ਫ਼ਿਲਮ ਦੀ ਪ੍ਰਸ਼ੰਸ਼ਕਾ ਵੱਲੋਂ ਮਿਲ ਰਹੀ ਹੈ ਵਧੀਆ ਪ੍ਰਤੀਕਿਰਿਆ
ਨਵੀਂ ਦਿੱਲੀ : ਅਕਸ਼ੇ ਕੁਮਾਰ, ਦਲਜੀਤ ਦੋਸਾਂਝ, ਕਰੀਨਾ ਕਪੂਰ ਅਤੇ ਕਿਆਰਾ ਅਡਵਾਣੀ ਦੀ ਫਿਲਮ 'ਗੁੱਡ ਨਿਊਜ਼' ਨੇ ਸਿਨੇਮਾ ਘਰਾਂ ਵਿਚ ਆਪਣੀ ਧਮਾਲ ਜਾਰੀ ਰੱਖੀ ਹੋਈ ਹੈ। ਦੂਜੇ ਹਫ਼ਤੇ ਵਿਚ ਵੀ ਫਿਲਮ ਸ਼ਾਨਦਾਰ ਕਮਾਈ ਕਰ ਰਹੀ ਹੈ। ਮੀਡੀਆ ਰਿਪੋਰਟਾਂ ਅਨੁਸਾਰ ਦੂਜੇ ਹਫ਼ਤੇ ਦੇ ਸ਼ੁੱਕਰਵਾਰ ਨੂੰ 8.10 ਕਰੋੜ ਰੁਪਏ ਦੀ ਕਮਾਈ ਨਾਲ ਨਾਲ ਲਗਭਗ 136 ਕਰੋੜ ਰੁਪਇਆ ਕਮਾ ਲਿਆ ਹੈ।
File Photo
ਮੰਨਿਆ ਜਾ ਰਿਹਾ ਹੈ ਕਿ ਕੋਈ ਵੱਡੀ ਫ਼ਿਲਮ ਦਾ ਇਸ ਹਫ਼ਤੇ ਰਿਲੀਜ਼ ਨਾਂ ਹੋਣਾ ਗੁੱਡ ਨਿਊਜ਼ ਦੀ ਕਮਾਈ ਵਿਚ ਵਾਧਾ ਕਰ ਰਿਹਾ ਹੈ। ਰਾਜ ਮਹਿਤਾ ਨਿਰਦੇਸ਼ਤ ਗੁੱਡ ਨਿਊਜ਼ ਆਈਵੀਐਫ ਤਕਨੀਕ ਤੇ ਅਧਾਰਿਤ ਹੈ। ਇਸ ਫਿਲਮ ਵਿਚ ਕਾਮੇਡੀ ਅਤੇ ਇਮੋਸ਼ਨ ਦਾ ਮਿਕਸਚਰ ਕੀਤਾ ਹੋਇਆ ਹੈ। ਖੁਦ ਅਕਸ਼ੇ ਕੁਮਾਰ ਨੇ ਵੀ ਇਕ ਇੰਟਰਵੀਊ ਦੌਰਾਨ ਕਿਹਾ ਸੀ ਕਿ ਇਹ ਫ਼ਿਲਮ ਉਨ੍ਹਾਂ ਦੇ ਕਰੀਅਰ ਦੀ ਸੱਭ ਤੋਂ ਵਧੀਆਂ ਫ਼ਿਲਮਾਂ ਵਿਚੋਂ ਇਕ ਹੈ।
File Photo
ਅਕਸ਼ੇ ਕਮਾਰ ਨੇ ਕਿਹਾ ਸੀ ਕਿ ਮੈ ਇਹ ਫ਼ਿਲਮ ਵੇਖੀ ਹੈ। ਇਸ ਫਿਲਮ ਹੈ ਆਖਰੀ 22 ਮਿੰਟ ਬਹੁਤ ਭਾਵੂਕ ਹਨ। ਆਪਣੇ ਕਰਿਅਰ ਵਿਚ ਮੈ ਲਗਭਗ 140 ਫ਼ਿਲਮਾਂ ਕੀਤੀਆ ਹਨ ਹਾਲਾਕਿ ਇਹ ਮੇਰੀ ਸੱਭ ਤੋਂ ਵਧੀਆ ਫ਼ਿਲਮ ਹੈ।
File Photo
ਦੱਸ ਦਈਏ ਕਿ ਇਸ ਫ਼ਿਲਮ ਦੇ ਟਰੇਲਰ ਨੂੰ ਵੀ ਲੋਕਾਂ ਵੱਲੋਂ ਕਾਫ਼ੀ ਪਸੰਦ ਕੀਤਾ ਗਿਆ ਸੀ। ਗੁੱਡ ਨਿਊਜ਼ ਦਾ ਟਰੇਲਰ ਆਉਣ ਤੋਂ ਬਾਅਦ ਇਸ ਨੂੰ ਕੁੱਝ ਘੰਟਿਆ ਵਿਚ ਹੀ ਲੱਖਾ ਲੋਕਾਂ ਨੇ ਵੇਖਿਆ ਸੀ। ਉਦੋਂ ਤੋਂ ਹੀ ਫਿਲਮ ਦੇ ਹਿੱਟ ਹੋਣ ਦੀ ਸੰਭਾਵਨਾ ਜਤਾਈ ਜਾ ਰਹੀ ਸੀ। ਖੈਰ ਫਿਲਮ ਦੀ ਪ੍ਰਸ਼ੰਸਕਾ ਵੱਲੋਂ ਵਧੀਆ ਪ੍ਰਤੀਕਿਰਿਆ ਮਿਲਣਾ ਫਿਲਮ ਨਿਰਦੇਸ਼ਕਾਂ ਲਈ ਵੀ ਇਹ ਵੱਡੀ ਕਾਮਯਾਬੀ ਮੰਨੀ ਜਾ ਰਹੀ ਹੈ।
