ਕਿਸਾਨ ਦੀ ਮੱਕੀ 10 ਰੁਪਏ ਕਿਲੋ, ਵਪਾਰੀ ਦਾ ਆਟਾ 35 ਰੁਪਏ ਕਿਲੋ, ਕੀ ਉਡੀਕ ਰਹੀ ਹੈ ਮੇਰੀ ਸਰਕਾਰ!
Published : Oct 26, 2020, 9:11 am IST
Updated : Oct 26, 2020, 9:11 am IST
SHARE ARTICLE
Farmer
Farmer

ਕਿਸਾਨ ਵੀਰਾਂ ਦੀ ਹੋ ਰਹੀ ਲੁੱਟ ਲਈ ਕੌਣ ਜ਼ਿੰਮੇਵਾਰ

ਸੰਗਰੂਰ (ਬਲਵਿੰਦਰ ਸਿੰਘ ਭੁੱਲਰ) : ਪੰਜਾਬ ਅੰਦਰ ਮੱਕੀ ਦੀ ਵਪਾਰਕ ਪੱਧਰ 'ਤੇ ਕਾਸ਼ਤ ਕਰਨ ਵਾਲੇ ਅਤੇ ਹਿਮਾਚਲ ਪ੍ਰਦੇਸ਼ ਨਾਲ ਲਗਦੇ ਸੂਬੇ ਦੇ ਕਈ ਉਤਰੀ ਜ਼ਿਲ੍ਹਿਆਂ ਦੇ ਇਲਾਕਿਆਂ ਅੰਦਰ ਮੱਕੀ ਦੀ ਫ਼ਸਲ ਦੇ ਰੇਟ ਦਾ ਬਹੁਤ ਬੁਰਾ ਹਾਲ ਹੈ। ਕੇਂਦਰ ਸਰਕਾਰ ਵਲੋਂ ਸਾਲ 2020-21 ਲਈ ਮੱਕੀ ਦੀ ਫ਼ਸਲ ਦੇ ਐਲਾਨੇ ਗਏ ਘੱਟੋ-ਘੱਟ ਸਮਰਥਨ ਮੁੱਲ (ਐਮ.ਐਸ.ਪੀ.) 1850 ਰੁਪਏ ਪ੍ਰਤੀ ਕਇੰਟਲ ਦੇ ਬਾਵਜੂਦ ਕਿਸਾਨਾਂ ਨੂੰ ਕੁੱਝ ਸ਼ਹਿਰਾਂ ਦੀਆਂ ਦਾਣਾ ਮੰਡੀਆਂ ਵਿਚ ਸੁੱਕੀ ਮੱਕੀ ਦਾ ਮੁੱਲ ਲਗਭਗ 1000 ਰੁਪਏ ਪ੍ਰਤੀ ਕਇੰਟਲ ਅਤੇ ਗਿੱਲੀ ਮੱਕੀ ਦਾ ਰੇਟ ਲਗਭਗ 800 ਰੁਪਏ ਪ੍ਰਤੀ ਕਇੰਟਲ ਮਿਲ ਰਿਹਾ ਹੈ।

CornCorn

ਮੱਕੀ ਦੀ ਕਾਸ਼ਤ ਦਾ ਬਹੁਤ ਹਿੱਸਾ ਪਸ਼ੂਆਂ ਦਾ ਦਾਣਾ ਅਤੇ ਪੋਲਟਰੀ ਫ਼ੀਡ ਵਿਚ ਇਸਤੇਮਾਲ ਹੁੰਦਾ ਹੈ ਜਦਕਿ ਪੰਜਾਬ ਵਿਚ ਇਸ ਨੂੰ ਖਾਣ ਵਾਲੇ ਲੋਕਾਂ ਦੀ ਗਿਣਤੀ ਆਟੇ ਵਿਚ ਲੂਣ ਦੇ ਬਰਾਬਰ ਹੈ। ਪੰਜਾਬ ਅੰਦਰ ਜਿਹੜੇ ਵੀ ਲੋਕ ਸਰਦੀਆਂ ਦੇ ਮੌਸਮ ਦੌਰਾਨ ਮੱਕੀ ਦੇ ਆਟੇ ਦੀਆਂ ਰੋਟੀਆਂ ਖਾਣ ਦੇ ਸ਼ੌਕੀਨ ਹਨ, ਉਹ ਮੱਕੀ ਤਾਂ ਨਹੀਂ ਖ਼ਰੀਦਦੇ ਪਰ ਦੁਕਾਨਾਂ ਜਾਂ ਆਟਾ ਚੱਕੀਆਂ ਤੋਂ ਪਿਸਿਆ ਆਟਾ ਜ਼ਰੂਰ ਖ਼ਰੀਦ ਕਰਦੇ ਹਨ।

Makki Da Attta Makki Da Attta

ਪੜ੍ਹੇ ਲਿਖੇ ਤੇ ਕੁੱਝ ਚੇਤਨ ਗਾਹਕ ਜਦ ਇਸ ਆਟੇ ਦੀ ਕੀਮਤ 33 ਤੋਂ 35 ਰੁਪਏ ਪ੍ਰਤੀ ਕਿੱਲੋ ਦੇ ਭਾਅ ਤਾਰਦੇ ਹਨ ਤਾਂ ਉਨ੍ਹਾਂ ਦਾ ਇਕ ਵਾਰ ਰੇਟ ਸੁਣ ਕੇ ਤਰਾਹ ਨਿਕਲ ਜਾਂਦਾ ਹੈ। ਹੈਰਾਨੀ ਦੀ ਗੱਲ ਹੈ ਕਿ ਕਿਸਾਨ ਦੀ ਮੱਕੀ 10 ਰੁਪਏ ਕਿਲੋ ਵਪਾਰੀ ਦਾ ਆਟਾ 35 ਰੁਪਏ ਕਿਲੋ ਵਿਕ ਰਿਹਾ ਹੈ। ਕੀ ਸੂਬਾ ਸਰਕਾਰ, ਫੂਡ ਐਂਡ ਸਿਵਲ ਸਪਲਾਈ ਵਿਭਾਗ ਪੰਜਾਬ ਜਾਂ ਵਿਜੀਲੈਂਸ ਵਿਭਾਗ ਪੰਜਾਬ ਦਿਨ ਦਿਹਾੜੇ ਹੋ ਰਹੀ ਇਸ ਅੰਨੀ ਲੁੱਟ ਦੀ ਕੋਈ ਸਾਰਥਕ ਰੋਕਥਾਮ ਕਰਨ ਦਾ ਯਤਨ ਕਰੇਗਾ?

Farmers Farmers

ਸੂਬੇ ਦੇ ਆਮ ਜਿਹੇ ਦੁਕਾਨਦਾਰਾਂ ਅਤੇ ਆਟਾ ਚੱਕੀਆਂ ਦੀ ਮਨਮਰਜ਼ੀ ਦੇ ਰੇਟਾਂ ਸਾਹਮਣੇ ਜਦੋਂ ਸੂਬਾ ਸਰਕਾਰ ਬਿਲਕੁਲ ਬੇਵਸ ਹੈ ਤਾਂ ਉਹ ਵੱਡ-ਵੱਡੇ ਸਕੈਂਡਲ ਕਿਵੇਂ ਬੇਨਕਾਬ ਕਰੇਗੀ? ਜ਼ਿਕਰਯੋਗ ਹੈ ਕਿ ਕੋਈ ਵੀ ਪਾਰਟੀ ਚੋਣਾਂ ਲੜਦੀ ਹੈ ਤਾਂ ਉਹ ਕਿਸਾਨਾਂ ਦੇ ਹੱਕਾਂ ਦੀ ਰਾਖੀ ਲਈ ਹਾਅ ਦਾ ਨਾਹਰਾ ਮਾਰਦੀ ਹੈ, ਕਿਸਾਨਾਂ ਦੇ ਹੱਕਾਂ ਵਿਚ ਵੱਡੇ-ਵੱਡੇ ਦਾਅਵੇ ਕੀਤੇ ਜਾਂਦੇ ਹਨ। ਜਿਵੇਂ ਕੇਂਦਰ ਸਰਕਾਰ ਨੇ ਇਕ ਪਾਸੇ 2022 ਤਕ ਕਿਸਾਨਾਂ ਦੀ ਆਮਦਨ ਦੁਗਣੀ ਕਰਨ ਦਾ ਦਾਅਵਾ ਕੀਤਾ ਹੈ ਪਰ ਖ਼ੁਦ ਹੀ ਕਿਸਾਨ ਵਿਰੋਧੀ ਬਿਲ ਪਾਸ ਕਰ ਰਹੀ ਹੈ।

captian Amrinder singh captian Amrinder singh

ਇਸੇ ਤਰ੍ਹਾਂ ਸੂਬਾ ਸਰਕਾਰਾਂ ਵੀ ਕਿਸਾਨਾਂ ਦੇ ਹੱਕਾਂ ਦੀਆਂ ਗੱਲਾਂ ਕਰਦੀਆਂ ਹਨ ਪਰ ਫ਼ਾਇਦਾ ਕਿਸਾਨਾਂ ਨੂੰ ਘੱਟ ਤੇ ਵਪਾਰੀਆਂ ਨੂੰ ਜ਼ਿਆਦਾ ਹੁੰਦਾ ਹੈ। ਕਿਸਾਨ ਫ਼ਸਲ 'ਤੇ ਜਿੰਨਾ ਖ਼ਰਚਾ ਕਰਦਾ ਹੈ, ਉਸ ਫ਼ਸਲ ਦਾ ਮੁਲ ਖ਼ਰਚੇ ਨਾਲੋਂ ਕਿਤੇ ਘੱਟ ਮਿਲਦਾ ਹੈ ਪਰ ਵਪਾਰੀ ਅਪਣੀ ਦੁਕਾਨ 'ਤੇ ਬੈਠਾ-ਬੈਠਾ ਹੀ ਉਸੇ ਫ਼ਸਲ ਵਿਚੋਂ ਕਿਸਾਨ ਨਾਲੋਂ ਵੱਧ ਪੈਸੇ ਕਮਾਉਂਦਾ ਹੈ। ਇਹੀ ਹਾਲ ਸਬਜ਼ੀਆਂ ਦੀ ਫ਼ਸਲ ਹੈ ਜਦੋਂ ਕਿਸਾਨਾਂ ਦੇ ਖੇਤ 'ਚ ਕਿਸੇ ਸਬਜ਼ੀ ਦੀ ਪੈਦਾਵਾਰ ਹੁੰਦੀ ਤਾਂ ਉਸ ਦਾ ਮੁੱਲ ਬਹੁਤ ਘੱਟ ਜਿਵੇਂ ਆਲੂ-ਪਿਆਜ਼ 5 ਤੋਂ 10 ਰੁਪਏ ਕਿਲੋ ਵਿਕਦੇ ਹਨ ਪਰ ਬਾਅਦ ਵਿਚ ਵਪਾਰੀ ਇਹੀ ਆਲੂ-ਪਿਆਜ਼ 40 ਤੋਂ 80 ਰੁਪਏ ਪ੍ਰਤੀ ਕਿਲੋ ਵੇਚਦੇ ਹਨ। ਇਹੀ ਸਮਝ ਨਹੀਂ ਲਗਦੀ ਕਿ ਸਰਕਾਰਾਂ ਕਿਸਾਨਾਂ ਦੇ ਹੱਕਾਂ ਦੀ ਪੂਰਤੀ ਕਰਦੀਆਂ ਹਨ ਜਾਂ ਵਪਾਰੀਆਂ ਦੇ ਹੱਕਾਂ ਦੀ।

SHARE ARTICLE

ਸਪੋਕਸਮੈਨ ਸਮਾਚਾਰ ਸੇਵਾ

Advertisement

ਬਾਬਾ ਤਰਸੇਮ ਸਿੰਘ ਦੇ ਕਤਲ ਦਾ CCTV, ਦੇਖੋ ਕਿਵੇਂ ਕੁਰਸੀ 'ਤੇ ਬੈਠੇ ਬਾਬਾ ਤਰਸੇਮ ਸਿੰਘ ਨੂੰ ਬਦਮਾਸ਼ਾਂ ਨੇ ਮਾਰੀਆਂ..

28 Mar 2024 4:40 PM

'ਸਾਈਕਲ ਦਾ ਵੀ ਸਟੈਂਡ ਹੁੰਦਾ, ਆਹ ਰਿੰਕੂ ਦਾ ਕੋਈ ਸਟੈਂਡ ਹੀ ਨਹੀਂ, ਮੈਂ ਤਾਂ ਹੈਰਾਨ ਹਾਂ'

28 Mar 2024 3:17 PM

Debate: BJP ਨੇ ਪੰਜਾਬ 'ਚ ਮਚਾਈ ਤਰਥੱਲੀ, ਪੱਟ ਲਏ ਵੱਡੇ ਲੀਡਰ! ਚੱਲਦੀ ਡਿਬੇਟ 'ਚ ਭਿੜ ਗਏ AAP ਤੇ BJP ਆਗੂ, ਰੱਜ ਕੇ

28 Mar 2024 3:09 PM

ਬੱਸ ਤੇ ਕਾਰ ਦੀ ਸਿੱਧੀ ਟੱਕਰ ਮਚ ਗਿਆ ਚੀਕ-ਚਿਹਾੜਾ ਫਿਰੋਜ਼ਪੁਰ ਦੇ ਜੀਰਾ ’ਚ ਵਾਪਰਿਆ ਦਰਦਨਾਕ ਹਾਦਸਾ

28 Mar 2024 1:08 PM

Punjab 'ਚ ਵਿਕ ਰਿਹਾ ਨਕਲੀ ਸੀਮਿੰਟ! Ambuja ਤੇ ACC ਸੀਮਿੰਟ ਦੇ ਗੱਟਿਆਂ ਨਾਲ ਭਰਿਆ ਟਰੱਕ Police ਨੇ ਫੜਿਆ

28 Mar 2024 12:50 PM
Advertisement