ਪਾਲਕ 250 ਗ੍ਰਾਮ, ਵੇਸਣ 4 ਚੱਮਚ, ਟਮਾਟਰ 100 ਗ੍ਰਾਮ, ਅਦਰਕ ਦਾ ਪੇਸਟ 1 ਚੱਮਚ, ਪਨੀਰ 250 ਗ੍ਰਾਮ, ਦਹੀਂ ਇਕ ਕੱਪ, ਲੂਣ, ਕਾਲੀ ਮਿਰਚ, ਗਰਮ ਮਸਾਲਾ ਸੁਆਦ ਅਨੁਸਾ...
ਸਮੱਗਰੀ : ਪਾਲਕ 250 ਗ੍ਰਾਮ, ਵੇਸਣ 4 ਚੱਮਚ, ਟਮਾਟਰ 100 ਗ੍ਰਾਮ, ਅਦਰਕ ਦਾ ਪੇਸਟ 1 ਚੱਮਚ, ਪਨੀਰ 250 ਗ੍ਰਾਮ, ਦਹੀਂ ਇਕ ਕੱਪ, ਲੂਣ, ਕਾਲੀ ਮਿਰਚ, ਗਰਮ ਮਸਾਲਾ ਸੁਆਦ ਅਨੁਸਾਰ।
ਇੰਜ ਬਣਾਉ : ਪਾਲਕ ਨੂੰ ਘੱਟ ਤੋਂ ਘੱਟ ਪਾਣੀ ਵਿਚ ਉਬਾਲ ਕੇ ਪੀਹ ਲਉ ਅਤੇ ਇਸ 'ਚ ਵੇਸਣ ਅਤੇ ਲੂਣ ਪਾ ਕੇ ਗੁੰਨ੍ਹ ਲਉ। ਪਨੀਰ ਨੂੰ ਚੰਗੀ ਤਰ੍ਹਾਂ ਕੱਦੂਕਸ ਕਰ ਲਉ ਅਤੇ ਇਸ ਦੇ ਦੋ ਹਿੱਸੇ ਕਰ ਲਉ। ਇਕ ਹਿੱਸੇ ਵਿਚ ਹਲਦੀ ਮਿਲਾਉ ਅਤੇ ਛੋਟੀਆਂ ਛੋਟੀਆਂ ਗੋਲੀਆਂ ਬਣਾ ਲਉ। ਇਨ੍ਹਾਂ ਪੀਲੀਆਂ ਗੋਲੀਆਂ ਉਪਰ ਪਨੀਰ ਦੀ ਤਹਿ ਲਗਾਉ ਅਤੇ ਅੰਤ ਵਿਚ ਵੇਸਣ ਮਿਲੇ ਪਾਲਕ ਦੀ ਤਹਿ ਲਗਾਉ।
Tricolour Kofta
ਹੁਣ ਇਨ੍ਹਾਂ ਕੋਫ਼ਤਿਆਂ ਨੂੰ ਗਰਮ ਘਿਉ ਵਿਚ ਸੁਨਹਿਰੀ ਹੋਣ ਤਕ ਤਲ ਲਉ। ਤਰੀ ਲਈ ਪਿਆਜ਼, ਅਦਰਕ, ਹਰੀ ਮਿਰਚ ਪੀਹ ਕੇ ਕੱਟੇ ਹੋਏ ਟਮਾਟਰਾਂ ਵਿਚ ਮਿਲਾਉ। ਘਿਉ ਗਰਮ ਕਰੋ ਅਤੇ ਹਿੰਗ ਅਤੇ ਜੀਰੇ ਨੂੰ ਤਲੋ। ਹੁਣ ਪਿਆਜ਼ ਟਮਾਟਰ ਪਾ ਕੇ ਭੁੰਨੋ ਜਦ ਤਕ ਇਹ ਘਿਉ ਨਾ ਛੱਡਣ ਲੱਗ ਪਵੇ। ਹੁਣ ਇਸ ਵਿਚ ਦਹੀਂ ਪਾ ਦਿਉ। ਇਸ ਨੂੰ ਗਾੜ੍ਹਾ ਹੋਣ ਤਕ ਪਕਾਉ ਤੇ ਹੁਣ ਕੋਫ਼ਤੇ ਪਾ ਕੇ ਪਕਾਉ। ਸਬਜ਼ੀ ਤਿਆਰ ਹੈ। ਹਰਾ ਧਨੀਆ ਜਾਂ ਕਰੀਮ ਨਾਲ ਸਜਾ ਕੇ ਪਰੋਸੋ।
