ਕਰੀਬ 12 ਸਾਲ ਪਹਿਲਾਂ ਬਾਜ਼ਾਰ 'ਚ ਆਈ ਸੀ ਅੰਗੂਰਾਂ ਦੀ ਇਹ ਖ਼ਾਸ ਕਿਸਮ
ਜਾਪਾਨ : ਜਾਪਾਨ ਵਿਚ ਲਾਲ ਅੰਗੂਰਾਂ ਦਾ ਇਕ ਗੁੱਛਾ 1.2 ਮਿਲੀਅਨ ਯੇਨ ਮਤਲਬ ਕਰੀਬ ਸਾਢੇ ਸੱਤ ਲੱਖ ਰੁਪਏ ਵਿਚ ਵਿਕਿਆ। ਅੰਗੂਰ ਦੀ ਇਸ ਕਿਸਮ ਦਾ ਨਾਮ ਰੂਬੀ ਰੋਮਨ ਹੈ। ਕਰੀਬ 12 ਸਾਲ ਪਹਿਲਾਂ ਅੰਗੂਰ ਦੀ ਇਹ ਕਿਸਮ ਮੰਡੀ ਵਿਚ ਆਈ ਸੀ। ਕਨਾਜਾਵਾ ਦੇ ਥੋਕ ਬਾਜ਼ਾਰ ਵਿਚ ਇਸ ਅੰਗੂਰ ਦੀ ਰਿਕਾਰਡ ਬੋਲੀ ਲਗਾਈ ਗਈ। ਨਿਲਾਮੀ ਵਿਚ ਅੰਗੂਰ ਦੇ ਇਸ ਗੁੱਛੇ ਨੂੰ ਇਕ ਕੰਪਨੀ ਨੇ 1.2 ਮਿਲੀਅਨ ਯੇਨ ਵਿਚ ਖ਼ਰੀਦਿਆ।
ਜਾਪਾਨ ਦੇ ਇਨ੍ਹਾਂ ਲਾਲ ਅੰਗੂਰ ਦੇ ਆਕਾਰ ਨੂੰ ਵੇਖ ਕੇ ਤੁਸੀਂ ਹੈਰਾਨ ਹੋ ਜਾਵੋਗੇ ਕਿਉਂਕਿ ਇਹ ਕ੍ਰੇਜੀ ਬਾਲ ਦੇ ਆਕਾਰ ਦੇ ਹੁੰਦੇ ਹਨ। ਰੂਬੀ ਰੋਮਨ ਨਾਮ ਦਾ ਇਹ ਅੰਗੂਰ ਆਕਾਰ ਵਿਚ ਕਾਫ਼ੀ ਵੱਡਾ ਅਤੇ ਸੁਆਦ ਵਿਚ ਬਹੁਤ ਜ਼ਿਆਦਾ ਮਿੱਠਾ ਤੇ ਰਸੀਲਾ ਹੁੰਦਾ ਹੈ। ਹੋਰ ਤਾਂ ਹੋਰ ਇਸ ਦੇ ਹਰ ਇਕ ਦਾਣੇ ਦਾ ਭਾਰ 20 ਗ੍ਰਾਮ ਤੋਂ ਵੀ ਜ਼ਿਆਦਾ ਹੁੰਦਾ ਹੈ।
bunch of red grapes ruby roman
ਜਾਣਕਾਰੀ ਅਨੁਸਾਰ ਅੰਗੂਰਾਂ ਦੀ ਇਸ ਕਿਸਮ ਨੂੰ ਜਪਾਨ ਦੇ ਇਸੀਕਾਵਾ ਸੂਬੇ ਵਿਚ ਖੇਤੀਬਾੜੀ ਨਾਲ ਜੁੜੀ ਇਕ ਸਰਕਾਰੀ ਕਮੇਟੀ ਵੱਲੋਂ ਤਿਆਰ ਕੀਤਾ ਗਿਆ ਹੈ ਕਿਹਾ ਜਾਂਦਾ ਹੈ ਕਿ ਇਹ ਅੰਗੂਰ ਸਿਰਫ਼ ਜਾਪਾਨ ਵਿਚ ਹੀ ਉਗਾਏ ਜਾਂਦੇ ਹਨ। ਇਸ ਦੇ ਇਕ ਗੁੱਛੇ ਵਿਚ 30 ਦੇ ਕਰੀਬ ਅੰਗੂਰ ਹੁੰਦੇ ਹਨ ਅਤੇ ਇਕ ਅੰਗੂਰ ਦਾ ਭਾਰ 20 ਗ੍ਰਾਮ ਤੱਕ ਹੁੰਦਾ ਹੈ।
ਜਿਸ ਕੰਪਨੀ ਵੱਲੋਂ ਅੰਗੂਰਾਂ ਦਾ ਇਹ ਗੁੱਛਾ ਇੰਨੀ ਵੱਡੀ ਕੀਮਤ ਵਿਚ ਖ਼ਰੀਦਿਆ ਗਿਆ। ਉਹ ਕੰਪਨੀ ਜਾਪਾਨ ਵਿਚ ਹੋਟਲ ਦੇ ਕਾਰੋਬਾਰ ਨਾਲ ਜੁੜੀ ਹੋਈ ਹੈ। ਜਾਪਾਨ ਵਿਚ ਰੂਬੀ ਰੋਮਨ ਦੀ ਇਹ ਕੀਮਤ ਹੁਣ ਤੱਕ ਦੀ ਸਭ ਤੋਂ ਉਚੀ ਕੀਮਤ ਹੈ। ਉਂਝ ਰੂਬੀ ਰੋਮਨ ਦੇ ਅੰਗੂਰਾਂ ਦਾ ਗੁੱਛਾ ਆਮ ਤੌਰ 'ਤੇ ਡੇਢ ਤੋਂ 2 ਲੱਖ ਦੇ ਕਰੀਬ ਤਾਂ ਆਮ ਹੀ ਵਿਕ ਜਾਂਦੇ ਹਨ।
