਜ਼ 'ਤੇ ਵੀਡੀਓ ਅਪਲੋਡ ਕੀਤਾ ਹੋਇਆ ਮਿਲਿਆ। ਇਹ ਵੀਡੀਓ 6 ਅ੍ਰਪੈਲ 2015 ਨੂੰ ਅਪਲੋਡ ਕੀਤਾ ਗਿਆ ਸੀ ਅਤੇ ਵੀਡੀਓ ਨੂੰ ਕੈਪਸ਼ਨ ਦਿੱਤਾ ਗਿਆ ਸੀ, ''BJP celeberates its 35st foundation day''
ਵੀਡੀਓ ਅਨੁਸਾਰ ਭਾਜਪਾ ਦੇ 35 ਵੇਂ ਸਥਾਪਨਾ ਦਿਵਸ 'ਤੇ ਭਾਜਪਾ ਦੇ ਵਰਕਰਾਂ ਨੇ ਪਾਰਟੀ ਦਾ ਇਕ ਵਿਸ਼ਾਲ ਚਿੰਨ੍ਹ ਬਣਾਇਆ ਸੀ। ਇਸ ਵੀਡੀਓ ਵਿਚ ਵੀ ਵਾਇਰਲ ਤਸਵੀਰ ਮੌਜੂਦ ਸੀ। ਵਾਇਰਲ ਤਸਵੀਰ ਨੂੰ ਤੁਸੀਂ ਇਸ ਵੀਡੀਓ ਵਿਚ 1.53 ਸੈਕਿੰਡ 'ਤੇ ਦੇਖ ਸਕਦੇ ਹੋ।
ਇਸ ਦੇ ਨਾਲ ਹੀ ਦੱਸ ਦਈਏ ਕਿ ਯੋਗੀ ਅਦਿੱਤਿਆਨਾਥ ਐਤਵਾਰ 21 ਫਰਵਰੀ ਨੂੰ ਕੇਰਲ ਦੇ ਕਾਸਰਗੋਡ ਵਿਚ ਵਿਧਾਨ ਸਭਾ ਚੋਣਾਂ ਦੀ ਤਿਆਰੀ ਦੇ ਲਈ ਭਾਰਤੀ ਜਨਤੀ ਪਾਰਟੀ ਦੀ ਵਿਜੈ ਯਾਤਰਾ ਵਿਚ ਸ਼ਾਮਿਲ ਹੋਏ ਸੀ ਅਤੇ ਇਸ ਦੌਰਾਨ ਉਹਨਾਂ ਨੇ ਜਨਸਭਾ ਨੂੰ ਵੀ ਸੰਬੋਧਿਤ ਕੀਤਾ ਸੀ।
ਯੋਗੀ ਅਦਿੱਤਿਆਨਾਥ ਦੀ ਯਾਤਰਾ ਦੀਆਂ ਕੁੱਝ ਤਸਵੀਰਾਂ ਹੇਠਾਂ ਦੇਖੀਆਂ ਜਾ ਸਕਦੀਆਂ ਹਨ।
Yogi Adityanath at BJP's Vijaya Yatra in Kasaragod.
Yogi Adityanath at BJP's Vijaya Yatra in Kasaragod.
Yogi Adityanath at BJP's Vijaya Yatra in Kasaragod.
ਨਤੀਜਾ - ਸਪੋਕਸਮੈਨ ਨੇ ਪੜਤਾਲ ਵਿਚ ਪਾਇਆ ਕਿ ਵਾਇਰਲ ਤਸਵੀਰ 2015 ਦੀ ਹੈ ਜਦੋਂ ਭਾਜਪਾ ਦੇ 35ਵੇਂ ਸਥਾਪਨਾ ਦਿਵਸ ਮੌਕੇ ਭਾਜਪਾ ਦੇ ਵਰਕਰਾਂ ਨੇ ਪਾਰਟੀ ਦਾ ਇਕ ਵਿਸ਼ਾਲ ਚਿੰਨ੍ਹ ਬਣਾਇਆ ਸੀ। ਉਸੇ ਤਸਵੀਰ ਨੂੰ ਹੁਣ ਯੋਗੀ ਅਦਿੱਤਿਆਨਾਥ ਦੀ ਕੇਰਲ ਯਾਤਰਾ ਦੇ ਨਾਲ ਜੋੜ ਕੇ ਵਾਇਰਲ ਕੀਤਾ ਜਾ ਰਿਹਾ ਹੈ।
Claim: ਵਾਇਰਲ ਤਸਵੀਰ ਯੋਗੀ ਅਦਿੱਤਿਆਨਾਥ ਦੀ ਕੇਰਲ ਯਾਤਰਾ ਦੀ ਹੈ।
Claimed By: ਭਾਜਪਾ ਦੇ ਨੇਤਾ ਮਨੀਸ਼ ਸਿੰਘ
Fact ChecK: ਫਰਜ਼ੀ
