Advertisement
  ਖੇਤੀਬਾੜੀ   ਸਹਾਇਕ ਧੰਦੇ  04 Jun 2020  ਪਾਕਿਸਤਾਨੀ ਕਿਸਾਨ ਹੁਣ ਟਿੱਡੀਆਂ ਨਾਲ ਕਮਾਉਣਗੇ ਪੈਸੇ, ਮਿਲਣਗੇ ਪ੍ਰਤੀ ਕਿਲੋ 20 ਰੁਪਏ!

ਪਾਕਿਸਤਾਨੀ ਕਿਸਾਨ ਹੁਣ ਟਿੱਡੀਆਂ ਨਾਲ ਕਮਾਉਣਗੇ ਪੈਸੇ, ਮਿਲਣਗੇ ਪ੍ਰਤੀ ਕਿਲੋ 20 ਰੁਪਏ!

ਏਜੰਸੀ
Published Jun 4, 2020, 7:31 pm IST
Updated Jun 4, 2020, 7:56 pm IST
ਟਿੱਡੀਆਂ ਦੇ ਹਮਲੇ ਨਾਲ ਭਾਰਤ ਅਤੇ ਪਾਕਿਸਤਾਨ ਦੇ ਸੂਬੇ ਪਰੇਸ਼ਾਨ ਹਨ।
Photo
 Photo

ਨਵੀਂ ਦਿੱਲੀ: ਟਿੱਡੀਆਂ ਦੇ ਹਮਲੇ ਨਾਲ ਭਾਰਤ ਅਤੇ ਪਾਕਿਸਤਾਨ ਦੇ ਸੂਬੇ ਪਰੇਸ਼ਾਨ ਹਨ। ਪਾਕਿਸਤਾਨ ਤੋਂ ਭਾਰਤ ਵਿਚ ਦਾਖਲ ਹੋਈਆਂ ਟਿੱਡੀਆਂ ਨੇ ਰਾਜਸਥਾਨ, ਮੱਧ ਪ੍ਰਦੇਸ਼ ਅਤੇ ਉੱਤਰ ਪ੍ਰਦੇਸ਼ ਵਿਚ ਫਸਲਾਂ ਨੂੰ ਅਪਣਾ ਨਿਸ਼ਾਨਾ ਬਣਾਇਆ ਹੈ, ਜਿਸ ਨਾਲ ਕਿਸਾਨਾਂ ਨੂੰ ਭਾਰੀ ਨੁਕਸਾਨ ਹੋਇਆ ਹੈ।

Locust attack in Rajasthan sets alarm bells ringing in PunjabPhoto

ਪਾਕਿਸਤਾਨ ਨੇ ਟਿੱਡੀਆਂ ਦੇ ਹਮਲੇ ਤੋਂ ਬਚਣ ਲਈ ਇਕ ਤਰੀਕਾ ਲੱਭਿਆ ਹੈ। ਸਰਕਾਰ ਨੇ ਕਿਸਾਨਾਂ ਨੂੰ ਅਪੀਲ ਕੀਤੀ ਕਿ ਉਹ ਟਿੱਡੀਆਂ ਨੂੰ ਫੜ੍ਹ ਕੇ ਉਹਨਾਂ ਨੂੰ ਸੌਂਪਣ, ਜਿਸ ਦੀ ਵਰਤੋਂ ਮੁਰਗੀਆਂ ਦੇ ਦਾਣਿਆਂ ਦੇ ਰੂਪ ਵਿਚ ਕੀਤੀ ਜਾਵੇਗੀ। ਇਸ ਨਾਲ ਕਿਸਾਨਾਂ ਨੂੰ ਭਾਰੀ ਆਮਦਨ ਵੀ ਹੋ ਸਕੇਗੀ।

Tidi DalPhoto

ਇਕ ਮੀਡੀਆ ਰਿਪੋਰਟ ਅਨੁਸਾਰ ਪਾਕਿਸਤਾਨ ਦੇ ਪ੍ਰਧਾਨ ਮੰਤਰੀ ਇਮਰਾਨ ਖ਼ਾਨ ਅਪਣੀ ਇਸ ਪਾਇਲਟ ਯੋਜਨਾ ਨੂੰ ਦੇਸ਼ ਭਰ ਵਿਚ ਫੈਲਾਉਣਾ ਚਾਹੁੰਦੇ ਹਨ। ਟਿੱਡੀਆਂ ਨੂੰ ਫੜਨ ਦੇ ਬਦਲੇ ਕਿਸਾਨਾਂ ਨੂੰ ਸਰਕਾਰ ਪੈਸੇ ਦੇਵੇਗੀ, ਇਸ ਨਾਲ ਗਰੀਬ ਕਿਸਾਨਾਂ ਨੂੰ ਫਾਇਦਾ ਹੋਵੇਗਾ।

Imran khan opens treasury to battle corona virus in pakistan finances package declaredImran khan

ਇਹਨਾਂ ਟਿੱਡੀਆਂ ਨਾਲ ਪੋਲਟਰੀ ਫਾਰਮ ਲਈ ਪ੍ਰੋਟੀਨ ਭਰਪੂਰ ਚਾਰਾ ਬਣਾਇਆ ਜਾਵੇਗਾ। ਇਸ ਯੋਜਨਾ ਨੂੰ ਪਹਿਲਾਂ ਪਾਇਲਟ ਪ੍ਰਾਜੈਕਟ ਦੇ ਤੌਰ 'ਤੇ ਪੰਜਾਬ ਪ੍ਰਾਂਤ ਦੇ ਓਕਰਾ ਵਿਚ ਲਾਗੂ ਕੀਤਾ ਗਿਆ, ਜਿੱਥੇ ਕਿਸਾਨਾਂ ਨੂੰ 20 ਰੁਪਏ ਪ੍ਰਤੀ ਕਿਲੋ ਦਾ ਭੁਗਤਾਨ ਕੀਤਾ ਗਿਆ। ਟਿੱਡੀਆਂ ਦੇ ਹਮਲੇ ਨਾਲ ਪਾਕਿਸਤਾਨ ਦੇ ਕਿਸਾਨਾਂ ਦਾ ਕਾਫੀ ਨੁਕਸਾਨ ਹੋਇਆ ਹੈ।

FarmerFarmer

ਇਸ ਤੋਂ ਇਲਾਵਾ ਪੂਰਬੀ ਅਫਰੀਕਾ ਅਤੇ ਦੱਖਣੀ ਏਸ਼ੀਆ ਦੇ ਕਈ ਦੇਸ਼ਾਂ ਵਿਚ ਹਜ਼ਾਰਾਂ ਹੈਕਟੇਅਰ ਵਿਚ ਫਸਲਾਂ ਬਰਬਾਦ ਹੋਈਆਂ ਹਨ। ਸੰਯੁਕਤ ਰਾਸ਼ਟਰ ਨੇ ਚੇਤਾਵਨੀ ਦਿੱਤੀ ਹੈ ਕਿ ਟਿੱਡੀਆਂ ਦਾ ਨਵਾਂ ਦਲ ਈਰਾਨ ਅਤੇ ਪੱਛਮੀ ਅਫਰੀਕਾ ਵਿਚ ਸਥਿਤ ਦੇਸ਼ਾਂ 'ਤੇ ਹਮਲਾ ਕਰ ਸਕਦਾ ਹੈ।

Location: India, Delhi, New Delhi
Advertisement
Advertisement

 

Advertisement