ਸੁਜ਼ਾਨ ਵੋਜਸਕੀ ਨੇ ਦਿੱਤਾ ਅਸਤੀਫ਼ਾ

ਨਵੀਂ ਦਿੱਲੀ : ਵੀਡੀਓ ਸਟ੍ਰੀਮਿੰਗ ਪਲੇਟਫਾਰਮ ਯੂਟਿਊਬ ਦੀ ਲੀਡਰਸ਼ਿਪ 'ਚ ਵੱਡਾ ਬਦਲਾਅ ਹੋਇਆ ਹੈ। ਯੂਟਿਊਬ ਦੀ ਸੀਈਓ ਸੁਜ਼ਾਨ ਵੋਜਸਕੀ ਨੇ ਆਪਣੇ ਅਹੁਦੇ ਤੋਂ ਅਸਤੀਫਾ ਦੇ ਦਿੱਤਾ ਹੈ। ਭਾਰਤੀ ਮੂਲ ਦੇ ਨੀਲ ਮੋਹਨ ਸੁਜ਼ਾਨ ਵੋਜਸਕੀ ਦੀ ਥਾਂ ਲੈਣਗੇ। ਨੀਲ ਮੋਹਨ ਵਰਤਮਾਨ ਵਿੱਚ ਯੂਟਿਊਬ ਦੇ ਮੁੱਖ ਉਤਪਾਦ ਅਧਿਕਾਰੀ ਹਨ। ਸੁਜ਼ਾਨ ਵੋਜਸਕੀ ਨੇ ਪੱਤਰ ਲਿਖ ਕੇ ਅਸਤੀਫਾ ਦੇਣ ਦਾ ਐਲਾਨ ਕੀਤਾ ਹੈ। ਉਹਨਾਂ ਨੇ ਕਿਹਾ ਹੈ ਕਿ ਉਹ ਆਪਣੀ ਜ਼ਿੰਦਗੀ ਦਾ ਨਵਾਂ ਅਧਿਆਏ ਸ਼ੁਰੂ ਕਰਨ ਜਾ ਰਹੀ ਹੈ। ਉਹ ਆਪਣੇ ਪਰਿਵਾਰ, ਸਿਹਤ ਅਤੇ ਨਿੱਜੀ ਪ੍ਰੋਜੈਕਟਾਂ ਬਾਰੇ ਨਵਾਂ ਕੰਮ ਸ਼ੁਰੂ ਕਰੇਗੀ।

ਇਹ ਵੀ  ਪੜ੍ਹੋ : ਕੱਲ੍ਹ ਭਾਰਤ ਆਉਣਗੇ 12 ਹੋਰ ਚੀਤੇ, ਜਹਾਜ਼ ਹੋਇਆ ਰਵਾਨਾ

ਪਿਛਲੇ ਨੌਂ ਸਾਲਾਂ ਤੋਂ, ਉਹ ਅਲਫਾਬੇਟ ਦੇ ਵੀਡੀਓ ਸਟ੍ਰੀਮਿੰਗ ਪਲੇਟਫਾਰਮ ਯੂਟਿਊਬ ਵਿੱਚ ਮੁੱਖ ਭੂਮਿਕਾ 'ਤੇ ਕੰਮ ਕਰ ਰਹੀ ਸੀ। ਦੱਸ ਦੇਈਏ ਕਿ ਸੁਜ਼ਾਨ ਵੋਜਸਕੀ ਸ਼ੁਰੂਆਤੀ ਦਿਨਾਂ ਤੋਂ ਹੀ ਯੂਟਿਊਬ ਦੀ ਪੇਰੈਂਟ ਕੰਪਨੀ ਗੂਗਲ ਨਾਲ ਜੁੜੀ ਹੋਈ ਹੈ। ਇਹ ਉਦੋਂ  ਦੀ ਗੱਲ ਹੈ ਜਦੋਂ ਗੂਗਲ ਦੇ ਦੋ ਸੰਸਥਾਪਕ ਖੋਜ ਇੰਜਣ ਬਣਾਉਣ ਲਈ ਕੈਲੀਫੋਰਨੀਆ ਵਿੱਚ ਇੱਕ ਗੈਰੇਜ ਵਿੱਚ ਕੰਮ ਕਰ ਰਹੇ ਸਨ। ਬਾਅਦ ਵਿੱਚ ਉਹ ਗੂਗਲ ਦੀ 16ਵੀਂ ਕਰਮਚਾਰੀ ਬਣ ਗਈ ਅਤੇ ਉਹ 25 ਸਾਲਾਂ ਤੋਂ ਕੰਪਨੀ ਨਾਲ ਜੁੜੀ ਹੋਈ ਹੈ। ਨੀਲ ਮੋਹਨ ਨੂੰ ਵਧਾਈ ਦਿੰਦੇ ਹੋਏ, ਸੁਜ਼ਾਨ ਵੋਜਸਕੀ ਨੇ ਕਿਹਾ ਕਿ ਅਸੀਂ ਸ਼ਾਰਟਸ, ਸਟ੍ਰੀਮਿੰਗ ਅਤੇ ਸਬਸਕ੍ਰਿਪਸ਼ਨ ਵਿੱਚ ਜੋ ਕਰ ਰਹੇ ਹਾਂ ਉਹ ਸ਼ਾਨਦਾਰ ਹੈ। ਨੀਲ ਸਾਡੀ ਅਗਵਾਈ ਕਰਨ ਲਈ ਸਹੀ ਵਿਅਕਤੀ ਹੈ।

ਇਹ ਵੀ  ਪੜ੍ਹੋ : ਕੇਲੇ ਦੇ ਛਿਲਕੇ ਸਾਡੀ ਚਮੜੀ ਲਈ ਹਨ ਬਹੁਤ ਫ਼ਾਇਦੇਮੰਦ

ਸੁਜ਼ਾਨ ਨੇ ਕਿਹਾ ਕਿ ਨੀਲ ਮੋਹਨ ਇੱਕ ਸ਼ਾਨਦਾਰ ਲੀਡਰ ਹੈ ਅਤੇ ਉਹ ਕਿਸੇ ਵੀ ਵਿਅਕਤੀ ਨਾਲੋਂ ਬਿਹਤਰ ਸਮਝਦਾ ਹੈ ਕਿ ਇਸ ਪਲੇਟਫਾਰਮ ਨੂੰ ਹੁਣ ਅਤੇ ਭਵਿੱਖ ਵਿੱਚ ਕੀ ਚਾਹੀਦਾ ਹੈ। ਸੁਜ਼ਾਨ ਨੇ ਕਿਹਾ ਕਿ ਉਹ ਤਬਦੀਲੀ ਦੇ ਸਮੇਂ ਦੌਰਾਨ ਕੰਪਨੀ ਦੇ ਨਾਲ ਰਹੇਗੀ ਅਤੇ ਨੀਲ ਮੋਹਨ ਦੀ ਮਦਦ ਕਰਨਾ ਜਾਰੀ ਰੱਖੇਗੀ। ਸੁਜ਼ਾਨ ਹੁਣ ਗੂਗਲ ਅਤੇ ਅਲਫਾਬੇਟ 'ਤੇ ਸਲਾਹਕਾਰ ਵਜੋਂ ਕੰਮ ਕਰੇਗੀ। ਉਨ੍ਹਾਂ ਕਿਹਾ ਕਿ ਉਨ੍ਹਾਂ ਨੂੰ ਅੱਜ ਵੀ ਯੂ-ਟਿਊਬ 'ਤੇ ਓਨਾ ਹੀ ਭਰੋਸਾ ਹੈ ਜਿੰਨਾ 9 ਸਾਲ ਪਹਿਲਾਂ ਸੀ। YouTube ਦੇ ਬਿਹਤਰੀਨ ਦਿਨ ਅਜੇ ਆਉਣੇ ਬਾਕੀ ਹਨ।