ਤੀਜੇ ਪੜਾਅ 'ਚ ਤਕਨੀਕੀ ਖਰ਼ਾਬੀ ਆਉਣ ਕਾਰਨ ਮਿਸ਼ਨ ਹੋਇਆ ਫ਼ੇਲ੍ਹ
ਸ਼੍ਰੀਹਰੀਕੋਟਾ : ਭਾਰਤੀ ਪੁਲਾੜ ਖੋਜ ਸੰਗਠਨ (ਇਸਰੋ) ਦਾ 2026 ਦਾ ਪਹਿਲਾ ਮਿਸ਼ਨ ਅਸਫਲ ਹੋ ਗਿਆ ਹੈ। ਰਾਕੇਟ ਅੱਜ 12 ਜਨਵਰੀ ਨੂੰ ਸਵੇਰੇ 10:18 ਵਜੇ ਆਂਧਰਾ ਪ੍ਰਦੇਸ਼ ਦੇ ਸ੍ਰੀਹਰੀਕੋਟਾ ਸਥਿਤ ਪੁਲਾੜ ਕੇਂਦਰ ਤੋਂ 16 ਸੈਟੇਲਾਈਟ ਲੈ ਕੇ ਉਡਿਆ ਸੀ। ਇਸਰੋ ਦੇ ਮੁਖੀ ਡਾ. ਵੀ. ਨਾਰਾਇਣਨ ਨੇ ਕਿਹਾ ਕਿ ਰਾਕੇਟ ਲਾਂਚ ਦੇ ਤੀਜੇ ਪੜਾਅ ਵਿੱਚ ਇੱਕ ਖਰਾਬੀ ਆਈ, ਜਿਸ ਕਾਰਨ ਇਹ ਆਪਣੇ ਮੁੱਖ ਮਾਰਗ ਤੋਂ ਭਟਕ ਗਿਆ।
ਜ਼ਿਕਰਯੋਗ ਹੈ ਕਿ ਪਿਛਲੇ ਸਾਲ 18 ਮਈ ਨੂੰ ਇਸਰੋ ਦਾ ਪੀਐਸਐਲਪੀ-ਸੀ 61 ਮਿਸ਼ਨ ਵੀ ਤਕਨੀਕੀ ਨੁਕਸ ਕਾਰਨ ਤੀਜੇ ਪੜਾਅ ਵਿੱਚ ਅਸਫਲ ਰਿਹਾ। ਇਹ ਮਿਸ਼ਨ ਈਓਐਸ-09 ਧਰਤੀ ਨਿਰੀਖਣ ਉਪਗ੍ਰਹਿ ਨੂੰ 524 ਕਿਲੋਮੀਟਰ ਸੂਰਜ-ਸਮਕਾਲੀ ਧਰੁਵੀ ਪੰਧ ਵਿੱਚ ਰੱਖਣਾ ਸੀ।
ਇਸ ਤੋਂ ਪਹਿਲਾਂ ਆਂਧਰਾ ਪ੍ਰਦੇਸ਼ ਦੇ ਸ਼੍ਰੀਹਰੀਕੋਟਾ ਵਿੱਚ ਸਤੀਸ਼ ਧਵਨ ਸਪੇਸ ਸੈਂਟਰ ਤੋਂ ‘ਅਨਵੇਸ਼ਾ’ ਸੈਟੇਲਾਈਟ ਲਾਂਚ ਕੀਤਾ ਗਿਆ। ਭਾਰਤੀ ਪੁਲਾੜ ਖੋਜ ਸੰਗਠਨ (ਇਸਰੋ) ਨੇ ਅੱਜ ਸਵੇਰੇ 10:18 ਵਜੇ ਆਂਧਰਾ ਪ੍ਰਦੇਸ਼ ਦੇ ਸ਼੍ਰੀਹਰੀਕੋਟਾ ਵਿੱਚ ਸਤੀਸ਼ ਧਵਨ ਸਪੇਸ ਸੈਂਟਰ ਤੋਂ ਸਾਲ 2026 ਦਾ ਆਪਣਾ ਪਹਿਲਾ ਸੈਟੇਲਾਈਟ ਮਿਸ਼ਨ ਲਾਂਚ ਕੀਤਾ। ਇਹ ਲਾਂਚ ਪੋਲਰ ਸੈਟੇਲਾਈਟ ਲਾਂਚ ਵਹੀਕਲ (ਪੀਐਸਐਲਪੀ)-ਸੀ62 ਦੀ ਵਰਤੋਂ ਕਰਕੇ ਕੀਤਾ ਗਿਆ।
ਇਸ ਮਿਸ਼ਨ ਤਹਿਤ ਕੁੱਲ 15 ਸੈਟੇਲਾਈਟ ਪੁਲਾੜ ਵਿੱਚ ਭੇਜੇ ਗਏ ਹਨ। ਇਨ੍ਹਾਂ ਵਿੱਚੋਂ ‘ਅਨਵੇਸ਼ਾ’ ਇੱਕ ਧਰਤੀ ਨਿਰੀਖਣ ਉਪਗ੍ਰਹਿ (ਈਓਐਸ-ਐਨ1), ਮੁੱਖ ਹੈ ਜਿਸਨੂੰ ਧਰਤੀ ਤੋਂ ਲਗਭਗ 600 ਕਿਲੋਮੀਟਰ ਉੱਪਰ ਇੱਕ ਧਰੁਵੀ ਸੂਰਜ-ਸਮਕਾਲੀ ਧਰੁਵੀ ਔਰਬਿਟ (ਐਸਐਸਓ) ਵਿੱਚ ਰੱਖਿਆ ਜਾਵੇਗਾ।
‘ਅਨਵੇਸ਼ਾ’ ਸੈਟੇਲਾਈਟ ਨੂੰ ਰੱਖਿਆ ਖੋਜ ਅਤੇ ਵਿਕਾਸ ਸੰਗਠਨ (ਡੀ.ਆਰ.ਡੀ.ਓ.) ਵੱਲੋਂ ਵਿਕਸਤ ਕੀਤਾ ਗਿਆ ਸੀ। ਇਹ ਇੱਕ ਜਾਸੂਸੀ ਉਪਗ੍ਰਹਿ ਹੈ ਜੋ ਸਟੀਕ ਨਿਗਰਾਨੀ ਅਤੇ ਮੈਪਿੰਗ ਲਈ ਉੱਨਤ ਇਮੇਜਿੰਗ ਸਮਰੱਥਾਵਾਂ ਨਾਲ ਲੈਸ ਹੈ। ਇਹ ਧਰਤੀ ਤੋਂ ਸੈਂਕੜੇ ਕਿਲੋਮੀਟਰ ਉੱਪਰ ਤੋਂ ਵੀ ਝਾੜੀਆਂ, ਜੰਗਲਾਂ ਜਾਂ ਬੰਕਰਾਂ ਵਿੱਚ ਲੁਕੇ ਦੁਸ਼ਮਣਾਂ ਦੀਆਂ ਤਸਵੀਰਾਂ ਖਿੱਚਣ ਦੇ ਸਮਰੱਥ ਹੈ।
