ਪੰਜਾਬ ਵਿੱਚ ਸਬਜ਼ੀਆਂ ਦੀ ਕਾਸ਼ਤ ਨੂੰ ਪ੍ਰਫੁੱਲਤ ਕਰਨ ਲਈ ਅਗਾਂਹਵਧੂ ਸਬਜ਼ੀ ਕਾਸ਼ਤਕਾਰਾਂ ਅਤੇ ਸਬਜ਼ੀ ਮਾਹਿਰਾਂ ਨੂੰ ਸਾਂਝੇ ਮੰਚ ਤੇ ਲਿਆ ਕੇ ਵਿਚਾਰ-ਵਟਾਂਦਰੇ
ਲੁਧਿਆਣਾ : ਪੀ.ਏ.ਯੂ. ਦੇ ਸਬਜ਼ੀ ਵਿਗਿਆਨ ਵਿਭਾਗ ਵੱਲੋਂ ਸਬਜ਼ੀਆਂ ਦੀ ਸੁਰੱਖਿਅਤ ਖੇਤੀ ਸੰਬੰਧਿਤ ਵੈਬੀਨਾਰ 15 ਅਕਤੂਬਰ ਨੂੰ ਕਰਵਾਇਆ ਜਾ ਰਿਹਾ ਹੈ। ਇਸ ਸੰਬੰਧੀ ਜਾਣਕਾਰੀ ਦਿੰਦਿਆਂ ਸਬਜ਼ੀ ਵਿਗਿਆਨ ਵਿਭਾਗ ਦੇ ਮੁਖੀ ਡਾ. ਅਜਮੇਰ ਸਿੰਘ ਢੱਟ ਨੇ ਦੱਸਿਆ ਕਿ ਇਹ ਵੈਬੀਨਾਰ ਪੰਜਾਬ ਵਿੱਚ ਸਬਜ਼ੀਆਂ ਦੀ ਕਾਸ਼ਤ ਨੂੰ ਪ੍ਰਫੁੱਲਤ ਕਰਨ ਲਈ ਅਗਾਂਹਵਧੂ ਸਬਜ਼ੀ ਕਾਸ਼ਤਕਾਰਾਂ ਅਤੇ ਸਬਜ਼ੀ ਮਾਹਿਰਾਂ ਨੂੰ ਸਾਂਝੇ ਮੰਚ ਤੇ ਲਿਆ ਕੇ ਵਿਚਾਰ-ਵਟਾਂਦਰੇ ਲਈ ਪ੍ਰੇਰਿਤ ਕਰੇਗਾ।
Safe Vegetable Cultivation
ਉਨ੍ਹਾਂ ਦੱਸਿਆ ਕਿ ਇਸ ਵੈਬੀਨਾਰ ਵਿੱਚ ਸੁਰੱਖਿਅਤ ਖੇਤੀ ਸੰਬੰਧੀ ਵੱਖ-ਵੱਖ ਮਾਹਿਰ ਆਪਣੀਆਂ ਧਾਰਨਾਵਾਂ ਪੇਸ਼ ਕਰਨਗੇ ਜਿਨ੍ਹਾਂ ਵਿੱਚ 'ਮੌਜੂਦਾ ਸਮੇਂ ਵਿੱਚ ਪੰਜਾਬ ਵਿੱਚ ਸਬਜ਼ੀਆਂ ਲਈ ਸੁਰੱਖਿਅਤ ਖੇਤੀ ਦਾ ਦ੍ਰਿਸ਼' 'ਭਵਿੱਖ ਦੀਆਂ ਸੰਭਾਵਨਾਵਾਂ', ਪੌਲੀਨੈਟ ਹਾਊਸ ਤਕਨੀਕ, ਸ਼ਿਮਲਾ ਮਿਰਚ ਅਤੇ ਟਮਾਟਰ ਦੀ ਸੁਰੱਖਿਅਤ ਕਾਸ਼ਤ, ਪੌਲੀਨੈਟ ਹਾਊਸ ਵਿੱਚ ਖੀਰੇ ਅਤੇ ਬੈਂਗਣ ਦੀ ਕਾਸ਼ਤ ਅਤੇ ਨੀਵੀਂ ਸੁਰੰਗ ਤਕਨੀਕ ਵਿੱਚ ਸਬਜ਼ੀਆਂ ਦੀ ਕਾਸ਼ਤ ਸੰਬੰਧੀ ਵੱਖ-ਵੱਖ ਵਿਦਵਾਨ ਆਪਣੇ ਨੁਕਤੇ ਸਾਂਝੇ ਕਰਨਗੇ।
Vegetable Cultivation
ਇਸ ਤੋਂ ਇਲਾਵਾ ਪੌਲੀਨੈਟ ਹਾਊਸ ਵਿੱਚ ਸਬਜ਼ੀਆਂ ਦੀਆਂ ਬਿਮਾਰੀਆਂ ਅਤੇ ਉਨ੍ਹਾਂ ਦੀ ਰੋਕਥਾਮ ਅਤੇ ਪੌਲੀਨੈਟ ਹਾਊਸ ਸਥਿਤੀਆਂ ਵਿੱਚ ਨੀਮਾਟੋਡ ਆਦਿ ਦੀ ਰੋਕਥਾਮ ਬਾਰੇ ਵਿਸਥਾਰ ਨਾਲ ਗੱਲਬਾਤ ਹੋਵੇਗੀ। ਡਾ. ਢੱਟ ਨੇ ਦੱਸਿਆ ਕਿ ਇਸ ਤੋਂ ਇਲਾਵਾ ਸਬਜ਼ੀ ਦੀ ਅਗਾਂਹਵਧੂ ਕਾਸ਼ਤਕਾਰਾਂ ਨਾਲ ਵਿਚਾਰ-ਵਟਾਂਦਰੇ ਦੇ ਸੈਸ਼ਨ ਹੋਣਗੇ। ਪ੍ਰਸਿੱਧ ਸਬਜ਼ੀ ਮਾਹਿਰ ਕਿਸਾਨਾਂ ਵੱਲੋਂ ਪੁੱਛੇ ਜਾਣ ਵਾਲੇ ਸਵਾਲਾਂ ਦੇ ਜਵਾਬ ਵੀ ਦੇਣਗੇ। ਇਸ ਸੰਬੰਧੀ ਵੈਬੀਨਾਰ ਦਾ ਹਿੱਸਾ ਬਣਨ ਲਈ ਗੁਗਲ ਮੀਟ ਦੇ ਲਿੰਕ ਉਪਰ ਕਲਿੱਕ ਕੀਤਾ ਜਾ ਸਕਦਾ ਹੈ ।
