ਪੰਜਾਬ ਦਾ ਕਿਸਾਨ ਹੱਥੀ ਮਿਹਨਤ ਛੱਡ ਕੇ ਸਿਰ ਚੜ੍ਹੇ ਕਰਜ਼ੇ ਦੇ ਕਾਰਨ ਖੁਦਕੁਸ਼ੀਆਂ ਦੇ ਰਾਹ ਪੈ ਰਿਹਾ ਹੈ
ਅੱਜ ਜਿਥੇ ਪੰਜਾਬ ਦਾ ਕਿਸਾਨ ਹੱਥੀ ਮਿਹਨਤ ਛੱਡ ਕੇ ਸਿਰ ਚੜ੍ਹੇ ਕਰਜ਼ੇ ਦੇ ਕਾਰਨ ਖੁਦਕੁਸ਼ੀਆਂ ਦੇ ਰਾਹ ਪੈ ਰਿਹਾ ਹੈ ਉਥੇ ਕਸਬਾ ਝਬਾਲ ਦੇ ਇਕ ਅਗਾਂਹ ਵਧੂ ਕਿਸਾਨ ਸੁਖਵਿੰਦਰ ਸਿੰਘ ਨੇ ਆਪਣੀ ਜ਼ਮੀਨ ਵਿਚ ਫੁੱਲਾਂ ਦੀ ਕਰਾਹਤ ਕਰਕੇ ਇਹ ਸਾਬਤ ਕਰ ਦਿੱਤਾ ਹੈ ਕਿ ਹਰ ਕੋਈ ਕਿਸਾਨ ਆਪਣੀ ਜ਼ਮੀਨ ਵਿਚ ਮਿਹਨਤ ਕਰੇ ਤਾਂ ਉਸਨੂੰ ਆਪਣੀ ਜੀਵਨ ਲੀਲਾ ਖਤਮ ਕਰਨ ਦੀ ਕੋਈ ਲੋੜ ਨਹੀਂ|
floricultureਉਹਨਾਂ ਦੱਸਿਆ ਕਿ ਉਹਨਾਂ ਦੇ ਹਿੱਸੇ ਆਈ ਜ਼ਮੀਨ ਭਾਵੇਂ ਘੱਟ ਸੀ ਪਰ ਉਹਨਾਂ ਵੱਲੋਂ ਆਪਣੇ 2 ਬੇਟਿਆਂ ਦੀ ਮਦਦ ਨਾਲ 6 ਕਨਾਲ ਦੇ ਰਕਬੇ ਵਿਚ ਬੀਜੀ ਫੁੱਲਾਂ ਦੀ ਫਸਲ ਤੋਂ ਉਹ ਤਕਰੀਬਨ 4000 ਰੁ: ਰੋਜ਼ਾਨਾ ਕਮਾਉਂਦੇ ਹਨ ਤੇ ਆਪਣੀ ਇਸ ਫਸਲ ਦੀ ਤੁੜਾਈ ਵੀ ਉਹ ਖੁਦ ਹੀ ਕਰਦੇ ਹਨ ਤੇ ਸਵੇਰੇ ਸੂਰਜ ਚੜ੍ਹਨ ਤੋਂ ਪਹਿਲਾਂ ਆਪਣਾ ਕੰਮ ਪੂਰਾ ਕਰ ਲੈਂਦੇ ਹਨ ਤੇ ਰੋਜ਼ਾਨਾ 2 ਕੁਇੰਟਲ ਦੇ ਲਗਭਗ ਫੁੱਲ ਤੋੜ ਕੇ ਉਸਨੂੰ ਬਜ਼ਾਰ ਵਿਚ ਵੇਚ ਆਉਂਦੇ ਹਨ|
floricultureਉਹਨਾਂ ਕਿਹਾ ਕਿ ਫੁੱਲਾਂ ਦੀ ਪਨੀਰੀ ਭਾਵੇਂ ਕਿ ਮੌਸਮ ਦੇ ਹਿਸਾਬ ਨਾਲ ਇਥੇ ਨਹੀਂ ਹੁੰਦੀ ਜੋ ਇਥੋਂ ਦੀ ਬਜਾਏ ਹੋਰ ਸੂਬੇ ਵਿਚੋਂ ਮੰਗਵਾਉਣੀ ਪੈਂਦੀ ਹੈ ਜਿਸਤੇ ਲਗਭਗ ਪਨੀਰੀ ਅਤੇ ਵਾਹੀ ਖਾਦ ਆਦਿ ਦਾ ਖਰਚਾ 15/20 ਹਜ਼ਾਰ ਰੁ: ਇਕ ਕਿੱਲੇ ਦਾ ਆ ਜਾਂਦਾ ਹੈ ਤੇ ਇਸਦੀ ਆਮਦਨ ਦੂਜੀਆਂ ਫਸਲਾਂ ਦੇ ਮੁਕਾਬਲੇ ਕਿਤੇ ਜਿਆਦਾ ਨਿਕਲਦੀ ਹੈ ਤੇ ਸਾਲ ਵਿਚ ਹੁੰਦੀਆਂ 2 ਫਸਲਾਂ ਦੇ ਮੁਕਾਬਲੇ ਇਕ ਫਸਲ ਫੁੱਲਾਂ ਦੀ ਲੈ ਕੇ 1.5 ਤੋਂ 2 ਲੱਖ ਰੁ: ਇਕ ਕਿੱਲੇ ਦਾ ਮੁਨਾਫਾ ਹੁੰਦਾ ਹੈ|
floricultureਉਹਨਾਂ ਕਿਸਾਨਾਂ ਨੂੰ ਅਪੀਲ ਕਰਦਿਆਂ ਕਿਹਾ ਕਿ ਉਹ ਖੁਦਕੁਸ਼ੀਆਂ ਦੇ ਰਾਹ ਨੂੰ ਨਾ ਅਪਣਾਉਂਦਿਆਂ ਹੋਇਆ ਆਪਣੀ ਜ਼ਮੀਨ ਨੂੰ ਦੁਕਾਨ ਬਣਾ ਕੇ ਇਸ ਵਿਚ ਮਿਹਨਤ ਕਰਨ ਤੇ ਕੋਈ ਵੀ ਕਰਜ਼ਦਾਰ ਉਹਨਾਂ ਤੇ ਹਾਵੀ ਨਹੀਂ ਹੋ ਸਕਦਾ ਤੇ ਉਹਨਾਂ ਨੂੰ ਆਪਣੀਆਂ ਜਰੂਰਤਾਂ ਪੂਰੀਆਂ ਕਰਨ ਲਈ ਕਿਸੇ ਦੇ ਤਰਲੇ ਨਹੀਂ ਲੈਣੇ ਪੈਣਗੇ | ਉਹਨਾਂ ਦੱਸਿਆ ਕਿ ਦੁਨੀਆਂ ਵਿਚ ਕੋਈ ਵੀ ਕਾਰੋਬਾਰ ਅਜਿਹਾ ਨਹੀਂ ਜਿਸ ਵਿਚੋਂ ਜ਼ਮੀਨ ਜਿੰਨੀ ਆਮਦਨ ਹੁੰਦੀ ਹੋਵੇ |
ਉਹਨਾਂ ਮਿਸਾਲ ਦਿੰਦਿਆਂ ਕਿਹਾ ਕਿ ਕਿਸੇ ਦ ਕੋਈ ਬਿ੦ਨਸ 5% ਤੋਂ ਲੈ ਕੇ 50% ਤੱਕ ਮੁਨਾਫਾ ਦੇ ਸਕਦਾ ਹੈ ਪਰ ਵਾਹੀ ਇਕ ਅਜਿਹਾ ਬਿਜ਼ਨਸ ਹੈ ਜੋ ਕਿ ਮਿਹਨਤ ਦਾ ਮੁੱਲ ਪਾਉਂਦੀ ਹੈ ਤੇ ਕਈ ਗੁਣਾ ਜਿਆਦਾ ਇਸਦੀ ਪੈਦਾਵਾਰ ਹੋ ਜਾਂਦੀ ਹੈ |
