Advertisement
  ਖੇਤੀਬਾੜੀ   ਕਿਸਾਨੀ ਮੁੱਦੇ  19 Nov 2019  ਕੰਧਾਰੀ ਅਨਾਰ 'ਤੇ ਪਈ ਕੀੜਿਆਂ ਦੀ ਮਾਰ, ਬਰਾਮਦ ਦਰ 'ਚ ਕਟੌਤੀ

ਕੰਧਾਰੀ ਅਨਾਰ 'ਤੇ ਪਈ ਕੀੜਿਆਂ ਦੀ ਮਾਰ, ਬਰਾਮਦ ਦਰ 'ਚ ਕਟੌਤੀ

ਸਪੋਕਸਮੈਨ ਸਮਾਚਾਰ ਸੇਵਾ
Published Nov 19, 2019, 11:26 am IST
Updated Nov 19, 2019, 11:26 am IST
ਕੰਧਾਰ 'ਚ ਇਕ ਮੱਧ ਆਕਾਰ ਦੇ ਅਨਾਰ ਦੀ ਕੀਮਤ ਲਗਭਗ 15 ਅਮਰੀਕੀ ਸੈਂਟ ਦੇ ਬਰਾਬਰ ਹੁੰਦੀ ਹੈ ਪਰ ਕਾਬੁਲ ਪੁੱਜਣ ਤੱਕ ਉਸ ਦੀ ਕੀਮਤ ਲਗਭਗ 3 ਗੁਣਾ ਹੋ ਜਾਂਦੀ ਹੈ
pomegranate Tree
 pomegranate Tree

ਕੰਧਾਰ : ਦੱਖਣ ਅਫਗਾਨਿਸਤਾਨ 'ਚ ਅਨਾਰ ਦਾ ਕਾਰੋਬਾਰ ਇਸ ਸਾਲ ਮੌਸਮ, ਕੀੜਿਆਂ ਅਤੇ ਬਰਾਮਦ ਸੰਕਟ ਦੀ ਮਾਰ ਝੱਲ ਰਿਹਾ ਹੈ, ਜੋ ਇਸ ਦੇਸ਼ 'ਚ ਅਫੀਮ ਦੀ ਖੇਤੀ ਦਾ ਇਕ ਮਹੱਤਵਪੂਰਨ ਬਦਲ ਹੈ। ਕੰਧਾਰ ਸੂਬੇ ਦੇ ਅਨਾਰ ਦੁਨੀਆ ਭਰ 'ਚ ਪ੍ਰਸਿੱਧ ਹਨ, ਜਿਨ੍ਹਾਂ ਦਾ ਆਕਾਰ ਛੋਟੇ ਤਰਬੂਜ਼ ਜਿੰਨਾ ਹੁੰਦਾ ਹੈ। ਇਹ ਕਾਫ਼ੀ ਰਸਦਾਰ ਹੁੰਦੇ ਹਨ। ਹਰ ਸਾਲ ਇਸ ਮੌਸਮ 'ਚ ਅਨਾਰ ਪੱਕਣ ਨਾਲ ਹੀ ਇਨ੍ਹਾਂ ਦਾ ਜੂਸ ਅਫਗਾਨ ਲੋਕਾਂ ਦੀ ਰੋਜ਼ਾਨਾ ਜ਼ਿੰਦਗੀ 'ਚ ਸ਼ਾਮਲ ਹੋ ਜਾਂਦਾ ਹੈ।

Pesticide infested on pomegranatePesticide infested on pomegranate

ਕੰਧਾਰ ਦੇ ਕੁੱਝ ਕਿਸਾਨਾਂ ਦਾ ਕਹਿਣਾ ਹੈ ਕਿ ਉੱਲੀ ਅਤੇ ਨੁਕਸਾਨਦਾਇਕ ਕੀੜੇ ਇਸ ਮੌਸਮ ਦੀ ਫਸਲ ਨੂੰ ਨੁਕਸਾਨ ਪਹੁੰਚਾ ਰਹੇ ਹਨ। ਨਾਲ ਹੀ ਗੁਆਂਢੀ ਪਾਕਿਸਤਾਨ ਦੀ ਨਵੀਂ ਟੈਕਸ ਵਿਵਸਥਾ ਬਰਾਮਦ ਬਾਜ਼ਾਰ ਨੂੰ ਨੁਕਸਾਨ ਪਹੁੰਚਾ ਰਹੀ ਹੈ। ਸੂਬੇ ਦੇ ਚੈਂਬਰ ਆਫ ਕਾਮਰਸ ਦੇ ਮੁਖੀ ਨਸਰੁੱਲਾ ਜ਼ਹੀਰ ਨੇ ਕਿਹਾ ਕਿ ਸਵਾਦ ਅਤੇ ਰੰਗ ਦੇ ਲਿਹਾਜ਼ ਨਾਲ ਕੰਧਾਰ ਦੇ ਅਨਾਰ ਦੁਨੀਆ 'ਚ ਸਭ ਤੋਂ ਉੱਤਮ ਹਨ।

Pesticide infested on pomegranatePomegranate

ਕੰਧਾਰ 'ਚ ਇਕ ਮੱਧ ਆਕਾਰ ਦੇ ਅਨਾਰ ਦੀ ਕੀਮਤ ਲਗਭਗ 15 ਅਮਰੀਕੀ ਸੈਂਟ ਦੇ ਬਰਾਬਰ ਹੁੰਦੀ ਹੈ ਪਰ ਕਾਬੁਲ ਪੁੱਜਣ ਤੱਕ ਉਸ ਦੀ ਕੀਮਤ ਲਗਭਗ 3 ਗੁਣਾ ਹੋ ਜਾਂਦੀ ਹੈ। ਕਈ ਕਿਸਾਨਾਂ ਨੇ ਦਾਅਵਾ ਕੀਤਾ ਕਿ ਪਾਕਿਸਤਾਨ ਨੇ ਅਨਾਰ ਦਰਾਮਦ 'ਤੇ ਭਾਰੀ ਡਿਊਟੀ ਲਾਈ ਹੈ। ਇਸ ਨਾਲ ਅਫਗਾਨਿਸਤਾਨ ਦੇ ਕੁੱਝ ਹਿੱਸਿਆਂ 'ਚ ਪੈਦਾਵਾਰ 'ਚ ਗਿਰਾਵਟ ਦੇ ਬਾਵਜੂਦ ਘਰੇਲੂ ਬਾਜ਼ਾਰ 'ਚ ਜ਼ਿਆਦਾ ਸਪਲਾਈ ਹੋਈ ਹੈ ਅਤੇ ਕੀਮਤਾਂ 'ਚ ਕਮੀ ਆਈ ਹੈ। 

Advertisement
Advertisement

 

Advertisement