ਸ੍ਰ: ਗੁਰਤੇਜ ਸਿੰਘ ਮਾਨ ਵਲੋਂ ਅਪਣੀਆਂ ਦੋ ਧੀਆਂ ਨੂੰ ਪੜ੍ਹਾਈ ਦੇ ਨਾਲ-ਨਾਲ ਘਰੇਲੂ ਕੰਮਾਂ ਤੋਂ ਇਲਾਵਾ ਖੇਤੀ ਨਾਲ ਸਬੰਧਤ ਕੰਮ ਸਿਖਾਇਆ ਜਾ ਰਿਹਾ ਹੈ।
ਧੂਰੀ : ਮਾਲਵੇ ਦੀ ਪ੍ਰਸਿਧ ਸੰਸਥਾ ਮਾਲਵਾ ਫਰੈਂਡਜ ਵੈਲਫੇਅਰ ਸੁਸਾਇਟੀ (ਪਰਿਵਰਤਨ) ਧੂਰੀ ਦੇ ਪ੍ਰਧਾਨ ਸ੍ਰ: ਗੁਰਤੇਜ ਸਿੰਘ ਮਾਨ ਵਲੋਂ ਅਪਣੀਆਂ ਦੋ ਧੀਆਂ ਨੂੰ ਪੜ੍ਹਾਈ ਦੇ ਨਾਲ-ਨਾਲ ਘਰੇਲੂ ਕੰਮਾਂ ਤੋਂ ਇਲਾਵਾ ਖੇਤੀ ਨਾਲ ਸਬੰਧਤ ਕੰਮ ਸਿਖਾਇਆ ਜਾ ਰਿਹਾ ਹੈ।
Farming
ਇਸ ਮੌਕੇ ਪ੍ਰਧਾਨ ਗੁਰਤੇਜ ਸਿੰਘ ਮਾਨ ਦੇ ਦਸਿਆ ਕਿ ਉਨ੍ਹਾਂ ਦੀਆਂ ਦੋ ਬੇਟੀਆਂ ਵੱਡੀ ਖੁਸ਼ਪ੍ਰੀਤ ਕੌਰ ਬਾਰਵੀਂ ਕਲਾਸ ਦੇ ਪੇਪਰ ਦੇ ਚੁੱਕੀ ਹੈ ਤੇ ਛੋਟੀ ਬੇਟੀ ਜੈਸਮੀਨ ਕੌਰ ਦਸਵੀਂ ਕਲਾਸ ਦੀ ਵਿਦਿਆਰਥਣ ਹੈ। ਉਨ੍ਹਾਂ ਦਸਿਆ ਕਿ ਜਦੋਂ ਵੀ ਮੌਕਾ ਮਿਲਦਾ ਹੈ ਮੈਂ ਇਨ੍ਹਾਂ ਨੂੰ ਖੇਤ ਵਿਚ ਲਿਜਾ ਕੇ ਕੰਮ ਕਰਵਾਉਂਦਾ ਸੀ ਤੇ ਹੁਣ ਇਹ ਆਪ ਹੀ ਖੇਤ ਵਿਚ ਟਰੈਕਟਰ ਚਲਾਉਣਾ ਜਾਂ ਖੇਤ ਦੇ ਖਾਲ ਦੇ ਨੱਕੇ ਲਗਾਉਣ ਜਾਂ ਚਾਰਾ ਵੱਡਣਾ ਆਦਿ ਕੰਮ ਆਪ ਹੀ ਕਰ ਲੈਂਦੀਆਂ ਹਨ।
Farming
ਇਹ ਦੋਵੇ ਲੜਕੀਆਂ ਨੇ ਕਦੇ ਵੀ ਲੜਕੇ ਦੀ ਘਾਟ ਮਹਿਸੂਸ ਨਹੀਂ ਹੋਣ ਦਿਤੀ। ਉਨ੍ਹਾਂ ਦਸਿਆ ਕਿ ਲੜਕੀਆਂ ਸਾਰੇ ਕੰਮ ਵਿਚ ਨਿਪੁੰਨਤਾ ਹਾਸਲ ਕਰ ਲੈਂਦੀਆਂ ਹਨ ਪਰ ਮਾਪੇ ਅਪਣੇ ਡਰ ਤੋਂ ਹੀ ਉਨਾਂ ਨੂੰ ਕੰਮ 'ਚ ਨਹੀਂ ਪਾਉਂਦੇ। ਉਨ੍ਹਾਂ ਦੀ ਸੰਸਥਾ ਵਲੋਂ ਹਰ ਸਾਲ ਕੌਮਾਂਤਰੀ ਧੀ ਦਿਵਸ ਬੜੀ ਧੂਮਧਾਮ ਨਾਲ ਮਨਾਇਆ ਜਾਂਦਾ ਹੈ।
Farming
ਸਾਡੀ ਸੰਸਥਾ ਦੇ ਸਾਰੇ ਮੈਂਬਰ ਹਰ ਕੰਮ ਦੀ ਪਹਿਲ ਅਪਣੇ ਘਰ ਤੋਂ ਹੀ ਸ਼ੁਰੂਆਤ ਕਰਦੇ ਹਨ। ਉਨ੍ਹਾਂ ਸਾਰੇ ਮਾਪਿਆਂ ਨੂੰ ਅਪੀਲ ਕੀਤੀ ਹੈ ਕਿ ਉਹ ਅਪਣੀਆਂ ਧੀਆਂ ਨੂੰ ਬਹਾਦਰ ਬਣਾਉਣ।
