ਸਿਰਸਾ, 23 ਸਤੰਬਰ (ਕਰਨੈਲ ਸਿੰਘ, ਸ.ਸ.ਬੇਦੀ): ਵਤਨ ਲਈ ਕੁਰਬਾਨ ਹੋਣ ਵਾਲੇ ਸ਼ਹੀਦਾਂ ਦੀ ਕੋਈ ਜਾਤ ਪਾਤ ਨਹੀਂ ਹੁੰਦੀ। ਉਹ ਸਭ ਦੇ ਸਾਂਝੇ ਹੁੰਦੇ ਹਨ ਅਤੇ ਆਉਣ ਵਾਲੀਆਂ ਪੀੜ੍ਹੀਆਂ ਵਾਸਤੇ ਪ੍ਰੇਰਨਾ ਸਰੋਤ ਹੁੰਦੇ ਹਨ ਇਹ ਗੱਲ ਨਾਇਬ ਤਹਿਸੀਲਦਾਰ ਸ਼੍ਰੀ ਸੁਖਦੇਵ ਸਿੰਘ ਨੇ ਵੀਰ ਸ਼ਹੀਦੀ ਦਿਵਸ ਦੇ ਮੌਕੇ ਉੱਤੇ ਇੱਥੇ ਮਿਨੀ ਸਕੱਤਰੇਤ ਸਥਿਤ ਸ਼ਹੀਦ ਸਮਾਰਕ ਉੱਤੇ ਸ਼ਹੀਦਾਂ ਨੂੰ ਫੁੱਲ ਮਾਲਾ ਅਤੇ ਪੁਸ਼ਪ ਅਰਪਣ ਕਰਨ ਉਪਰੰਤ ਕਹੀ। ਇਸ ਮੌਕੇ ਉੱਤੇ ਮੌਜੂਦ ਲੋਕਾਂ ਨੇ ਸ਼ਹੀਦਾਂ ਲਈ ਇੱਕ ਮਿੰਟ ਦਾ ਮੌਨ ਧਾਰਨ ਕੀਤਾ।

    ਇਸ ਮੌਕੇ ਉੱਤੇ ਜ਼ਿਲ੍ਹਾ ਸੂਚਨਾ ਅਤੇ ਜਨਸੰਪਰਕ ਅਧਿਕਾਰੀ ਸ਼੍ਰੀ ਦਲੀਪ ਸਿੰਘ ਮਾਚਰਾ ਨੇ ਸ਼ਹੀਦਾਂ ਨੂੰ ਸ਼ਰਧਾਂਜਲੀ ਅਰਪਿਤ ਕਰਦੇ ਹੋਏ ਕਿਹਾ ਕਿ ਸਾਨੂੰ ਇਨ੍ਹਾਂ ਦੀ ਕੁਰਬਾਨੀਆਂ ਅਤੇ ਬਲੀਦਾਨਾਂ ਤੋਂ ਪ੍ਰੇਰਨਾ ਲੈਂਦੇ ਹੋਏ ਦੇਸ਼ ਸੇਵਾ ਕਰਣੀ ਚਾਹੀਦੀ ਹੈ। ਉਨ੍ਹਾਂ ਨੇ ਕਿਹਾ ਕਿ ਜਿਹੜੀਆਂ ਕੌਮਾਂ ਅਤੇ ਸਮਾਜ ਸ਼ਹੀਦਾਂ ਨੂੰ ਭੁਲਾ ਦਿੰਦੇ ਹਨ ਉਹ ਜੀਵਨ ਵਿਚ ਕਦੇ ਤਰੱਕੀ ਨਹੀਂ ਕਰ ਸਕਦੀਆਂ। ਭਾਰਤ ਜਦੋਂ ਵੀ ਅਪਣੇ ਆਜ਼ਾਦ ਹੋਣ ਉੱਤੇ ਗਰਵ ਮਹਿਸੂਸ ਕਰਦਾ ਹੈ ਤਾਂ ਉਸ ਦਾ ਸਰ ਉਨ੍ਹਾਂ ਮਹਾਂਪੁਰਖਾਂ ਲਈ ਹਮੇਸ਼ਾ ਝੁਕਦਾ ਹੈ ਜਿਨ੍ਹਾਂ ਨੇ ਦੇਸ਼ ਪ੍ਰੇਮ ਦੇ ਮਾਰਗ ਤੇ ਚੱਲਦਿਆਂ ਅਪਣਾ ਸਭ ਕੁੱਝ ਨਿਔਛਾਵਰ ਕਰ ਦਿਤਾ।  ਦੇਸ਼  ਦੇ ਅਜਾਦੀ ਲੜਾਈ ਵਿਚ ਹਜ਼ਾਰਾਂ ਅਜਿਹੇ ਨੌਜਵਾਨ ਵੀ ਸਨ ਜਿਨ੍ਹਾਂ ਨੇ ਦੇਸ਼ ਨੂੰ ਆਜ਼ਾਦ ਕਰਾਉਣ ਲਈ ਹੱਸਦੇ- ਹੱਸਦੇ ਫ਼ਾਂਸੀ ਦੇ ਫੰਦੇ ਨੂੰ ਗਲੇ ਲਗਾ ਲਿਆ ਅਤੇ ਸਾਨੂੰ ਅਜਿਹੇ ਸ਼ਹੀਦਾਂ ਦੀ ਸ਼ਹਾਦਤ  ਉੱਤੇ ਗੌਰਵ ਹੋਣਾ ਚਾਹੀਦਾ ਹੈ। ਉਨ੍ਹਾਂ ਨੇ ਕਿਹਾ ਕਿ ਹਰਿਆਣਾ ਪ੍ਰਾਚੀਨ ਸਮੇਂ ਤੋਂ ਹੀ ਯੋਧਿਆਂ ਅਤੇ ਦੇਸ਼ਭਕਤਾਂ ਦੀ ਧਰਤੀ ਰਿਹਾ ਹੈ। ਇਸ ਮੌਕੇ ਉੱਤੇ ਆਫਿਸਰ ਇੰਚਾਰਜ ਰੋਸ਼ਨ ਲਾਲ, ਗੋਤਾਖੋਰ ਬੀੜਾ ਰਾਮ, ਸਟੈਨੋ ਏਸਡੀਏਮ ਦਫ਼ਤਰ ਮਹੇਂਦਰ ਜਾਖੜ, ਵੇਦ ਪ੍ਰਕਾਸ਼ ਸ਼ਰਮਾ, ਅਮਿਤ ਕੋਸ਼ਿਕ, ਕੁਲਬੀਰ ਲਾਈਨ ਆਫ਼ਿਸਰ,  ਸੁਮੇਰ ਸਿੰਘ ਸਹਾਰਣ, ਫਤਹਿ ਦੱਤ,  ਜਿਲੇ ਸਿੰਘ, ਸੁਰੇਸ਼ ਕੁਮਾਰ ਢੋਂਸੀਵਾਲ,  ਰਵਿੰਦਰ ਕੁਮਾਰ, ਬਲਰਾਜ ਸਿੰਘ, ਰਾਮ ਕੁਮਾਰ,  ਸਹਿਤ ਆਮ ਜਨ ਮੌਜੂਦ ਸਨ।