Sahitya Akademi News: ਪੰਜਾਬੀ ’ਚ ਪਾਲੀ ਖਾਦਿਮ ਨੇ ਪ੍ਰਾਪਤ ਕੀਤਾ ਬਾਲ ਸਾਹਿਤ ਪੁਰਸਕਾਰ, ਮਨਦੀਪ ਔਲਖ ਨੂੰ ਮਿਲੇਗਾ ਯੁਵਾ ਪੁਰਸਕਾਰ
Pali Khadim Mandeep Aulakh Sahitya Akademi News: ਸਾਹਿਤ ਅਕਾਦਮੀ ਨੇ ਬੁਧਵਾਰ ਨੂੰ 23 ਲੇਖਕਾਂ ਦੇ ਨਾਵਾਂ ਦਾ ਐਲਾਨ ਕੀਤਾ, ਜਿਨ੍ਹਾਂ ਨੂੰ ਕਈ ਭਾਸ਼ਾਵਾਂ ’ਚ ਵੱਕਾਰੀ ਯੁਵਾ ਪੁਰਸਕਾਰ ਦਿਤਾ ਜਾਵੇਗਾ। ਸਾਹਿਤ ਅਕਾਦਮੀ ਦੇ ਕਾਰਜਕਾਰੀ ਬੋਰਡ ਨੇ ਪ੍ਰਧਾਨ ਮਾਧਵ ਕੌਸ਼ਿਕ ਦੀ ਪ੍ਰਧਾਨਗੀ ਹੇਠ ਹੋਈ ਅਪਣੀ ਮੀਟਿੰਗ ਵਿਚ 23 ਲੇਖਕਾਂ ਦੀ ਚੋਣ ਨੂੰ ਪ੍ਰਵਾਨਗੀ ਦੇ ਦਿਤੀ।
ਪੰਜਾਬ ’ਚ ਮਨਦੀਪ ਔਲਖ ਨੂੰ ‘ਗਰਲਜ਼ ਹੋਸਟਲ’ ਲਈ ਯੁਵਾ ਪੁਰਸਕਾਰ ਅਤੇ ਪਾਲੀ ਖਾਦਿਮ ਨੂੰ ‘‘ਜਾਦੂ ਪੱਤਾ’’ ਲਈ ਬਾਲ ਸਾਹਿਤ ਪੁਰਸਕਾਰ ਦਿਤਾ ਜਾਵੇਗਾ। ਅੰਗਰੇਜ਼ੀ ਲੇਖਕ ਅਦਵੈਤ ਕੋਟਰੀ ਅਤੇ ਹਿੰਦੀ ਲੇਖਕ ਪਾਰਵਤੀ ਤਿਰਕੀ ਨੂੰ ਇਹ ਪੁਰਸਕਾਰ ਮਿਲਿਆ।
ਕੋਟਰੀ ਨੂੰ ਉਸ ਦੇ ਨਾਵਲ ‘ਸਿਧਾਰਥ: ਦਿ ਬੁਆਏ ਹੂ ਦਿ ਬੁੱਧ’ ਲਈ ਜੇਤੂ ਐਲਾਨਿਆ ਗਿਆ ਹੈ, ਜਦਕਿ ਟਿਰਕੀ ਨੂੰ ਉਸ ਦੀ ਕਵਿਤਾ ਦੀ ਕਿਤਾਬ ‘ਫਿਰ ਉਗਨਾ’ ਲਈ ਨਾਮਜ਼ਦ ਕੀਤਾ ਗਿਆ ਹੈ। ਨੈਸ਼ਨਲ ਅਕੈਡਮੀ ਆਫ ਲੈਟਰਜ਼ ਨੇ ਅਪਣੇ ਬਾਲ ਸਾਹਿਤ ਪੁਰਸਕਾਰ ਲਈ 24 ਲੇਖਕਾਂ ਦੇ ਨਾਵਾਂ ਦਾ ਵੀ ਐਲਾਨ ਕੀਤਾ। ਜੇਤੂਆਂ ਨੂੰ ਬਾਅਦ ਵਿਚ ਇਕ ਵਿਸ਼ੇਸ਼ ਸਮਾਰੋਹ ਵਿਚ ਤਾਂਬੇ ਦਾ ਇਕ ਯਾਦਗਾਰੀ ਚਿੰਨ੍ਹ ਜਾਵੇਗਾ ਅਤੇ 50,000 ਰੁਪਏ ਦਾ ਇਨਾਮ ਹੋਵੇਗਾ।
(For more news apart from 'Pali Khadim Mandeep Aulakh Sahitya Akademi News', stay tuned to Rozana Spokesman)
