ਸਾਧਵੀ ਬਲਾਤਕਾਰ ਕੇਸ 'ਚ 20 ਸਾਲ ਜੇਲ੍ਹ ਦੀ ਸਜ਼ਾ ਦਿੱਤੇ ਜਾਣ ਦੇ ਬਾਅਦ ਡੇਰਾ ਸੱਚਾ ਸੌਦਾ ਮੁਖੀ ਬਾਬਾ ਗੁਰਮੀਤ ਰਾਮ ਰਹੀਮ ਦੇ ਵਾਰਿਸ ਚੁਣਨ ਦੀ ਕਵਾਇਦ ਸ਼ੁਰੂ ਹੋ ਗਈ ਹੈ। ਰਾਮ ਰਹੀਮ ਦੇ ਜੇਲ੍ਹ ਚਲੇ ਜਾਣ ਦੇ ਬਾਅਦ ਡੇਰੇ ਦੀ ਜ਼ਿੰਮੇਵਾਰੀ ਕਿਸ ਨੂੰ ਦਿੱਤੀ ਜਾਵੇਗੀ ਇਹ ਤੈਅ ਕਰਨਾ ਡੇਰੇ ਲਈ ਕਾਫ਼ੀ ਮਹੱਤਵਪੂਰਣ ਹੈ। ਰਾਮ ਰਹੀਮ ਦੇ ਡੇਰੇ ਦੇ ਕੋਲ ਕਰੀਬ 1100 ਕਰੋੜ ਰੁਪਏ ਤੋਂ ਜ਼ਿਆਦਾ ਦੀ ਜਾਇਦਾਦ ਹੈ।
ਇਸ ਮਾਮਲੇ ਨੂੰ ਲੈ ਕੇ ਰਾਮ ਰਹੀਮ ਦੇ ਜੱਦੀ ਪਿੰਡ ਗੁਰੂਸਰ ਮੋਡਿਆ ਵਿੱਚ ਇੱਕ ਬੈਠਕ ਵੀ ਕੀਤੀ ਗਈ ਸੀ, ਜਿਸ ਵਿੱਚ ਰਾਮ ਰਹੀਮ ਦੇ ਬੇਟੇ ਜਸਮੀਤ ਨੂੰ ਪ੍ਰਮੁੱਖ ਬਣਾਉਣ ਨੂੰ ਲੈ ਕੇ ਚਰਚਾ ਕੀਤੀ ਗਈ। ਜਾਣਕਾਰੀ ਅਨੁਸਾਰ ਇਸ ਬੈਠਕ ਵਿੱਚ ਕੇਵਲ ਰਾਮ ਰਹੀਮ ਦੇ ਪਰਿਵਾਰ ਦੇ ਲੋਕ ਹੀ ਸ਼ਾਮਿਲ ਹੋਏ ਸਨ ਜਿਸ ਵਿੱਚ ਮਾਂ ਨਸੀਬ ਕੌਰ, ਪਤਨੀ ਹਰਜੀਤ ਕੌਰ ਅਤੇ ਪੁੱਤਰ ਜਸਮੀਤ ਸ਼ਾਮਿਲ ਸਨ ।
ਇਸ ਬੈਠਕ ਵਿੱਚ ਰਾਮ ਰਹੀਮ ਦੁਆਰਾ ਗੋਦ ਲਈ ਗਈ ਬੇਟੀ ਨੂੰ ਸ਼ਾਮਿਲ ਨਹੀਂ ਕੀਤਾ ਗਿਆ ਸੀ। ਜਸਮੀਤ ਨੂੰ ਡੇਰਾ ਮੁਖੀ ਬਣਾਉਣ ਲਈ ਉਸਦਾ ਪਰਿਵਾਰ ਕੋਈ ਕਸਰ ਨਹੀਂ ਛੱਡ ਰਿਹਾ ਹੈ। ਪਹਿਲਾਂ ਇਹ ਆਇਡੀਏ ਲਗਾਏ ਜਾ ਰਹੇ ਸਨ ਕਿ ਰਾਮ ਰਹੀਮ ਦੀ ਗੋਦ ਲਈ ਗਈ ਬੇਟੀਆਂ ਵਿੱਚੋਂ ਕਿਸੇ ਇੱਕ ਨੂੰ ਡੇਰਾ ਮੁਖੀ ਦੀ ਜਿੰਮੇਵਾਰੀ ਸੌਂਪੀ ਜਾਵੇਗੀ ਪਰ ਪਰਿਵਾਰ ਜਸਮੀਤ ਨੂੰ ਡੇਰਾ ਮੁਖੀ ਬਣਾਉਣਾ ਚਾਹੁੰਦਾ ਹੈ।
ਰਾਮ ਰਹੀਮ ਦੇ ਪਰਿਵਾਰ ਨੇ ਉਸ ਨੂੰ ਮਿਲਣ ਲਈ ਰੋਹਤਕ ਜੇਲ੍ਹ ਅਧਿਕਾਰੀਆਂ ਨੂੰ ਆਵੇਦਨ ਦਿੱਤਾ ਹੈ। ਜੇਕਰ ਜੇਲ੍ਹ ਅਧਿਕਾਰੀਆਂ ਦੁਆਰਾ ਪਰਿਵਾਰ ਨੂੰ ਰਾਮ ਰਹੀਮ ਨਾਲ ਮਿਲਣ ਦਿੱਤਾ ਜਾਂਦਾ ਹੈ ਤਾਂ ਹੋ ਸਕਦਾ ਹੈ ਕਿ ਜਸਮੀਤ ਦਾ ਡੇਰਾ ਮੁਖੀ ਬਣਨਾ ਤੈਅ ਹੋ ਜਾਵੇ। ਰਾਮ ਰਹੀਮ ਨੂੰ ਮਨਜੂਰੀ ਮਿਲਣ ਦੇ ਬਾਅਦ ਹੀ ਜਸਮੀਤ ਦੇ ਮੁਖੀ ਬਨਣ 'ਤੇ ਮੁਹਰ ਲੱਗੇਗੀ।
