ਅਜੋਕੇ ਸਮੇਂ ਵਿਚ ਸਾਰੇ ਲੋਕ ਆਪਣੇ ਸਰੀਰ ਨੂੰ ਚੁਸਤ ਅਤੇ ਦਰੁਸਤ ਰੱਖਣਾ ਚਾਹੁੰਦੇ ਹਨ| ਆਪਣੇ ਸਰੀਰ ਨੂੰ ਫਿਟ ਰੱਖਣ ਲਈ ਲੋਕ ਡਾਇਟਿੰਗ ਵੀ ਕਰਦੇ ਹਨ......
ਅਜੋਕੇ ਸਮੇਂ ਵਿਚ ਸਾਰੇ ਲੋਕ ਆਪਣੇ ਸਰੀਰ ਨੂੰ ਚੁਸਤ ਅਤੇ ਦਰੁਸਤ ਰੱਖਣਾ ਚਾਹੁੰਦੇ ਹਨ| ਆਪਣੇ ਸਰੀਰ ਨੂੰ ਫਿਟ ਰੱਖਣ ਲਈ ਲੋਕ ਡਾਇਟਿੰਗ ਵੀ ਕਰਦੇ ਹਨ| ਇਨ੍ਹਾਂ ਸਾਰੀਆਂ ਚੀਜਾਂ ਨੂੰ ਕਰਨ ਤੋਂ ਬਾਅਦ ਵੀ ਕੁੱਝ ਲੋਕ ਹਮੇਸ਼ਾ ਕਿਸੇ ਨਾ ਕਿਸੇ ਸਿਹਤ ਸਬੰਧੀ ਸਮੱਸਿਆ ਤੋਂ ਪ੍ਰੇਸ਼ਾਨ ਰਹਿੰਦੇ ਹਨ| ਅੱਜ ਅਸੀਂ ਤੁਹਾਨੂੰ ਕੁੱਝ ਛੋਟੇ-ਛੋਟੇ ਹੈਲਦੀ ਟਿਪਸ ਦੱਸਣ ਜਾ ਰਹੇ ਹਾਂ ਜੋ ਤੁਹਾਨੂੰ ਫਿਟ ਰੱਖਣ ਵਿਚ ਤੁਹਾਡੀ ਮਦਦ ਕਰ ਸਕਦੇ ਹਨ| ਜੇਕਰ ਤੁਸੀਂ ਹਮੇਸ਼ਾ ਅਪਣੇ ਆਪ ਨੂੰ ਤੰਦਰੁਸਤ ਰੱਖਣਾ ਚਾਹੁੰਦੇ ਹੋ ਤਾਂ ਡਾਇਟਿੰਗ ਕਰਨ ਦੀ ਥਾਂ ਸੰਤੁਲਿਤ ਭੋਜਨ ਦਾ ਸੇਵਨ ਕਰੋ|
ਆਪਣੇ ਭੋਜਨ ਵਿਚ ਵਿਟਾਮਿਨ, ਮਿਨਰਲਜ਼, ਪੋਟੇਸ਼ੀਅਮ, ਫੋਲੇਟ, ਫਾਇਬਰ ਅਤੇ ਪ੍ਰੋਟੀਨ ਯੁਕਤ ਆਹਾਰ ਨੂੰ ਸ਼ਾਮਿਲ ਕਰੋ| ਨੀਂਦ ਪੂਰੀ ਨਾ ਹੋਣ ਦੇ ਕਾਰਨ ਵੀ ਸਿਹਤ ਅਤੇ ਦਿਮਾਗ ਨੂੰ ਬਹੁਤ ਨੁਕਸਾਨ ਹੋ ਸਕਦੇ ਹਨ| ਇਸ ਲਈ ਕਦੇ ਵੀ ਆਪਣੀ ਨੀਂਦ ਨਾਲ ਸਮਝੌਤਾ ਨਾ ਕਰੋ| ਇਕ ਦਿਨ ਵਿਚ ਘੱਟ ਤੋਂ ਘੱਟ 7 ਤੋਂ 8 ਘੰਟਿਆਂ ਦੀ ਨੀਂਦ ਮਹੱਤਵਪੂਰਣ ਹੈ| ਕਈ ਲੋਕ ਸਵੇਰ ਦੇ ਸਮੇਂ ਦਾ ਦਾ ਨਾਸ਼ਤਾ ਨਹੀਂ ਕਰਦੇ ਹਨ ਅਤੇ ਭੁੱਖ ਲੱਗਣ ਉੱਤੇ ਜ਼ਿਆਦਾ ਖਾਣਾ ਖਾ ਲੈਂਦੇ ਹਨ| ਇਕ ਵਾਰ ਵਿਚ ਜ਼ਿਆਦਾ ਮਾਤਰਾ ਵਿਚ ਖਾਣਾ ਖਾਣ ਨਾਲ ਤੁਹਾਡੀ ਸਿਹਤ ਨੂੰ ਬਹੁਤ ਨੁਕਸਾਨ ਹੋ ਸਕਦਾ ਹੈ| ਇਸ ਲਈ ਹਮੇਸ਼ਾ ਥੋੜ੍ਹਾ-ਥੋੜ੍ਹਾ ਖਾਉ|
ਗਰਮੀਆਂ ਦੇ ਮੌਸਮ ਵਿਚ ਤੇਜ਼ ਧੁੱਪ ਦੇ ਕਾਰਨ ਠੰਡਾ ਪਾਣੀ ਪੀਣ ਦਾ ਮਨ ਕਰਦਾ ਹੈ| ਅਜਿਹੇ ਵਿਚ ਕਦੇ ਵੀ ਕੋਲਡ ਡਰਿੰਕ ਦਾ ਸੇਵਨ ਨਾ ਕਰੋ| ਕੋਲਡ ਡਰਿੰਕਸ ਪੀਣ ਨਾਲ ਭਾਰ ਵਧਦਾ ਹੈ| ਪਿਆਸ ਲੱਗਣ ਉੱਤੇ ਨਿੰਬੂ ਪਾਣੀ ਅਤੇ ਲੱਸੀ ਦਾ ਸੇਵਨ ਕਰੋ| ਅਪਣੇ ਸਰੀਰ ਨੂੰ ਤੰਦਰੁਸਤ ਰਖਣ ਲਈ ਦਿਨ ਵਿਚ ਇਕ ਗਿਲਾਸ ਵੈਜੀਟੇਬਲ ਜੂਸ ਪੀਉ|