ਇਸ ਦੀ ਉਦਾਹਰਨ ਪੱਛਮ ਬੰਗਾਲ ਦੇ ਸਿਲੀਗੁੜੀ ਵਿਚ ਦੇਖਣ ਨੂੰ..
ਨਵੀਂ ਦਿੱਲੀ: ਦੇਸ਼ ਵਿਚ ਕੋਰੋਨਾ ਵਾਇਰਸ ਦਾ ਕਹਿਰ ਵਧਦਾ ਹੀ ਜਾ ਰਿਹਾ ਹੈ। ਕੋਰੋਨਾ ਵਾਇਰਸ ਦੀ ਚੇਨ ਤੋੜਨ ਲਈ ਦੇਸ਼ ਵਿਚ ਪਿਛਲੀ 24 ਮਾਰਚ ਤੋਂ ਲਾਕਡਾਊਨ ਚਲ ਰਿਹਾ ਹੈ। ਲਾਕਡਾਊਨ ਦੌਰਾਨ ਲੋਕ ਘਰਾਂ ਵਿਚ ਕੈਦ ਹਨ ਅਤੇ ਸੜਕਾਂ ਤੇ ਵਾਹਨਾਂ ਦੀ ਰਫ਼ਤਾਰ ਪੂਰੀ ਤਰ੍ਹਾਂ ਨਾਲ ਰੁਕ ਗਈ ਹੈ। ਕਾਰਖਾਨੇ ਅਤੇ ਉਦਯੋਗ ਪੂਰੀ ਤਰ੍ਹਾਂ ਬੰਦ ਹਨ। ਲਾਕਡਾਊਨ ਦਾ ਸਭ ਤੋਂ ਚੰਗਾ ਅਸਰ ਵਾਤਾਵਾਰਨ ਵਿਚ ਦੇਖਣ ਨੂੰ ਮਿਲਿਆ ਹੈ।
World Third Highest Mountain Peak
ਇਸ ਦੀ ਉਦਾਹਰਨ ਪੱਛਮ ਬੰਗਾਲ ਦੇ ਸਿਲੀਗੁੜੀ ਵਿਚ ਦੇਖਣ ਨੂੰ ਮਿਲੀ ਹੈ। ਦਰਅਸਲ ਪੱਛਮੀ ਬੰਗਾਲ ਦੇ ਸਿਲੀਗੁੜੀ ਦੇ ਲੋਕਾਂ ਲਈ ਇਹਨਾਂ ਦਿਨਾਂ ਵਿਚ ਸਵੇਰ ਦਾ ਨਜ਼ਾਰਾ ਬਹੁਤ ਹੀ ਵੱਖਰਾ ਹੁੰਦਾ ਹੈ। ਕੋਈ ਸੋਚ ਵੀ ਨਹੀਂ ਸੀ ਸਕਦਾ ਕਿ ਸਿਲੀਗੁੜੀ ਦੇ ਲੋਕ ਉੱਥੋਂ ਬੈਠ ਕੇ ਦੁਨੀਆ ਦੀ ਤੀਜੀ ਸਭ ਤੋਂ ਉੱਚੀ ਪਹਾੜੀ ਕੰਚਨਜੰਗਾ ਦਾ ਨਜ਼ਾਰਾ ਲੈਣਗੇ।
World Third Highest Mountain Peak
ਲਾਕਡਾਊਨ ਦੌਰਾਨ ਵਾਤਾਵਰਣ ਬਿਲਕੁੱਲ ਸਾਫ ਹੋਣ ਕਰਕੇ ਲੋਕ ਅਪਣੇ ਘਰ ਦੀ ਛੱਤ ਤੋਂ ਕੰਚਨਜੰਗਾ ਦਾ ਨਜ਼ਾਰਾ ਦੇਖ ਸਕਦੇ ਹਨ। ਸਿਲੀਗੁੜੀ ਦੇ ਲੋਕਾਂ ਨੇ ਸੋਸ਼ਲ ਮੀਡੀਆ 'ਤੇ ਇਸ ਅਦਭੁਤ ਨਜਾਰੇ ਨੂੰ ਸਾਂਝਾ ਕਰਨਾ ਸ਼ੁਰੂ ਕਰ ਦਿੱਤਾ ਹੈ। ਲੋਕਾਂ ਦਾ ਕਹਿਣਾ ਹੈ ਕਿ ਉਨ੍ਹਾਂ ਨੇ ਅੱਜ ਪਹਿਲਾਂ ਅਜਿਹਾ ਨਜ਼ਾਰਾ ਨਹੀਂ ਦੇਖਿਆ ਸੀ। ਪ੍ਰਦੂਸ਼ਣ ਦੇ ਕਾਰਨ ਕੰਚਨਜੰਗਾ ਪਹਾੜ ਕਦੇ ਨਹੀਂ ਵੇਖਿਆ ਗਿਆ ਪਰ ਇਹਨਾਂ ਦਿਨਾਂ ਵਿਚ ਉਹਨਾਂ ਦੀ ਸਵੇਰ ਦੀ ਸ਼ੁਰੂਆਤ ਇਸ ਨਜ਼ਾਰੇ ਨਾਲ ਸ਼ੁਰੂ ਹੁੰਦੀ ਹੈ।
World Third Highest Mountain Peak
ਅਸ਼ੀਸ਼ ਨੇ ਆਪਣੇ ਟਵਿੱਟਰ ਹੈਂਡਲ 'ਤੇ ਸਿਲੀਗੁੜੀ ਦੀ ਤਸਵੀਰ ਪੋਸਟ ਕਰਦਿਆਂ ਲਿਖਿਆ 'ਕੰਚਨਜੰਗਾ ਦੁਨੀਆ ਦਾ ਤੀਜਾ ਸਭ ਤੋਂ ਉੱਚਾ ਪਹਾੜ ਹੁਣ ਸਿਲੀਗੁੜੀ ਤੋਂ ਸਾਫ ਦੇਖਿਆ ਜਾ ਸਕਦਾ ਹੈ। ਇਸੇ ਤਰ੍ਹਾਂ ਆਪਣੇ ਟਵਿੱਟਰ 'ਤੇ ਕੰਚਨਜੰਗਾ ਪਹਾੜੀ ਚੋਟੀ ਦੀ ਤਸਵੀਰ ਸਾਂਝੀ ਕਰਦਿਆਂ ਸੌਰਦੀਪ ਭੱਟਾਚਾਰੀਆ ਨੇ ਕਿਹਾ ਕਿ ਅਚਿਨਦੂਰਪੁਰ ਸ਼ਹਿਰ ਤੋਂ ਵੀ ਕੰਚਨਜੰਗਾ ਦਿਖਾਈ ਦਿੰਦਾ ਹੈ।
World Third Highest Mountain Peak
ਰਾਕਾ ਬੈਨਰਜੀ ਨੇ ਆਪਣੇ ਟਵਿੱਟਰ ਹੈਂਡਲ 'ਤੇ ਲਿਖਿਆ ਕਿ ਸਿਲੀਗੁੜੀ ਤੋਂ ਕੰਚਨਜੰਗਾ ਪਹਾੜੀ ਚੋਟੀ ਸਾਫ਼ ਦਿਖਾਈ ਦੇ ਰਹੀ ਹੈ। ਮੈਂ ਆਪਣੇ ਬਚਪਨ ਵਿਚ ਕੰਚਨਜੰਗਾ ਪਹਾੜ ਦੀ ਚੋਟੀ ਨੂੰ ਇੰਨਾ ਸਪਸ਼ਟ ਵੇਖਿਆ ਸੀ। ਇਸ ਤੋਂ ਬਾਅਦ ਮੈਂ ਹੁਣ ਲਾਕਡਾਉਨ ਵਿਚ ਦੇਖ ਰਿਹਾ ਹਾਂ। ਮਹੱਤਵਪੂਰਨ ਗੱਲ ਇਹ ਹੈ ਕਿ ਧੌਲਾਧਰ ਨੂੰ 'ਚਿੱਟਾ ਮਾਉਂਟੇਨ' ਵਜੋਂ ਵੀ ਜਾਣਿਆ ਜਾਂਦਾ ਹੈ। ਇਹ ਹਿਮਾਚਲ ਪ੍ਰਦੇਸ਼ ਵਿੱਚ ਸਥਿਤ ਹੈ।
World Third Highest Mountain Peak
ਇਹ ਰਾਜ ਦੇ ਪੱਛਮ ਵਿਚ ਚੰਬਾ ਜ਼ਿਲੇ ਤੋਂ ਸ਼ੁਰੂ ਹੁੰਦਾ ਹੈ ਅਤੇ ਪੂਰਬ ਵਿਚ ਕਿਨੌਰ ਜ਼ਿਲੇ ਤੋਂ ਫੈਲਿਆ ਹੋਇਆ ਹੈ ਅਤੇ ਉਤਰਾਖੰਡ ਤੋਂ ਹੁੰਦਾ ਹੋਇਆ ਪੂਰਬੀ ਅਸਾਮ ਵਿਚ ਜਾਂਦਾ ਹੈ। ਯਾਤਰੀ ਇਨ੍ਹਾਂ ਪਹਾੜਾਂ ਨੂੰ ਦੇਖਣ ਲਈ ਦੂਰੋਂ ਧਰਮਸ਼ਾਲਾ ਪਹੁੰਚਦੇ ਹਨ। ਪਰ ਹਵਾ ਪ੍ਰਦੂਸ਼ਣ ਰਹਿਤ ਹੋਣ ਕਾਰਨ ਇਹ ਪਹਾੜੀ ਜਲੰਧਰ ਦੇ ਲੋਕਾਂ ਨੂੰ ਉਨ੍ਹਾਂ ਦੇ ਘਰਾਂ ਤੋਂ ਦਿਖਾਈ ਦੇਣ ਲੱਗੀ ਹੈ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।
