ਅੱਜ ਕੱਲ ਮਰਦ ਹੋਵੇ ਜਾਂ ਮਹਿਲਾ, ਅਪਣੇ ਲੁੱਕ ਨੂੰ ਪੂਰਾ ਕਰਨ ਲਈ ਬੈਲਟ ਦੀ ਵਰਤੋਂ ਕਰਦੇ ਹਨ। ਦਫ਼ਤਰ ਤੋਂ ਲੈ ਕੇ ਪਾਰਟੀ ਤਕ, ਇਸ ਦਾ ਚਲਨ ਬਹੁਤ ਵਧ ਚੁਕਿਆ ਹੈ। ਇਵੇਂ....
ਅੱਜ ਕੱਲ ਮਰਦ ਹੋਵੇ ਜਾਂ ਮਹਿਲਾ, ਅਪਣੇ ਲੁੱਕ ਨੂੰ ਪੂਰਾ ਕਰਨ ਲਈ ਬੈਲਟ ਦੀ ਵਰਤੋਂ ਕਰਦੇ ਹਨ। ਦਫ਼ਤਰ ਤੋਂ ਲੈ ਕੇ ਪਾਰਟੀ ਤਕ, ਇਸ ਦਾ ਚਲਨ ਬਹੁਤ ਵਧ ਚੁਕਿਆ ਹੈ। ਇਵੇਂ ਤਾਂ ਬੈਲਟ ਤੁਹਾਡੇ ਲੁੱਕ ਨੂੰ ਬਿਹਤਰ ਬਣਾਉਣ ਦਾ ਕੰਮ ਕਰਦੀ ਹੈ ਪਰ ਇਸ ਦਾ ਅਸਲੀ ਫ਼ਾਇਦਾ ਤੁਹਾਨੂੰ ਉਦੋਂ ਹੁੰਦਾ ਹੈ, ਜਦੋਂ ਤੁਸੀਂ ਇਸ ਨੂੰ ਠੀਕ ਤਰ੍ਹਾਂ ਨਾਲ ਇਸਤੇਮਾਲ ਕਰੋ।
ਜੇਕਰ ਤੁਸੀਂ ਇਸ ਨੂੰ ਬਹੁਤ ਟਾਈਟ ਪਾਉਂਦੇ ਹੋ ਤਾਂ ਤੁਹਾਨੂੰ ਕਈ ਤਰ੍ਹਾਂ ਦੀ ਸਰੀਰਕ ਪਰੇਸ਼ਾਨੀਆਂ ਦਾ ਸਾਹਮਣਾ ਕਰਨਾ ਪੈ ਸਕਦਾ ਹੈ। ਸੱਭ ਤੋਂ ਪਹਿਲਾਂ ਤਾਂ ਟਾਈਟ ਬੈਲਟ ਪਾਉਣ ਨਾਲ ਤੁਹਾਡੇ ਢਿੱਡ 'ਤੇ ਪ੍ਰਭਾਵ ਪੈਂਦਾ ਹੈ। ਇਸ ਤਰ੍ਹਾਂ ਪਾਈ ਗਈ ਬੈਲਟ ਤੁਹਾਡੀ ਪਾਚਣ ਸ਼ਕਤੀ ਨੂੰ ਪ੍ਰਭਾਵਤ ਕਰਦੀ ਹੈ ਅਤੇ ਭੋਜਨ ਕਰਨ ਤੋਂ ਬਾਅਦ ਪਾਚਣ ਠੀਕ ਢੰਗ ਨਾਲ ਨਹੀਂ ਹੋ ਪਾਉਂਦਾ।
ਇਸ ਕਾਰਨ ਤੁਹਾਨੂੰ ਢਿੱਡ ਦੀ ਕਈ ਸਮੱਸਿਆਵਾਂ ਜਿਵੇਂ ਕਬਜ਼, ਐਸਿਡਿਟੀ, ਢਿੱਡ 'ਚ ਦਰਦ ਆਦਿ ਕਈ ਸਮੱਸਿਆਵਾਂ ਦਾ ਸਾਹਮਣਾ ਕਰਨਾ ਪੈ ਸਕਦਾ ਹੈ। ਜੋ ਲੋਕ ਬੈਲਟ ਕਸ ਕੇ ਪਾਉਂਦੇ ਹਨ, ਉਨ੍ਹਾਂ ਦੇ ਪੈਰਾਂ ਦੀਆਂ ਹੱਡੀਆਂ 'ਤੇ ਵੀ ਕਾਫ਼ੀ ਅਸਰ ਪੈਂਦਾ ਹੈ। ਇਸ ਤੋਂ ਹੱਡੀਆਂ ਕਮਜ਼ੋਰ ਪੈਣ ਲੱਗਦੀਆਂ ਹਨ। ਕਮਰ 'ਤੇ ਬੈਲਟ ਕਸਨ ਨਾਲ ਰੀੜ ਦੀ ਹੱਡੀ 'ਤੇ ਵੀ ਦਬਾਅ ਪੈਂਦਾ ਹੈ। ਅਜਿਹੇ ਲੋਕ ਅਕਸਰ ਕਮਰ ਦਰਦ ਦੀ ਸ਼ਿਕਾਇਤ ਕਰਦੇ ਹਨ।