ਨੱਕ ਵਿਚ ਪਾਉ ਦੇਸੀ ਘਿਉ, ਸਿਹਤ ਨੂੰ ਮਿਲਣਗੇ ਕਈ ਫ਼ਾਇਦੇ
Published : Mar 17, 2022, 11:09 am IST
Updated : Mar 17, 2022, 11:09 am IST
SHARE ARTICLE
Photo
Photo

ਨੱਕ ਵਿਚ ਘਿਉ ਪਾਉਣਾ ਬਿਹਤਰ ਹੁੰਦਾ ਹੈ ਕਿਉਂਕਿ ਇਹ ਤੁਹਾਡੇ ਦਿਮਾਗ਼ ਲਈ ਟੌਨਿਕ ਦੀ ਤਰ੍ਹਾਂ ਕੰਮ ਕਰਦਾ ਹੈ।

 

ਚੰਡੀਗੜ੍ਹ : ਦੇਸੀ ਘਿਉ ਇਕ ਅਜਿਹੀ ਚੀਜ਼ ਹੈ ਜੋ ਹਰ ਕਿਸੇ ਦੀ ਰਸੋਈ ਵਿਚ ਜ਼ਰੂਰ ਮਿਲ ਜਾਂਦਾ ਹੈ। ਇਸ ਨੂੰ ਅਸੀਂ ਅਪਣੀ ਰੋਜ਼ਾਨਾ ਖ਼ੁਰਾਕ ਵਿਚ ਵੀ ਲੈਂਦੇ ਹਾਂ। ਅਸੀਂ ਭੋਜਨ ਵਿਚ ਦੇਸੀ ਘਿਉ ਦੀ ਵਰਤੋਂ ਕਰਦੇ ਹਾਂ ਪਰ ਕੀ ਤੁਸੀਂ ਜਾਣਦੇ ਹੋ ਕਿ ਦੇਸੀ ਘਿਉ ਦੇ ਕਈ ਫ਼ਾਇਦੇ ਹਨ? ਅਸੀਂ ਮਾਲਿਸ਼ ਕਰ ਕੇ ਵੀ ਇਸ ਦਾ ਫ਼ਾਇਦਾ ਉਠਾ ਸਕਦੇ ਹਾਂ ਤੇ ਇਸ ਨਾਲ ਹੀ ਨੱਕ ਵਿਚ ਘਿਉ ਪਾਉਣ ਦੇ ਵੀ ਬਹੁਤ ਫ਼ਾਇਦੇ ਹੁੰਦੇ ਹਨ। ਆਉ ਤੁਹਾਨੂੰ ਦਸਦੇ ਹਾਂ ਕਿ ਨੱਕ ਵਿਚ ਦੇਸੀ ਘਿਉ ਪਾਉਣ ਦੇ ਕੀ-ਕੀ ਫ਼ਾਇਦੇ ਹੁੰਦੇ ਹਨ।

 

PHOTOPHOTO

 

ਨੱਕ ਵਿਚ ਘਿਉ ਪਾਉਣਾ ਬਿਹਤਰ ਹੁੰਦਾ ਹੈ ਕਿਉਂਕਿ ਇਹ ਤੁਹਾਡੇ ਦਿਮਾਗ਼ ਲਈ ਟੌਨਿਕ ਦੀ ਤਰ੍ਹਾਂ ਕੰਮ ਕਰਦਾ ਹੈ। ਦਸਣਯੋਗ ਹੈ ਕਿ ਮਨੁੱਖੀ ਦਿਮਾਗ਼ 60 ਫ਼ੀ ਸਦੀ ਚਰਬੀ ਵਾਲਾ ਹੁੰਦਾ ਹੈ ਅਤੇ ਘਿਉ ਵਿਚ ਜ਼ਰੂਰੀ ਫ਼ੈਟੀ ਐਸਿਡ ਵੀ ਹੁੰਦੇ ਹਨ ਜੋ ਪੋਸ਼ਣ ਪ੍ਰਦਾਨ ਕਰਨ ਵਿਚ ਮਹੱਤਵਪੂਰਨ ਹਨ। ਅਜਿਹਾ ਕਰਨ ਨਾਲ ਤੁਸੀਂ ਦਿਮਾਗ਼ੀ ਪ੍ਰਣਾਲੀ ਵਿਚ ਨਵੀਂ ਜੀਵਨ ਊਰਜਾ ਦਾ ਸੰਚਾਰ ਕਰਦੇ ਹੋ ਜੋ ਤੁਹਾਡੇ ਇਕਾਗਰਤਾ ਪੱਧਰ, ਦਿਮਾਗ਼ ਦੇ ਕਾਰਜ ਨੂੰ ਵਧਾਉਣ ਵਿਚ ਵੀ ਮਦਦ ਕਰਦਾ ਹੈ। ਇਹ ਤੁਹਾਡੇ ਦਿਮਾਗ਼ ਦੀ ਸਿੱਖਣ ਦੀ ਸਮਰੱਥਾ ਨੂੰ ਵੀ ਵਧਾਉਂਦਾ ਹੈ।

 

PHOTOPHOTO

 

ਤੁਸੀਂ ਛੋਟੇ ਬੱਚੇ ਦੇ ਨੱਕ ਵਿਚ ਇਕ-ਇਕ ਕਰ ਕੇ ਬੂੰਦਾਂ ਵੀ ਪਾ ਸਕਦੇ ਹੋ। ਜੇਕਰ ਬੱਚਾ ਨੱਕ ਵਿਚ ਘਿਉ ਪਾਉਣ ਤੋਂ ਇਨਕਾਰ ਕਰਦਾ ਹੈ, ਅਜਿਹੇ ਵਿਚ ਤੁਸੀਂ ਉਸ ਦੀ ਉਂਗਲੀ ਵਿਚ ਘਿਉ ਲੈ ਕੇ ਉਸ ਦੀ ਨੱਕ ’ਤੇ ਵੀ ਲਗਾ ਸਕਦੇ ਹੋ। ਦੂਜੇ ਪਾਸੇ, ਬਜ਼ੁਰਗ ਹਰ ਇਕ ਨੱਕ ਵਿਚ ਘਿਉ ਦੀਆਂ ਦੋ ਬੂੰਦਾਂ ਪਾ ਸਕਦੇ ਹਨ। ਖ਼ਾਲੀ ਪੇਟ ਨੱਕ ਵਿਚ ਘਿਉ ਪਾਉਣਾ ਚੰਗਾ ਹੁੰਦਾ ਹੈ।

ਇਹ ਕੰਮ ਤੁਸੀਂ ਸਵੇਰੇ ਨਾਸ਼ਤੇ ਤੋਂ ਇਕ ਘੰਟਾ ਪਹਿਲਾਂ ਜਾਂ ਸ਼ਾਮ ਨੂੰ ਜਾਂ ਰਾਤ ਨੂੰ ਸੌਂਦੇ ਸਮੇਂ ਵੀ ਕਰ ਸਕਦੇ ਹੋ। ਤੁਸੀਂ ਇਸ ਨੂੰ ਨੱਕ ਵਿਚ ਪਾ ਸਕਦੇ ਹੋ। ਇਸ ਨੂੰ ਨੱਕ ਵਿਚ ਪਾਉਣ ਤੋਂ ਪਹਿਲਾਂ ਥੋੜ੍ਹਾ ਜਿਹਾ ਗਰਮ ਕਰ ਲਿਆ ਜਾਵੇ ਤਾਂ ਬਹੁਤ ਵਧੀਆ ਹੋਵੇਗਾ। ਤੁਸੀਂ ਇਸ ਨੂੰ ਹਰ ਰਾਤ ਸੌਣ ਤੋਂ ਪਹਿਲਾਂ ਅਪਣੀ ਨੱਕ ਵਿਚ ਪਾ ਸਕਦੇ ਹੋ।

SHARE ARTICLE

ਸਪੋਕਸਮੈਨ ਸਮਾਚਾਰ ਸੇਵਾ

Advertisement

Devinder Pal Singh Bhullar Rihai News : "Devinder Pal Bhullar ਦੀ ਰਿਹਾਈ ਲਈ BJP ਲੀਡਰ ਕਰ ਰਿਹਾ ਡਰਾਮਾ'

21 Oct 2025 3:10 PM

ਸਾਬਕਾ DGP ਪੁੱਤ ਦੀ ਨਵੀਂ ਵੀਡੀਓ ਆਈ ਸਾਹਮਣੇ, ਹੁਣ ਕਹਿੰਦਾ ਮੇਰਾ ਘਰਵਾਲੀ ਮੇਰਾ ਬਹੁਤ ਧਿਆਨ ਰੱਖਦੀ

21 Oct 2025 3:09 PM

"ਜੇ ਮੈਂ ਪ੍ਰੋਡਿਊਸਰ ਹੁੰਦਾ ਮੈਂ 'PUNJAB 95' ਚਲਾ ਦੇਣੀ ਸੀ', ਦਿਲਜੀਤ ਦੋਸਾਂਝ ਦੇ ਦਿਲ ਦੇ ਫੁੱਟੇ ਜਜ਼ਬਾਤ "

19 Oct 2025 3:06 PM

ਜਿਗਰੀ ਯਾਰ ਰਾਜਵੀਰ ਜਵੰਦਾ ਦੀ ਅੰਤਮ ਅਰਦਾਸ 'ਚ ਰੋ ਪਿਆ ਰੇਸ਼ਮ ਅਨਮੋਲ

18 Oct 2025 3:17 PM

Haryana: Pharma company owner gifts Brand New Cars to Employees on Diwali | Panchkula Diwali

17 Oct 2025 3:21 PM
Advertisement