ਅੱਜ ਵੱਧ ਝਾੜ ਲੈਣ ਦੀ ਖਾਤਿਰ ਅਰਥਾਤ ਵੱਧ ਆਮਦਨ ਕਮਾਉਣ ਦੇ ਭੁਲੇਖੇ 'ਚ ਅਸੀਂ ਦੁਗਣਾ ਧਨ ਡਾਕਟਰਾਂ ਨੂੰ ਲੁਟਾ ਰਹੇ .....
ਵਾਤਾਵਰਣ ਦੀ ਸੰਭਾਲ, ਤੰਦਰੁਸਤੀ ਅਤੇ ਜਾਗਰੂਕਤਾ ਵਿਸ਼ੇ 'ਤੇ ਹੋਇਆ ਸੈਮੀਨਾਰ
ਜੈਤੋ, (ਜਸਵਿੰਦਰ ਸਿੰਘ ਜੱਸਾ) :- ਅੱਜ ਵੱਧ ਝਾੜ ਲੈਣ ਦੀ ਖਾਤਿਰ ਅਰਥਾਤ ਵੱਧ ਆਮਦਨ ਕਮਾਉਣ ਦੇ ਭੁਲੇਖੇ 'ਚ ਅਸੀਂ ਦੁਗਣਾ ਧਨ ਡਾਕਟਰਾਂ ਨੂੰ ਲੁਟਾ ਰਹੇ ਹਾਂ, ਕਿਉਂਕਿ ਅਸੀਂ ਆਪਣੀ ਸਿਹਤ ਦੀ ਸੰਭਾਲ ਜਾਂ ਤੰਦਰੁਸਤੀ ਵੱਲ ਧਿਆਨ ਦੇਣ ਸਬੰਧੀ ਜਾਗਰੂਕ ਨਹੀਂ। ਉਕਤ ਸ਼ਬਦਾਂ ਦਾ ਪ੍ਰਗਟਾਵਾ ਨੇੜਲੇ ਪਿੰਡ ਮੱਤਾ ਦੇ ਗੁਰਦਵਾਰਾ ਸਾਹਿਬ ਵਿਖੇ ਆਪਣੇ ਸੰਬੋਧਨ ਦੌਰਾਨ ਕਰਦਿਆਂ ਉੱਘੇ ਸਮਾਜਸੇਵੀ ਗੁਰਵਿੰਦਰ ਸਿੰਘ ਢਿੱਲੋਂ ਨੇ ਦੱਸਿਆ ਕਿ ਕਿਸੇ ਸਮੇਂ ਭਾਰਤ ਖਾਸ ਕਰਕੇ ਪੰਜਾਬ ਨੂੰ ਸੋਨੇ ਦੀ ਚਿੜੀ ਆਖਿਆ ਜਾਂਦਾ ਸੀ ਪਰ ਹਰੀਕ੍ਰਾਂਤੀ ਦੇ ਭੰਬਲਭੂਸੇ 'ਚ ਅਸੀਂ ਆਪਣੇ ਫਸਲਾਂ ਦਾ ਝਾੜ ਲੈਣ ਦੇ ਢੰਗ ਤਰੀਕਿਆਂ ਨੂੰ ਐਨਾ ਵਿਗਾੜ ਲਿਆ ਹੈ ਕਿ ਜਹਿਰੀਲੀਆਂ ਦਵਾਈਆਂ ਦੀ ਬਹੁਤਾਤ ਕਾਰਨ ਵਿਦੇਸ਼ਾਂ ਨੇ ਭਾਰਤ ਦੀ ਪੈਦਾਵਾਰ ਵਾਲੇ ਜਿਆਦਾਤਰ ਖਾਦ ਪਦਾਰਥ ਖਰੀਦਣ ਤੋਂ ਸਾਫ ਇਨਕਾਰ ਕਰ ਦਿੱਤੈ।
environment ਸਮਾਜਸੇਵਕ ਜਸਵਿੰਦਰ ਸਿੰਘ ਮੱਤਾ ਤੇ ਜਸਵੀਰ ਸਿੰਘ ਕਾਕਾ ਦੇ ਸਹਿਯੋਗ ਨਾਲ ਜਾਗਰੂਕਤਾ ਵਿਸ਼ੇ 'ਤੇ ਕਰਵਾਏ ਗਏ ਸੈਮੀਨਾਰ ਦੌਰਾਨ ਵਾਤਾਵਰਣ ਦੀ ਸੰਭਾਲ, ਅਨੁਸ਼ਾਸ਼ਨ ਦੀ ਪਾਲਣਾ, ਜਾਗਰੂਕਤਾ, ਤੰਦਰੁਸਤੀ, ਖਾਣ ਪੀਣ ਅਤੇ ਫਸਲਾਂ ਦੀ ਬਿਜਾਈ ਅਤੇ ਸੰਭਾਲ ਸਮੇਂ ਦੇ ਢੰਗ ਤਰੀਕਿਆਂ ਬਾਰੇ ਵਿਸਥਾਰ ਨਾਲ ਤੇ ਅੰਕੜਿਆਂ ਸਹਿਤ ਵਰਨਣ ਕੀਤਾ ਗਿਆ। ਸ੍ਰ. ਢਿੱਲੋਂ ਨੇ ਇਕ-ਇਕ ਅੰਕੜੇ ਪੇਸ਼ ਕਰਕੇ ਤੇ ਅਨੇਕਾਂ ਤਰਾਂ ਦੀਆਂ ਉਦਾਹਰਨਾਂ ਦਿੰਦਿਆਂ ਦੱਸਿਆ ਕਿ ਮਨੁੱਖੀ ਸਰੀਰ ਦੇ ਅੰਦਰ ਕੁਦਰਤੀ ਭੋਜਨ ਨਾਲ ਜੋ ਕੀਮਤੀ ਐਸਿਡ ਤਿਆਰ ਹੁੰਦਾ ਸੀ, ਉਹ ਹੁਣ ਡਾਕਟਰ ਗਰਭਵਤੀ ਔਰਤਾਂ ਦੇ ਪੇਟ 'ਚ ਪਲ ਰਹੇ ਬੱਚੇ ਦੀ ਸੁਰੱਖਿਆ ਲਈ ਰੇਡੀਮੇਡ ਤਿਆਰ ਕਰ ਰਹੇ ਹਨ, ਜਿਸ ਕਰਕੇ ਹਸਪਤਾਲਾਂ 'ਚ ਔਰਤਾਂ ਦੇ ਵੱਡੇ ਅਪ੍ਰੇਸ਼ਨ ਹੋਣੇ ਆਮ ਗੱਲ ਹੋ ਗਈ ਹੈ।
environment careਗੋਬਿੰਦ ਐਗਰੀਕਲਚਰ ਵਰਕਸ ਤੋਂ ਉੱਚੇਚੇ ਤੌਰ 'ਤੇ ਪੁੱਜੇ ਸੁਖਵਿੰਦਰ ਸਿੰਘ ਬੱਬੂ ਤੇ ਗੁਰਿੰਦਰ ਸਿੰਘ ਕੋਟਕਪੂਰਾ ਨੇ ਵੀ ਦੱਸਿਆ ਕਿ ਭਾਰਤ ਦੇਸ਼ ਅੰਦਰ ਜਿੰਨੀਆਂ ਮੌਤਾਂ ਭੁੱਖਮਰੀ ਨਾਲ ਹੁੰਦੀਆਂ ਹਨ, ਉਸ ਤੋਂ ਦੁੱਗਣੀਆਂ ਮੌਤਾਂ ਦੀ ਗਿਣਤੀ ਬੱਦਹਜਮੀ ਨਾਲ ਹੋਣ ਵਾਲਿਆਂ ਦੀ ਹੈ। ਉਨਾ ਕਿਸਾਨਾ ਨੂੰ ਆਪਣੇ ਹੱਕਾਂ ਤੇ ਅਧਿਕਾਰਾਂ ਪ੍ਰਤੀ ਜਾਗਰੂਕ ਰਹਿਣ ਦੀ ਅਪੀਲ ਕਰਦਿਆਂ ਆਖਿਆ ਕਿ ਅੱਜ ਕੋਈ ਵੀ ਸਰਕਾਰ ਜਾਂ ਗੈਰ ਸਰਕਾਰੀ ਸੰਸਥਾ ਕਿਸਾਨਾ ਨੂੰ ਸਰਕਾਰਾਂ ਤੋਂ ਮਿਲਣ ਵਾਲੀਆਂ ਸਹੂਲਤਾਂ, ਕਿਸਾਨ ਜਾਗਰੂਕਤਾ ਲਈ ਯੂਨੀਵਰਸਿਟੀਆਂ 'ਚ ਲੱਗਣ ਵਾਲੇ ਕਿਸਾਨ ਮੇਲੇ, ਜਾਗਰੂਕਤਾ ਸੈਮੀਨਾਰ ਜਾਂ ਅਜਿਹੇ ਹੋਰ ਸਮਾਗਮ ਹੁੰਦੇ ਹਨ, ਉੱਥੋਂ ਵੱਧ ਤੋਂ ਵੱਧ ਜਾਣਕਾਰੀ ਹਾਸਲ ਕਰਕੇ ਆਪਣੇ ਅਧਿਕਾਰਾਂ ਲਈ ਜਾਗਰੂਕ ਹੋਣਾ ਵਰਤਮਾਨ ਸਮੇਂ ਦੀ ਮੁੱਖ ਲੋੜ ਹੈ।
