ਨਵੀਂ ਦਿੱਲੀ: ਸੌਦਾ ਸਾਧ ਦੀ ਕਰੀਬੀ ਹਨੀਪ੍ਰੀਤ ਨੂੰ ਅੱਜ ਪੁਲਿਸ ਨੇ ਅਦਾਲਤ ਵਿੱਚ ਪੇਸ਼ ਕੀਤਾ। ਇੱਥੇ ਅਦਾਲਤ ਨੇ ਉਸ ਨੂੰ 6 ਦਿਨ ਤੱਕ ਪੁਲਿਸ ਰਿਮਾਂਡ ‘ਤੇ ਭੇਜ ਦਿੱਤਾ। ਪੁਲਿਸ ਨੇ ਹਨੀਪ੍ਰੀਤ ਤੋਂ ਪੁੱਛਗਿੱਛ ਲਈ 14 ਦਿਨ ਦਾ ਰਿਮਾਂਡ ਮੰਗਿਆ ਸੀ ਪਰ ਅਦਾਲਤ ਨੇ ਉਸ ਦਾ 6 ਦਿਨਾਂ ਲਈ ਰਿਮਾਂਡ ਦਿੱਤਾ।
ਹਨੀਪ੍ਰੀਤ ਦੇ ਵਕੀਲ ਨੇ ਰਿਮਾਂਡ ਦਾ ਵਿਰੋਧ ਕਰਦਿਆਂ ਅਦਾਲਤ ਨੂੰ ਕਿਹਾ ਕਿ ਕੱਲ੍ਹ ਤੋਂ ਪੁਲਿਸ ਲਗਾਤਾਰ ਪੁੱਛਗਿੱਛ ਕਰ ਰਹੀ ਹੈ। ਹੁਣ ਅਜਿਹਾ ਕੁਝ ਵੀ ਬਾਕੀ ਪੁੱਛਣ ਵਾਲਾ ਨਹੀਂ ਰਹਿ ਗਿਆ। ਇਸ ਪੁਲਿਸ ਨੂੰ 14 ਦਿਨ ਦਾ ਰਿਮਾਂਡ ਕਿਉਂ ਚਾਹੀਦਾ ਹੈ। ਹਨੀਪ੍ਰੀਤ ਦੇ ਵਕੀਨ ਦੇਸ਼ਧ੍ਰੋਹ ਦੇ ਕੇਸ ਦਾ ਵੀ ਵਿਰੋਧ ਕੀਤਾ।
ਉਨ੍ਹਾਂ ਕਿਹਾ ਕਿ ਹਨੀਪ੍ਰੀਤ ਖਿਲਾਫ ਦੇਸ਼ਧ੍ਰੋਹ ਦਾ ਕੇਸ ਬਣਦਾ ਹੀ ਨਹੀਂ। ਹਰਿਆਣਾ ਪੁਲਿਸ ਨੇ ਪੰਚਕੁਲਾ ਹਿੰਸਾ ਵਾਲੇ ਦਿਨ ਤੇ ਫਰਾਰ ਹੋਣ ਦੌਰਾਨ ਇਸਤੇਮਾਲ ਮੋਬਾਈਲ ਫੋਨ ਬਰਾਮਦ ਕਰਨ ਲਈ ਹਨੀਪ੍ਰੀਤ ਦਾ ਰਿਮਾਂਡ ਮੰਗਿਆ। ਕਾਬਲੇਗੌਰ ਹੈ ਕਿ ਹਨੀਪ੍ਰੀਤ ਨੂੰ ਮੰਗਲਵਾਰ ਜ਼ੀਰਕਪੁਰ ਤੋਂ ਗ੍ਰਿਫਤਾਰ ਕਰ ਲਿਆ ਸੀ।
