ਇਸ ਦਾ ਬੱਚਿਆਂ ਦੇ ਤਨ ਅਤੇ ਮਨ 'ਤੇ ਉਲਟਾ ਅਸਰ ਵੇਖਿਆ ਜਾ ਰਿਹਾ ਹੈ।
ਕੋਰੋਨਾ ਵਾਇਰਸ ਬਾਰੇ ਖੋਜਕਰਤਾਵਾਂ ਦੀ ਇਕ ਟੀਮ ਦਾ ਕਹਿਣਾ ਹੈ ਕਿ ਇਸ ਖ਼ਤਰਨਾਕ ਵਾਇਰਸ ਦਾ ਬੱਚਿਆਂ 'ਤੇ ਘੱਟ ਉਮਰ ਦੇ ਲੋਕਾਂ ਦੀ ਮਾਨਸਕ ਤੇ ਸਰੀਰਕ ਸਿਹਤ 'ਤੇ ਅਸਿੱਧੇ ਤੌਰ 'ਤੇ ਮਾੜਾ ਅਸਰ ਪੈ ਰਿਹਾ ਹੈ। ਕੋਵਿਡ-19 ਨਾਲ ਇਸ ਸਮੇਂ ਕਰੀਬ ਪੂਰੀ ਦੁਨੀਆਂ ਜੂਝ ਰਹੀ ਹੈ। ਇਸ ਦਾ ਬੱਚਿਆਂ ਦੇ ਤਨ ਅਤੇ ਮਨ 'ਤੇ ਉਲਟਾ ਅਸਰ ਵੇਖਿਆ ਜਾ ਰਿਹਾ ਹੈ।
File Photo
ਬਰਤਾਨੀਆ ਦੀ ਐਕਸੇਟਰ ਯੂਨੀਵਰਸਿਟੀ ਦੇ ਖੋਜਕਰਤਾਵਾਂ ਨੇ ਅਪਣੇ ਅਧਿਐਨ ਵਿਚ ਕੋਰੋਨਾ ਦੇ ਪੈਣ ਵਾਲੇ ਸੰਭਾਵਤ ਮਾੜੇ ਅਸਰ ਦੀ ਵਿਆਖਿਆ ਕੀਤੀ ਹੈ। ਇਸ ਅਧਿਐਨ ਨਾਲ ਜੁੜੇ ਭਾਰਤਵੰਸ਼ੀ ਡਾ. ਨੀਲ ਚੰਚਲਾਨੀ ਨੇ ਕਿਹਾ, ''ਸਾਨੂੰ ਪਹਿਲਾਂ ਅਨੁਮਾਨ ਹੋਣਾ ਚਾਹੀਦਾ ਹੈ ਕਿ ਸਿਹਤ ਦੇਖਭਾਲ ਦੀ ਪਹੁੰਚ ਘੱਟ ਹੋਣ ਤੇ ਮਹਾਂਮਾਰੀ ਦੀ ਰੋਕਥਾਮ ਦੇ ਉਪਾਵਾਂ ਕਾਰਨ ਉਨ੍ਹਾਂ ਨੂੰ ਸਰੀਰਕ ਤੇ ਮਾਨਸਕ ਸਿਹਤ ਦੇ ਨਾਲ ਹੀ ਸਮਾਜਕ ਮੋਰਚੇ 'ਤੇ ਵੀ ਅਸਿੱਧੇ ਤੌਰ 'ਤੇ ਮਾੜਾ ਅਸਰ ਦਾ ਸਾਹਮਣਾ ਕਰਨਾ ਪੈ ਸਕਦਾ ਹੈ।''
Children
ਅਧਿਐਨ ਵਿਚ ਕਿਹਾ ਗਿਆ ਹੈ ਕਿ ਸਮਾਜਕ ਸਬੰਧ ਤੇ ਨਿਯਮਤ ਰੁਝੇਵੇਂ ਦੀ ਘਾਟ ਵਿਚ ਬੱਚਿਆਂ ਦਾ ਮੋਬਾਈਲ ਫ਼ੋਨ ਤੇ ਟੀ.ਵੀ. ਵਲ ਝੁਕਾਅ ਵੱਧ ਸਕਦਾ ਹੈ। ਨਾਲ ਹੀ ਸਰੀਰਕ ਸਰਗਰਮੀ ਵਿਚ ਕਮੀ ਵੀ ਆ ਸਕਦੀ ਹੈ। ਇਸ ਕਾਰਨ ਇਕਾਗਰਤਾ ਵਿਚ ਗਿਰਾਵਟ ਨਾਲ ਹੀ ਡਿਪ੍ਰੈਸ਼ਨ ਤੇ ਐਂਗਜ਼ਾਇਟੀ ਦਾ ਖ਼ਤਰਾ ਵੱਧ ਸਕਦਾ ਹੈ। ਇਸ ਹਾਲਤ ਵਿਚ ਬੱਚਿਆਂ ਦਾ ਖ਼ਾਸ ਧਿਆਨ ਰੱਖਣ ਦੀ ਲੋੜ ਹੈ।
Corona virus
ਇਸ ਮਹੀਨੇ ਦੇ ਸ਼ੁਰੂ ਵਿਚ ਆਏ ਇਕ ਹੋਰ ਅਧਿਐਨ ਵਿਚ ਕਿਹਾ ਗਿਆ ਸੀ ਕਿ ਕੋਰੋਨਾ ਦੀ ਰੋਕਥਾਮ ਲਈ ਲਗਭਗ ਪੂਰੀ ਦੁਨੀਆਂ ਵਿਚ ਲਾਕਡਾਊਨ ਤੇ ਸੋਸ਼ਲ ਡਿਸਟੈਂਸਿੰਗ ਵਰਗੇ ਉਪਾਅ ਅਪਣਾਏ ਜਾ ਰਹੇ ਹਨ। ਇਨ੍ਹਾਂ ਦਾ ਬੱਚਿਆਂ ਦੀ ਮਾਨਸਕ ਸਿਹਤ 'ਤੇ ਡੂੰਘਾ ਅਸਰ ਪੈ ਸਕਦਾ ਹੈ। ਇਨ੍ਹਾਂ ਨੂੰ ਡਿਪ੍ਰੈਸ਼ਨ ਤੇ ਐਂਗਜ਼ਾਇਟੀ ਵਰਗੀਆਂ ਮਾਨਸਕ ਸਮੱਸਿਆਵਾਂ ਦਾ ਸਾਹਮਣਾ ਕਰਨਾ ਪੈ ਸਕਦਾ ਹੈ।
