ਅੱਜ ਅਸੀ ਤੁਹਾਨੂੰ ਗੋਭੀ ਆਲੂ ਰੇਸਿਪੀ ਬਣਾਉਣੀ ਦੱਸ ਰਹੇ ਹਾਂ। ਆਲੂ ਗੋਭੀ ਇਕ ਅਜਿਹੀ ਸਬਜੀ ਹੈ ਜੋ ਹਰ ਭਾਰਤੀ ਘਰ ਵਿਚ ਬਣਾਈ ਜਾਂਦੀ ਹੈ, ਆਲੂ ਗੋਭੀ ...
ਅੱਜ ਅਸੀ ਤੁਹਾਨੂੰ ਗੋਭੀ ਆਲੂ ਰੇਸਿਪੀ ਬਣਾਉਣੀ ਦੱਸ ਰਹੇ ਹਾਂ। ਆਲੂ ਗੋਭੀ ਇਕ ਅਜਿਹੀ ਸਬਜੀ ਹੈ ਜੋ ਹਰ ਭਾਰਤੀ ਘਰ ਵਿਚ ਬਣਾਈ ਜਾਂਦੀ ਹੈ, ਆਲੂ ਗੋਭੀ ਆਸਾਨੀ ਨਾਲ ਡਿਨਰ ਜਾਂ ਲੰਚ ਵਿਚ ਬਣਾਈ ਜਾ ਸਕਦੀ ਹੈ। ਆਲੂ ਅਤੇ ਗੋਭੀ ਦਾ ਤਾਲਮੇਲ ਬਹੁਤ ਹੀ ਬੇਸਟ ਹੈ। ਇਸ ਡਿਸ਼ ਨੂੰ ਕਈ ਤਰ੍ਹਾਂ ਨਾਲ ਬਣਾਇਆ ਜਾ ਸਕਦਾ ਹੈ ਪਰ ਇੱਥੇ ਅਸੀ ਦਹੀ ਵਿਚ ਬਣੀ ਗੋਭੀ ਆਲੂ ਦੀ ਸਬਜ਼ੀ ਦੀ ਰੇਸਿਪੀ ਦੱਸ ਰਹੇ ਹਾਂ। ਦਹੀ ਵਿਚ ਬਣੀ ਇਸ ਗੋਭੀ ਆਲੂ ਦੀ ਸਬਜ਼ੀ ਦਾ ਸਵਾਦ ਕਾਫ਼ੀ ਲਾਜਵਾਬ ਲੱਗਦਾ ਹੈ।
cauliflower with yogurt
ਗੋਭੀ ਆਲੂ ਦੀ ਸਮੱਗਰੀ - 500 ਗਰਾਮ (ਛੋਟੇ ਟੁਕੜਿਆਂ ਵਿਚ ਕਟੀ ਹੋਈ) ਗੋਭੀ, 250 ਗਰਾਮ (ਲੰਬਾਈ ਵਿਚ ਕਟੇ ਹੋਏ) ਆਲੂ, 1/4 ਕਪ ਘਿਓ , 1 ਚਮਚ ਜੀਰਾ, 1 ਚਮਚ ਅਦਰਕ, ਕਟਿਆ ਹੋਇਆ 1/4 ਕਪ ਦਹੀ, 2 - 3 ਹਰੀ ਮਿਰਚ, 1/2 ਚਮਚ ਲਾਲ ਮਿਰਚ ਪਾਊਡਰ, 1/4 ਚਮਚ ਹਲਦੀ, 1/2 ਚਮਚ ਗਰਮ ਮਸਾਲਾ, 1 ਚਮਚ ਧਨੀਆ ਪਾਊਡਰ , ਸਵਾਦਾਨੁਸਾਰ ਲੂਣ, 1 ਚਮਚ ਹਰਾ ਧਨੀਆ
cauliflower with yogurt
ਗੋਭੀ ਆਲੂ ਬਣਾਉਣ ਦੀ ਵਿਧੀ - ਸਭ ਤੋਂ ਪਹਿਲਾਂ ਆਲੂਆਂ ਨੂੰ ਅੱਧਾ ਉਬਾਲ ਕੇ ਇਕ ਪਾਸੇ ਰੱਖ ਦਿਓ। ਹੁਣ ਇਕ ਪੈਨ ਵਿਚ ਘਿਓ ਗਰਮ ਕਰੋ ਅਤੇ ਫਿਰ ਇਸ ਵਿਚ ਜੀਰਾ ਪਾਓ। ਫਿਰ ਜਦੋਂ ਉਹ ਚਟਕਣ ਲੱਗੇ ਤਾਂ ਇਸ ਵਿਚ ਅਦਰਕ ਪਾਓ। ਫਿਰ ਜਦੋਂ ਅਦਰਕ ਬਰਾਉਨ ਹੋਣ ਲੱਗੇ ਤਾਂ ਇਸ ਵਿਚ ਇਕ ਵੱਡਾ ਚਮਚ ਦਹੀ ਪਾਓ ਅਤੇ ਹੁਣ ਇਸ ਨੂੰ ਚਲਾਓ, ਜਦੋਂ ਤੇਲ ਵੱਖ ਹੋਣ ਲੱਗੇ ਤਾਂ ਬਾਕੀ ਬਚਿਆ ਹੋਇਆ ਦਹੀ ਇਸ ਵਿਚ ਪਾਓ।
cauliflower with yogurt
ਹੁਣ ਇਸ ਵਿਚ ਆਲੂ, ਹਰੀ ਮਿਰਚ ਅਤੇ ਗੋਭੀ ਪਾਓ। ਹੁਣ ਸਬਜੀ ਨੂੰ 2 ਤੋਂ 3 ਮਿੰਟ ਤੇਜ ਅੱਗ 'ਤੇ ਪਕਾਓ, ਜਦੋਂ ਤੱਕ ਉਹ ਪੂਰੀ ਤਰ੍ਹਾਂ ਘਿਓ ਤੋਂ ਵੱਖ ਨਾ ਹੋ ਜਾਵੇ। ਫਿਰ ਇਸ ਤੋਂ ਬਾਅਦ ਹਲਦੀ, ਲਾਲ ਮਿਰਚ ਪਾਊਡਰ, ਹਰਾ ਧਨੀਆ, ਲੂਣ ਅਤੇ ਗਰਮ ਮਸਾਲਾ ਪਾਓ। ਹੁਣ ਸਾਰੇ ਮਸਾਲੇ ਚੰਗੇ ਤਰ੍ਹਾਂ ਮਿਲਣ ਤੱਕ ਚਲਾਓ। ਫਿਰ ਗੈਸ ਨੂੰ ਮੱਧਮ ਕਰ ਦਿਓ, ਹੁਣ ਪੈਨ ਨੂੰ ਢਕ ਕੇ ਸਬਜੀ ਨੂੰ ਨਰਮ ਹੋਣ ਤੱਕ ਪਕਨੇ ਦਿਓ, 2 - 3 ਵਾਰ ਚਲਾਓ। ਅੰਤ ਵਿਚ ਹਰੇ ਧਨੀਏ ਨਾਲ ਗਾਰਨਿਸ਼ ਕਰ ਕੇ ਗਰਮ - ਗਰਮ ਸਰਵ ਕਰੋ।
