ਫਾਸਟ ਫ਼ੂਡ ਦੀ ਸ਼ੌਕੀਨ ਔਰਤਾਂ ਲਈ ਇਕ ਧਿਆਨ ਦੇਣ ਵਾਲੀ ਗੱਲ ਸਾਹਮਣੇ ਆਈ ਹੈ। ਪੀਜ਼ਾ - ਬਰਗਰ ਦਾ ਬਹੁਤ ਜ਼ਿਆਦਾ ਸੇਵਨ ਕਰਨਾ ਤੁਹਾਡੀ ਮਾਂ ਬਣਨ ਦੀ ਖ਼ੁਸ਼ੀ ਨੂੰ ਖੋਹ ਸਕਦਾ...
ਐਡੀਲੇਡ : ਫਾਸਟ ਫ਼ੂਡ ਦੀ ਸ਼ੌਕੀਨ ਔਰਤਾਂ ਲਈ ਇਕ ਧਿਆਨ ਦੇਣ ਵਾਲੀ ਗੱਲ ਸਾਹਮਣੇ ਆਈ ਹੈ। ਪੀਜ਼ਾ - ਬਰਗਰ ਦਾ ਬਹੁਤ ਜ਼ਿਆਦਾ ਸੇਵਨ ਕਰਨਾ ਤੁਹਾਡੀ ਮਾਂ ਬਣਨ ਦੀ ਖ਼ੁਸ਼ੀ ਨੂੰ ਖੋਹ ਸਕਦਾ ਹੈ। ਐਡੀਲੇਡ ਯੂਨੀਵਰਸਿਟੀ ਦੇ ਖੋਜਕਾਰ ਬ੍ਰੀਟੇਨ, ਆਇਰਲੈਂਡ, ਆਸਟ੍ਰੇਲੀਆ ਅਤੇ ਨਿਊਜ਼ੀਲੈਂਡ ਦੀ 5,598 ਗਰਭਵਤੀ ਔਰਤਾਂ ਦੀ ਡਾਈਟ - ਹਿਸਟਰੀ (ਖਾਣ-ਪੀਣ ਦੇ ਇਤਿਹਾਸ) ਦਾ ਵਿਸ਼ਲੇਸ਼ਣ ਕਰਨ ਤੋਂ ਬਾਅਦ ਇਸ ਸਿੱਟੇ 'ਤੇ ਪਹੁੰਚੇ ਹਨ।
Pizza Burger
ਉਨ੍ਹਾਂ ਨੇ ਪਾਇਆ ਕਿ ਭੁੱਖ ਸ਼ਾਂਤ ਕਰਨ ਲਈ ਹਫ਼ਤੇ 'ਚ ਚਾਰ ਵਾਰ ਫਾਸਟਫ਼ੂਡ ਦਾ ਸਹਾਰਾ ਲੈਣ ਵਾਲੀਆਂ 39 ਫ਼ੀ ਸਦੀ ਔਰਤਾਂ ਨੂੰ ਗਰਭਧਾਰਣ 'ਚ ਔਸਤਨ ਇਕ ਮਹੀਨੇ ਤੋਂ ਜ਼ਿਆਦਾ ਸਮਾਂ ਲਗਿਆ। ਉਥੇ ਹੀ, 8 ਫ਼ੀ ਸਦੀ ਨੂੰ ਸਾਰੀਆਂ ਕੋਸ਼ਿਸ਼ਾਂ ਦੇ ਬਾਵਜੂਦ ਗਰਭਵਤੀ ਹੋਣ ਲਈ ਲਗਭਗ ਇਕ ਸਾਲ ਇੰਤਜ਼ਾਰ ਕਰਨਾ ਪਿਆ। ਇਹਨਾਂ 'ਚੋਂ ਜ਼ਿਆਦਾਤਰ ਔਰਤਾਂ ਔਲਾਦ ਸਬੰਧੀ ਇਲਾਜ 'ਚੋਂ ਵੀ ਗੁਜ਼ਰੀਆਂ।
Pizza Burger
ਖੋਜਕਾਰਾਂ ਨੇ ਇਹ ਵੀ ਦੇਖਿਆ ਕਿ ਫ਼ਾਸਟਫ਼ੂਡ ਦੀ ਮਾੜੀ ਆਦਤ ਬਾਂਝਪਣ ਦਾ ਖ਼ਤਰਾ 8 ਤੋਂ ਵਧਾ ਕੇ 16 ਫ਼ੀ ਸਦੀ ਤਕ ਕਰ ਦਿੰਦਾ ਹੈ। ਉਨ੍ਹਾਂ ਨੇ ਪਰਵਾਰ ਵਧਾਉਣ ਦੀਆਂ ਕੋਸ਼ਿਸ਼ਾਂ 'ਚ ਲਗੀਆਂ ਔਰਤਾਂ ਨੂੰ ਮਿੱਠਾ ਖਾਣ 'ਤੇ ਵੀ ਰੋਕ ਲਗਾਉਣ ਦੀ ਸਲਾਹ ਦਿਤੀ। ਮੁੱਖ ਖੋਜਕਾਰ ਮੁਤਾਬਕ ਫ਼ਾਸਟਫ਼ੂਡ ਸੈਚੁਰੇਟਿਡ ਫ਼ੈਟ, ਸੋਡੀਅਮ ਅਤੇ ਸ਼ਕਰ ਤੋਂ ਲੈਸ ਹੁੰਦੇ ਹਨ। ਸਰੀਰ 'ਚ ਇਸ ਰਸਾਇਣਾਂ ਦੀ ਬਹੁਤਾਤ ਗਰਭਧਾਰਣ 'ਚ ਸਹਾਇਕ ‘ਊਸਾਇਟ’ ਕੋਸ਼ਿਕਾਵਾਂ ਦੀ ਮਾਤਰਾ ਘਟਾਉਂਦੀ ਹੈ।
Pizza Burger
ਅਧਿਐਨ 'ਚ ਖੋਜਕਾਰਾਂ ਨੇ ਗਰਭਧਾਰਣ ਦੀਆਂ ਸੰਭਾਵਨਾਵਾਂ 'ਚ ਫਲ, ਹਰੀ ਸਬਜ਼ੀਆਂ ਅਤੇ ਅੰਡੇ - ਮੱਛੀ ਨਾਲ ਭਰਪੂਰ ਖਾਣ ਦਾ ਵੀ ਅਸਰ ਮਾਪਿਆ ਹੈ। ਇਸ ਦੌਰਾਨ ਪਤਾ ਚਲਿਆ ਹੈ ਕਿ ਫਲ ਔਲਾਦ ਸੁਖ਼ ਹਾਸਲ ਕਰਨ ਦੀਆਂ ਉਮੀਦਾਂ ਵਧਾਉਂਦੇ ਹਨ। ਦਿਨ ਭਰ 'ਚ ਤਿੰਨ ਵਾਰ ਫਲ ਖਾਣ ਵਾਲੀ ਔਰਤਾਂ 'ਚ ਕੁੱਖ ਜਲਦੀ ਠਹਿਰਦੀ ਹੈ। ਉਥੇ ਹੀ, ਹਰੀ ਸਬਜ਼ੀਆਂ ਅਤੇ ਅੰਡੇ ਗਰਭਧਾਰਣ ਦੀਆਂ ਸੰਭਾਵਨਾਵਾਂ 'ਤੇ ਕੋਈ ਖ਼ਾਸ ਅਸਰ ਨਹੀਂ ਪੈਂਦਾ।
