ਆਉ ਜਾਣਦੇ ਹਾਂ ਕਿ ਤੁਸੀਂ ਬਿਨਾਂ ਮੇਕਅੱਪ ਦੇ ਕਿਵੇਂ ਸੁੰਦਰ ਦਿਖ ਸਕਦੇ ਹੋ
Natural Ways To Look Beautiful: ਔਰਤਾਂ ਸੁੰਦਰ ਦਿਸਣ ਲਈ ਮੈਕਅੱਪ ਦਾ ਸਹਾਰਾ ਲੈਂਦੀਆਂ ਹਨ ਪਰ ਕਈ ਔਰਤਾਂ ਬਿਨਾਂ ਮੇਕਅੱਪ ਦੇ ਵੀ ਖ਼ੂਬਸੂਰਤ ਲਗਦੀਆਂ ਹਨ ਅਤੇ ਉਨ੍ਹਾਂ ਨੂੰ ਅਪਣੀ ਖ਼ੂਬਸੂਰਤੀ ਵਧਾਉਣ ਲਈ ਕੁੱਝ ਵਾਧੂ ਕਰਨ ਦੀ ਜ਼ਰੂਰਤ ਨਹੀਂ ਹੁੰਦੀ। ਜੇਕਰ ਤੁਸੀਂ ਸੋਚ ਰਹੇ ਹੋ ਕਿ ਬਿਨਾਂ ਮੇਕਅੱਪ ਦੇ ਕਿਵੇਂ ਸੁੰਦਰ ਦਿਖਣਾ ਹੈ ਤਾਂ ਅਪਣੀ ਰੋਜ਼ਾਨਾ ਜ਼ਿੰਦਗੀ ਵਿਚ ਕੁੱਝ ਆਦਤਾਂ ਨੂੰ ਸ਼ਾਮਲ ਕਰਨਾ ਫ਼ਾਇਦੇਮੰਦ ਹੋ ਸਕਦਾ ਹੈ।
ਆਉ ਜਾਣਦੇ ਹਾਂ ਕਿ ਤੁਸੀਂ ਬਿਨਾਂ ਮੇਕਅੱਪ ਦੇ ਕਿਵੇਂ ਸੁੰਦਰ ਦਿਖ ਸਕਦੇ ਹੋ:
ਜੇਕਰ ਤੁਸੀਂ ਅਪਣੀ ਡਾਈਟ ਵਿਚ ਪੌਸ਼ਟਿਕ ਤੱਤਾਂ ਨਾਲ ਭਰਪੂਰ ਭੋਜਨ ਨੂੰ ਸ਼ਾਮਲ ਕਰਦੇ ਹੋ, ਤਾਂ ਤੁਹਾਡੀ ਚਮੜੀ ਅਤੇ ਵਾਲ ਸਿਹਤਮੰਦ ਰਹਿਣਗੇ ਅਤੇ ਸੁੰਦਰ ਦਿਖਾਈ ਦੇਣਗੇ। ਇਸ ਲਈ ਪ੍ਰੋਟੀਨ, ਐਂਟੀਆਕਸੀਡੈਂਟ, ਵਿਟਾਮਿਨ ਅਤੇ ਮਿਨਰਲਜ਼ ਨਾਲ ਭਰਪੂਰ ਭੋਜਨ ਨੂੰ ਅਪਣੀ ਡਾਈਟ ਵਿਚ ਸ਼ਾਮਲ ਕਰੋ। ਜੇਕਰ ਤੁਸੀਂ ਖ਼ੂਬ ਪਾਣੀ ਪੀਂਦੇ ਹੋ, ਤਾਂ ਸਰੀਰ ਦਾ ਹਰ ਸਿਸਟਮ ਵਧੀਆ ਕੰਮ ਕਰੇਗਾ ਅਤੇ ਜ਼ਹਿਰੀਲੇ ਪਦਾਰਥ ਆਸਾਨੀ ਨਾਲ ਬਾਹਰ ਨਿਕਲ ਜਾਣਗੇ। ਇਸ ਤਰ੍ਹਾਂ ਮੁਹਾਸੇ ਨਹੀਂ ਹੋਣਗੇ ਅਤੇ ਖ਼ੁਸ਼ਕੀ ਦੀ ਸਮੱਸਿਆ ਨਹੀਂ ਹੋਵੇਗੀ। ਦਿਨ ਭਰ ਘੱਟੋ-ਘੱਟ ਅੱਠ ਜਾਂ ਇਸ ਤੋਂ ਵੱਧ ਗਲਾਸ ਪਾਣੀ ਪੀਉ।
ਜਦੋਂ ਤੁਸੀਂ ਚੰਗੀ ਤਰ੍ਹਾਂ ਸੌਂਦੇੇ ਹੋ, ਤਾਂ ਸਰੀਰ ਅਪਣੇ ਆਪ ਨੂੰ ਠੀਕ ਕਰਨ ਦੇ ਯੋਗ ਹੁੰਦਾ ਹੈ ਅਤੇ ਸਮੱਸਿਆਵਾਂ ਅਪਣੇ ਆਪ ਦੂਰ ਹੋ ਜਾਂਦੀਆਂ ਹਨ। ਇਸ ਲਈ ਰਾਤ ਨੂੰ ਘੱਟ ਤੋਂ ਘੱਟ 7 ਘੰਟੇ ਚੰਗੀ ਨੀਂਦ ਲਵੋ। ਜੇਕਰ ਤੁਸੀਂ ਸਰੀਰਕ ਅਤੇ ਮਾਨਸਕ ਤੌਰ ’ਤੇ ਸਿਹਤਮੰਦ ਰਹਿੰਦੇ ਹੋ ਤਾਂ ਤੁਹਾਡੇ ਚਿਹਰੇ ’ਤੇ ਨਿਖਾਰ ਆਵੇਗਾ। ਇਸ ਲਈ, ਬਿਹਤਰ ਹੋਵੇਗਾ ਜੇਕਰ ਤੁਸੀਂ ਸਰੀਰਕ ਤੌਰ ’ਤੇ ਵੱਧ ਤੋਂ ਵੱਧ ਸਰਗਰਮ ਰਹੋ। ਇਸ ਲਈ ਦੌੜਨਾ, ਤੈਰਾਕੀ, ਜਿਮ ਜਾਣਾ ਅਤੇ ਕਸਰਤ ਕਰਨਾ, ਯੋਗਾ ਕਰਨਾ ਆਦਿ ਫ਼ਾਇਦੇਮੰਦ ਹਨ। ਚਮੜੀ ਦੀ ਨਿਯਮਤ ਦੇਖਭਾਲ ਕਰਨਾ ਮਹੱਤਵਪੂਰਨ ਹੈ। ਇਸ ਲਈ, ਸਵੇਰ ਅਤੇ ਸ਼ਾਮ ਦੀ ਚਮੜੀ ਦੀ ਦੇਖਭਾਲ ਦੀ ਰੁਟੀਨ ਦੀ ਪਾਲਣਾ ਕਰੋ ਅਤੇ ਸਫ਼ਾਈ, ਮਾਇਸਚਰਾਈਜ਼ਿੰਗ ਦੀ ਪਾਲਣਾ ਕਰੋ। ਇਸ ਤੋਂ ਇਲਾਵਾ ਨਿਯਮਤ ਤੌਰ ’ਤੇ ਐਕਸਫੋਲੀਏਸ਼ਨ ਕਰੋ। ਨਾਲ ਹੀ ਸਨਸਕ੍ਰੀਨ ਲਗਾਉਣਾ ਨਾ ਭੁੱਲੋ।
ਬਿਹਤਰ ਦਿਖਣ ਲਈ ਇਹ ਜ਼ਰੂਰੀ ਹੈ ਕਿ ਤੁਸੀਂ ਅਪਣੇ ਪਹਿਰਾਵੇ ’ਤੇ ਧਿਆਨ ਦਿਉ ਅਤੇ ਅਪਣੇ ਆਕਾਰ ਦਾ ਚੰਗੀ ਤਰ੍ਹਾਂ ਤਿਆਰ ਕੀਤਾ ਪਹਿਰਾਵਾ ਹੀ ਪਾਉ। ਇਹ ਤੁਹਾਡੀ ਸ਼ਖ਼ਸੀਅਤ ਨੂੰ ਨਿਖਾਰਨ ਵਿਚ ਮਦਦ ਕਰੇਗਾ ਅਤੇ ਤੁਸੀਂ ਆਕਰਸ਼ਕ ਦਿਖੋਗੇ। ਹਮੇਸ਼ਾ ਅਪਣੇ ਸਰੀਰ ਦੇ ਹਿਸਾਬ ਨਾਲ ਸਟਾਈਲ ਅਤੇ ਸਾਈਜ਼ ਦੇ ਕਪੜੇ ਚੁਣੋ।
(For more Punjabi news apart from Natural Ways To Look Beautiful Without Makeup, stay tuned to Rozana Spokesman)
