ਪੰਜਾਬ ਦੇ ਕਿਸਾਨਾਂ ਨੂੰ ਫ਼ਸਲੀ ਚੱਕਰ ਵਿਚੋਂ ਕੱਢਕੇ ਉਨ੍ਹਾਂ ਦੀ ਆਮਦਨ ਵਿਚ ਵਾਧਾ ਕਰਨ ਲਈ ਪੰਜਾਬ ਸਰਕਾਰ ਪਟਿਆਲਾ ਜਿਲ੍ਹੇ ਦੇ ਪਿੰਡ ਵਜੀਦਪੁਰ
ਪਟਿਆਲਾ, ਪੰਜਾਬ ਦੇ ਕਿਸਾਨਾਂ ਨੂੰ ਫ਼ਸਲੀ ਚੱਕਰ ਵਿਚੋਂ ਕੱਢਕੇ ਉਨ੍ਹਾਂ ਦੀ ਆਮਦਨ ਵਿਚ ਵਾਧਾ ਕਰਨ ਲਈ ਪੰਜਾਬ ਸਰਕਾਰ ਪਟਿਆਲਾ ਜਿਲ੍ਹੇ ਦੇ ਪਿੰਡ ਵਜੀਦਪੁਰ ਵਿਚ 4 ਕਰੋੜ ਰੁਪਏ ਦੀ ਲਾਗਤ ਨਾਲ 25 ਏਕੜ ਖੇਤਰਫਲ ਵਿਚ ਅਮਰੂਦਾਂ ਦਾ ਜਾਂਚ ਕੇਂਦਰ ਸਥਾਪਤ ਕਰਨ ਜਾ ਰਹੀ ਹੈ। ਗਾਵਾ ਏਸਟੇਟ ਦੇ ਨਾਮ ਤੋਂ ਬਣਾਏ ਇਸ ਪਰੋਜੈਕਟ ਲਈ ਸਰਕਾਰ ਨੇ ਸਵਾ ਕਰੋੜ ਰੁਪਏ ਦੀ ਪਹਿਲੀ ਕਿਸ਼ਤ ਜਾਰੀ ਕਰ ਦਿੱਤੀ ਹੈ।
Guava Cultivationਸਰਕਾਰ ਦੇ ਵੱਲੋਂ ਸਥਾਪਤ ਕੀਤੇ ਜਾ ਰਹੇ ਇਸ ਜਾਂਚ ਕੇਂਦਰ ਵਿਚ ਇਲਾਹਾਬਾਦੀ ਸਫੈਦਾ, ਐਲ - 49,ਲਖਨਊ - 49, ਸ਼ਵੇਤਾ, ਪੰਜਾਬ ਸਫੈਦਾ, ਪੰਜਾਬ ਕਿਰਨ, ਪੰਜਾਬ ਆਰਕ ਅਮੂਲਿਆ ਅਤੇ ਪੰਜਾਬ ਪਿੰਕ ਵਰਗੀਆਂ ਕਿਸਮਾਂ ਉੱਤੇ ਜਾਂਚ ਕਰਕੇ ਇਨ੍ਹਾਂ ਦੇ ਮਦਰ ਪਲਾਂਟ ਤੋਂ ਬੂਟੇ ਤਿਆਰ ਕੀਤੇ ਜਾਣਗੇ। ਬਾਗ ਲਗਾਉਣ ਦੇ ਇੱਛਕ ਕਿਸਾਨਾਂ ਨੂੰ ਮਿੱਟੀ ਦੀ ਕਿਸਮ ਦੇ ਅਨੁਸਾਰ ਉਚਿਤ ਵੈਰਾਇਟੀ ਦੇ ਬੂਟੇ ਨਰਸਰੀ ਵਿਚ ਤਿਆਰ ਕਰਕੇ ਸਪਲਾਈ ਕੀਤੇ ਜਾਣਗੇ। ਇਸ ਜਾਂਚ ਕੇਂਦਰ ਵਲੋਂ ਬਾਗ ਲਗਾਉਣ ਸਬੰਧੀ ਤਕਨੀਕੀ ਸਿਖਿਆ ਵੀ ਉਪਲੱਬਧ ਕਾਰਵਾਈ ਜਾਵੇਗੀ।
Patiala Guava Estateਬਾਗਬਾਨੀ ਵਿਭਾਗ ਦੇ ਡਿਪਟੀ ਡਾਇਰੇਕਟਰ ਡਾ. ਸਵਰਣ ਸਿੰਘ ਮਾਨ ਨੇ ਦੱਸਿਆ ਕਿ ਰਾਸ਼ਟਰੀ ਬਾਗਬਾਨੀ ਮਿਸ਼ਨ ਦੇ ਅਧੀਨ ਪੰਜਾਬ ਸਰਕਾਰ ਦੇ ਵੱਲੋਂ ਸਰਕਾਰੀ ਬਾਗ ਵਜੀਦਪੁਰ ਵਿਚ ਲਗਾਇਆ ਜਾ ਰਿਹਾ ਹੈ ਇੱਥੇ ਫਲ ਨਰਸਰੀ ਵੀ ਬਣਾਈ ਜਾਵੇਗੀ। ਗਾਵਾ ਏਸਟੇਟ ਦਾ ਮਕਸਦ ਅਮਰੂਦਾਂ ਦੇ ਪ੍ਰਤੀ ਏਕੜ ਉਪਜ ਵਿਚ ਵਾਧਾ ਕਰਨਾ, ਪ੍ਰਤੀ ਯੂਨਿਟ ਖੇਤਰਫਲ ਦੇ ਮੁਨਾਫ਼ੇ ਵਿਚ ਵਾਧਾ ਕਰਨਾ,
ਚੰਗੇ ਗੁਣਾਂ ਵਾਲਾ ਪਲਾਂਟਿੰਗ ਮਟੀਰਿਅਲ ਤਿਆਰ ਕਰਨਾ, ਅਮਰੂਦ ਦੇ ਅਧੀਨ ਖੇਤਰਫਲ ਵਿਚ ਵਿਸਥਾਰ ਕਰਨਾ, ਦੂਰ ਦੀਆਂ ਮੰਡੀਆਂ ਵਿਚ ਮਾਰਕੀਟਿੰਗ ਕਰਨ ਦੀਆਂ ਸੁਵਿਧਾਵਾਂ ਦੇਣਾ ਅਤੇ ਇਸ ਦੇ ਫਲ ਦੀ ਪ੍ਰੋਸੇਸਿੰਗ ਕਰਨ ਸਬੰਧੀ ਉਦਯੋਗਾਂ ਵਿਚ ਵਿਸਥਾਰ ਕਰਨਾ ਸ਼ਾਮਿਲ ਹੈ।
Patiala Guava Estateਪੰਜਾਬ ਸਰਕਾਰ ਦੇ ਵੱਲੋਂ ਇਸ ਜਾਂਚ ਕੇਂਦਰ ਨੂੰ ਸਫਲਤਾ ਪੂਰਵਕ ਚਲਾਉਣ ਲਈ ਡਿਪਟੀ ਡਾਇਰੈਕਟਰ ਬਾਗਬਾਨੀ, ਬਾਗਬਾਨੀ ਵਿਕਾਸ ਅਫਸਰ, ਲੀਡ ਬੈਂਕ, ਪੰਜਾਬ ਮੰਡੀ ਬੋਰਡ ਅਤੇ ਪੰਜਾਬ ਖੇਤੀਬਾੜੀ ਯੂਨੀਵਰਸਿਟੀ ਲੁਧਿਆਣਾ ਦੇ ਪ੍ਰਤਿਨਿਧੀ ਅਤੇ 10 ਸਫਲ ਕਿਸਾਨ ਪ੍ਰਬੰਧਕੀ ਕਮੇਟੀ ਵਿਚ ਸ਼ਮਿਲ ਕੀਤੇ ਗਏ ਹਨ। ਇਸ ਪ੍ਰਬੰਧਕੀ ਕਮੇਟੀ ਨੂੰ ਸਰਕਾਰ ਦੇ ਵੱਲੋਂ ਛੇਤੀ ਹੀ ਮਨਜ਼ੂਰੀ ਦੇ ਦਿੱਤੀ ਜਾਵੇਗੀ। ਇਸ ਤੋਂ ਬਾਅਦ ਪੂਰੇ ਦੇਸ਼ ਦੇ ਕਿਸਾਨਾਂ ਨੂੰ ਅਮਰੂਦ ਦੀ ਬਾਗਬਾਨੀ ਲਈ ਜਾਗਰੂਕ ਕੀਤਾ ਜਾਵੇਗਾ।
Patiala Guava Estateਪਟਿਆਲਾ ਜਿਲ੍ਹੇ ਵਿਚ 960 ਹੈਕਟੇਅਰ ਖੇਤਰਫਲ ਵਿਚ ਅਮਰੂਦਾਂ ਦੀ ਕਾਸ਼ਤ ਹੋ ਰਹੀ ਹੈ। ਇੱਥੇ ਸਫਲ ਕਿਸਾਨਾਂ ਦੇ ਵੱਲੋਂ 22 ਹਜ਼ਾਰ 70 ਮੈਟ੍ਰਿਕ ਟਨ ਅਮਰੂਦ ਦੀ ਫ਼ਸਲ ਕਰਕੇ ਪੰਜਾਬ ਸਮੇਤ ਦੇਸ਼ ਦੀਆਂ ਕਈ ਵੱਡੀਆਂ ਮੰਡੀਆਂ ਵਿਚ ਭੇਜੀ ਜਾ ਰਹੀ ਹੈ। ਇਸ ਤੋਂ ਕਿਸਾਨਾਂ ਦੀ ਆਮਦਨ ਵਿਚ ਵਾਧਾ ਹੋ ਇਹ ਹੈ।
ਡਿਪਟੀ ਡਾਇਰੈਕਟਰ ਨੇ ਦੱਸਿਆ ਕਿ ਗਾਵਾ ਏਸਟੇਟ ਪ੍ਰੋਜੇਕਟ ਵਿਚ ਬਾਗਵਾਨੀ ਦੇ ਯੰਤਰ ਜਿਵੇਂ ਕਿ ਮੇਕੇਨਿਕਲ ਸਪ੍ਰੇ ਪੰਪ, ਰੋਟਾਵੇਟਰ, ਡਿੱਗਰ, ਚਾਪਰ, ਲੇਜ਼ਰ ਲੇਵਲਰ ਅਤੇ ਕੀੜੇਮਾਰ ਦਵਾਈਆਂ ਘੱਟ ਕੀਮਤਾਂ ਉੱਤੇ ਕਿਸਾਨਾਂ ਨੂੰ ਉਪਲੱਬਧ ਕਰਵਾਈ ਜਾਣਗੀਆਂ।
Guava Cultivationਇਸ ਪ੍ਰੋਜੇਕਟ ਦਾ ਵੱਖਰਾ ਤਕਨੀਕੀ ਸਟਾਫ ਹੋਵੇਗਾ ਜੋ ਅਲੱਗ ਅਲੱਗ ਪਿੰਡਾਂ ਵਿਚ ਜਾਕੇ ਇਸ ਸਬੰਧੀ ਜਾਣਕਾਰੀ ਦੇਵੇਗਾ। ਇਸ ਪ੍ਰੋਜੇਕਟ ਵਿਚ ਮਿੱਟੀ ਅਤੇ ਪੱਤੇ ਟੈਸਟ ਕਰਨ ਲਈ ਪ੍ਰਯੋਗਸ਼ਾਲਾ ਅਤੇ ਪਾਲੀ ਕਲੀਨਿਕ ਲੈਬ ਹੋਵੇਗੀ, ਜਿੱਥੇ ਵੱਖ - ਵੱਖ ਪ੍ਰਕਾਰ ਦੇ ਕੀੜੇ ਮਕੌੜੀਆਂ ਅਤੇ ਬੀਮਾਰੀਆਂ ਦੇ ਇਲਾਜ ਸਬੰਧੀ ਤਕਨੀਕੀ ਜਾਣਕਾਰੀ ਦਿੱਤੀ ਜਾਵੇਗੀ। ਡਾ. ਮਾਨ ਨੇ ਦੱਸਿਆ ਕਿ ਅਮਰੂਦਾਂ ਦਾ ਇਹ ਜਾਂਚ ਕੇਂਦਰ ਪਟਿਆਲਾ ਜਿਲ੍ਹੇ ਦੇ ਨਾਲ - ਨਾਲ ਪੰਜਾਬ ਭਰ ਦੇ ਕਿਸਾਨਾਂ ਲਈ ਵਰਦਾਨ ਸਾਬਤ ਹੋਵੇਗਾ।
