ਇਹ ਵੀਡੀਓ 4 ਸਾਲ ਪੁਰਾਣਾ ਹੈ ਜਦੋਂ ਬੀਬੀਸੀ ਨੇ ਚੰਦਰਯਾਨ 2 ਦੇ ਲਾਂਚ ਸਮੇਂ ਮਿਸ਼ਨ 'ਤੇ ਖਰਚੇ ਗਏ ਪੈਸੇ 'ਤੇ ਸਵਾਲ ਉਠਾਏ ਸਨ।
RSFC (Team Mohali)- 23 ਅਗਸਤ 2023 ਨੂੰ ਚੰਦਰਯਾਨ-3 ਚੰਦਰਮਾ ਦੀ ਸਤ੍ਹਾ 'ਤੇ ਉਤਰਿਆ ਅਤੇ ਇਸ ਤੋਂ ਬਾਅਦ ਪੂਰੀ ਦੁਨੀਆ 'ਚ ਭਾਰਤ ਦੀ ਤਾਰੀਫ ਸ਼ੁਰੂ ਹੋ ਗਈ। ਇਸ ਦੌਰਾਨ ਇੱਕ ਵੀਡੀਓ ਵਾਇਰਲ ਹੋਇਆ ਜਿਸਦੇ ਨਾਲ ਦਾਅਵਾ ਕੀਤਾ ਗਿਆ ਕਿ ਜਿੱਥੇ ਪੂਰੀ ਦੁਨੀਆ ਭਾਰਤ ਦੀ ਤਾਰੀਫ ਕਰ ਰਹੀ ਹੈ, ਉੱਥੇ ਹੀ ਬੀਬੀਸੀ ਨੇ ਚੰਦਰਯਾਨ 3 ਦੀ ਆਲੋਚਨਾ ਕੀਤੀ ਹੈ। ਇਹ ਵਾਇਰਲ ਵੀਡੀਓ ਬੀਬੀਸੀ ਦੇ ਇੱਕ ਸ਼ੋਅ ਦਾ ਕਲਿੱਪ ਸੀ ਜਿਸ ਵਿਚ ਨਿਊਜ਼ ਐਂਕਰ ਭਾਰਤ ਦੀ ਅਰਥਵਿਵਸਥਾ 'ਤੇ ਸਵਾਲ ਚੁੱਕਦਾ ਨਜ਼ਰ ਆ ਰਿਹਾ ਹੈ ਅਤੇ ਭਾਰਤ ਨੇ ਇਸ ਮਿਸ਼ਨ 'ਤੇ ਇੰਨਾ ਪੈਸਾ ਕਿਉਂ ਖਰਚ ਕੀਤਾ, ਇਸ ਗੱਲ ਨੂੰ ਲੈ ਕੇ ਭਾਰਤ 'ਤੇ ਨਿਸ਼ਾਨੇ ਸਾਧ ਰਿਹਾ ਹੈ।
ਐਕਸ ਅਕਾਉਂਟ ਮੇਘ ਅਪਡੇਟਸ ਨੇ 23 ਅਗਸਤ, 2023 ਨੂੰ ਵਾਇਰਲ ਵੀਡੀਓ ਨੂੰ ਸਾਂਝਾ ਕਰਦੇ ਹੋਏ ਲਿਖਿਆ, "ਸੁਣੋ ਬੀਬੀਸੀ ਦਾ # ਚੰਦਰਯਾਨ3 ਬਾਰੇ ਕੀ ਕਹਿਣਾ ਸੀ - ਕੀ ਭਾਰਤ ਜਿਸ ਵਿਚ ਬੁਨਿਆਦੀ ਢਾਂਚੇ ਦੀ ਘਾਟ ਹੈ ਅਤੇ ਬਹੁਤ ਗਰੀਬੀ ਹੈ, ਕੀ ਉਹਨਾਂ ਨੂੰ ਕਿਸੇ ਪੁਲਾੜ ਪ੍ਰੋਗਰਾਮ 'ਤੇ ਇੰਨਾ ਪੈਸਾ ਖਰਚ ਕਰਨਾ ਚਾਹੀਦਾ ਹੈ?"
Listen to what BBC had to say about #Chandrayaan3
— Megh Updates ????™️ (@MeghUpdates) August 23, 2023
- Should India which lacks in Infrastructure and has extreme poverty, Should they be spending this much amount of money on a space program pic.twitter.com/dz28aaaS1T
ਰੋਜ਼ਾਨਾ ਸਪੋਕਸਮੈਨ ਨੇ ਆਪਣੀ ਜਾਂਚ ਵਿਚ ਵਾਇਰਲ ਵੀਡੀਓ ਨੂੰ ਗੁੰਮਰਾਹਕੁੰਨ ਪਾਇਆ ਹੈ। ਇਹ ਵੀਡੀਓ 4 ਸਾਲ ਪੁਰਾਣਾ ਹੈ ਜਦੋਂ ਬੀਬੀਸੀ ਨੇ ਚੰਦਰਯਾਨ 2 ਦੇ ਲਾਂਚ ਸਮੇਂ ਮਿਸ਼ਨ 'ਤੇ ਖਰਚੇ ਗਏ ਪੈਸੇ 'ਤੇ ਸਵਾਲ ਉਠਾਏ ਸਨ।
ਸਪੋਕਸਮੈਨ ਦੀ ਪੜਤਾਲ
ਜਾਂਚ ਸ਼ੁਰੂ ਕਰਦੇ ਹੋਏ, ਅਸੀਂ ਸਭਤੋਂ ਪਹਿਲਾਂ ਇਸ ਵੀਡੀਓ ਨੂੰ ਧਿਆਨ ਨਾਲ ਦੇਖਿਆ ਅਤੇ ਪਾਇਆ ਕਿ ਵੀਡੀਓ 'ਤੇ ਵਿਦੇਸ਼ ਟੀਵੀ ਦਾ ਵਾਟਰਮਾਰਕ ਪ੍ਰਸਾਰਿਤ ਹੋ ਰਿਹਾ ਹੈ। ਇਸ ਲਈ ਅਸੀਂ ਇਸ ਵੀਡੀਓ ਦੇ ਸਬੰਧ ਵਿਚ ਕੀਵਰਡ ਸਰਚ ਕਰ ਅਸਲ ਸਰੋਤ ਲੱਭਣਾ ਸ਼ੁਰੂ ਕੀਤਾ।
ਵਾਇਰਲ ਵੀਡੀਓ 2019 ਦੀ ਹੈ
ਸਾਨੂੰ ਇਹ ਵੀਡੀਓ 22 ਜੁਲਾਈ 2019 ਨੂੰ ਵਿਦੇਸ਼ ਟੀਵੀ ਦੇ ਯੂਟਿਊਬ ਅਕਾਊਂਟ 'ਤੇ ਅੱਪਲੋਡ ਮਿਲਿਆ। ਇਸ ਵੀਡੀਓ ਨੂੰ ਅਪਲੋਡ ਕਰਦੇ ਸਮੇਂ ਸਿਰਲੇਖ ਲਿਖਿਆ ਗਿਆ, "BBC REACTION ON CHANDRAYAAN 2 :700 MILLION INDIANS DON'T HAVE TOILET WHY INDIA SPEND MONEY ON SPACE"
ਇਥੇ ਮੌਜੂਦ ਜਾਣਕਾਰੀ ਅਨੁਸਾਰ ਬੀਬੀਸੀ ਦੇ ਪੱਤਰਕਾਰ ਨੇ ਚੰਦਰਯਾਨ 2 'ਤੇ ਖਰਚ ਕੀਤੇ ਗਏ ਪੈਸਿਆਂ 'ਤੇ ਸਵਾਲ ਉਠਾਉਂਦੇ ਹੋਏ ਭਾਰਤ ਸਰਕਾਰ 'ਤੇ ਨਿਸ਼ਾਨਾ ਸਾਧਿਆ ਸੀ।
ਸਾਨੂੰ ਵਾਇਰਲ ਵੀਡੀਓ ਦੇ ਸਬੰਧ ਵਿੱਚ ਬੀਬੀਸੀ ਦੀ ਪ੍ਰੈਸ ਟੀਮ ਦਾ ਇੱਕ ਟਵੀਟ ਮਿਲਿਆ ਜਿਸ ਵਿਚ ਉਹਨਾਂ ਨੇ ਵਾਇਰਲ ਦਾਅਵੇ ਦਾ ਖੰਡਨ ਕੀਤਾ ਅਤੇ ਸਪੱਸ਼ਟ ਕੀਤਾ ਕਿ ਇਹ ਕਲਿੱਪ 2019 ਦੀ ਹੈ।
This is an old clip from 2019.
— BBC News Press Team (@BBCNewsPR) August 24, 2023
The BBC's reporting of the #Chandrayaan3 yesterday can be seen here:https://t.co/unSvuwvgTO https://t.co/z0q8nsYCp7
ਨਤੀਜਾ- ਰੋਜ਼ਾਨਾ ਸਪੋਕਸਮੈਨ ਨੇ ਆਪਣੀ ਜਾਂਚ ਵਿਚ ਵਾਇਰਲ ਵੀਡੀਓ ਨੂੰ ਗੁੰਮਰਾਹਕੁੰਨ ਪਾਇਆ ਹੈ। ਇਹ ਵੀਡੀਓ 4 ਸਾਲ ਪੁਰਾਣਾ ਹੈ ਜਦੋਂ ਬੀਬੀਸੀ ਨੇ ਚੰਦਰਯਾਨ 2 ਦੇ ਲਾਂਚ ਸਮੇਂ ਮਿਸ਼ਨ 'ਤੇ ਖਰਚੇ ਗਏ ਪੈਸੇ 'ਤੇ ਸਵਾਲ ਉਠਾਏ ਸਨ।
