ਆਏ ਦਿਨ ਪੰਜਾਬ ਵਿਚ ਵੀ ਦੁਨੀਆਂ ‘ਚ ਦਹਿਸ਼ਤ ਫੈਲਾਉਣ ਵਾਲੇ ਖਤਰਨਾਕ ਕਰੋਨਾ ਵਾਇਰਸ ਦੇ ਮਾਮਲੇ ਦਿਨੋਂ-ਦਿਨ ਵਧਦੇ ਜਾ ਰਹੇ ਹਨ
ਅੰਮ੍ਰਿਤਸਰ : ਆਏ ਦਿਨ ਪੰਜਾਬ ਵਿਚ ਵੀ ਦੁਨੀਆਂ ‘ਚ ਦਹਿਸ਼ਤ ਫੈਲਾਉਣ ਵਾਲੇ ਖਤਰਨਾਕ ਕਰੋਨਾ ਵਾਇਰਸ ਦੇ ਮਾਮਲੇ ਦਿਨੋਂ-ਦਿਨ ਵਧਦੇ ਜਾ ਰਹੇ ਹਨ। ਜਿਸ ਤੋਂ ਬਾਅਦ ਇਕ ਹੋਰ ਤਾਜ਼ਾ ਮਾਮਲਾ ਗੁਰੂ ਨਗਰੀ ਅਮ੍ਰਿੰਤਸਰ ਵਿਚ ਦੇਖਣ ਨੂੰ ਮਿਲਿਆ ਹੈ। ਜਿੱਥੇ ਕੈਨੇਡਾ ਤੋਂ ਆਈ ਇਕ ਲਕੜੀ ਨੂੰ ਸਿਹਤ ਵਿਭਾਗ ਨੇ ਗੁਰੂ ਨਾਨਕ ਦੇਵ ਹਸਪਤਾਲ ਵਿਚ ਬਣਾਏ ਗਏ ਆਈਸੋਲੇਸ਼ਨ ਵਾਰਡ ਵਿਚ ਭਰਤੀ ਕੀਤਾ ਗਿਆ।
ਦੱਸ ਦੱਈਏ ਕਿ ਇਹ ਲੜਕੀ ਐਤਵਾਰ ਨੂੰ ਸਵੇਰੇ ਕੈਨੇਡਾ ਤੋਂ ਦਿੱਲੀ ਏਅਰ ਪੋਰਟ ਤੇ ਪਹੁੰਚੀ ਸੀ। ਜਿਸ ਤੋਂ ਬਾਅਦ ਲੜਕੀ ਜਦੋਂ ਏਅਰਪੋਰਟ ‘ਤੇ ਪਹੁੰਚੀ ਤਾਂ ਜਿਵੇਂ ਹੀ ਉਸ ਨੇ ਸਿਹਤ ਵਿਭਾਗ ਦੀ ਟੀਮ ਨੂੰ ਦੇਖਿਆ ਤਾਂ ਉਹ ਘਬਰਾ ਗਈ ਤੇ ਉਨ੍ਹਾਂ ਨੂੰ ਬਿਨਾਂ ਚੈੱਕਐੱਪ ਕਰਵਾਇਆ ਹੀ ਉੱਥੋਂ ਚਕਮਾ ਦੇ ਕੇ ਨਿਕਲ ਆਈ ਪਰ ਜਦੋਂ ਉਹ ਆਪਣੇ ਮਾਤਾ ਪਿਤਾ ਕੋਲ ਪਹੁੰਚੀ ਤਾਂ ਉਨ੍ਹਾਂ ਨੇ ਲੜਕੀ ਨੂੰ ਉਸੇ ਸਮੇਂ ਚੈੱਕਐੱਪ ਕਰਵਾਉਣ ਲਈ ਦੁਬਾਰਾ ਭੇਜ ਦਿੱਤਾ।
ਜਦੋਂ ਲੜਕੀ ਨੇ ਚੈੱਕਐੱਪ ਕਰਵਾਇਆ ਤਾਂ ਉਸ ਵਿਚ ਖਾਂਸੀ-ਜੁਕਾਮ ਦੇ ਲੱਛਣ ਪਾਏ ਗਏ । ਉਸ ਤੋਂ ਬਾਅਦ ਸਿਹਤ ਵਿਭਾਗ ਦੇ ਨੋਡਲ ਅਧਿਕਾਰੀ ਡਾ.ਅਮਰਜੀਤ ਸਿੰਘ ਵੱਲੋਂ ਲੜਕੀ ਦੇ ਚੈੱਕਐੱਪ ਦੌਰਾਨ ਉਸ ਵਿਚ ਖਾਂਸੀ-ਜੁਕਾਮ ਦੇ ਲੱਛਣ ਪਾਏ ਗਏ ਜਿਸ ਕਾਰਨ ਉਸਨੂੰ ਅਮ੍ਰਿੰਤਸਰ ਦੇ ਹਸਪਤਾਲ ਦੇ ਆਈਸੋਲੇਸ਼ਨ ਵਾਰਡ ਵਿਚ ਭਰਤੀ ਕਰ ਲਿਆ ਹੈ। ਜਿੱਥੇ ਡਾਕਟਰਾਂ ਵੱਲੋਂ ਉਸ ਦੀ ਜਾਂਚ ਕੀਤੀ ਜਾ ਰਹੀ ਹੈ।
ਡਾਕਟਰਾਂ ਦਾ ਕਹਿਣਾ ਹੈ ਕਿ ਲੜਕੀ ਦੇ ਸੈਂਪਲ ਲੈ ਲਏ ਗਏ ਹਨ। ਜਿੰਨ੍ਹਾਂ ਨੂੰ ਜਾਂਚ ਦੇ ਲਈ ਮੈਡੀਕਲ ਲੈਬ੍ਰੋਟਰੀ ਦੇ ਵਿਚ ਭੇਜ ਦਿੱਤਾ ਹੈ। ਦੱਸ ਦੱਈਏ ਕਿ ਪੰਜਾਬ ਵਿਚ ਆਏ ਦਿਨ ਕਰੋਨਾ ਵਾਇਰਸ ਦੇ ਮਰੀਜ਼ ਸਾਹਮਣੇ ਆ ਰਹੇ ਹਨ ਜਿਸਨੂੰ ਦੇਖਦਿਆਂ ਹੋਇਆ ਪੰਜਾਬ ਸਰਕਾਰ 31 ਮਾਰਚ ਤੱਕ ਸੂਬੇ ਵਿਚ ਲੌਕਡਾਊਨ ਕਰਨ ਦਾ ਫੈਸਲਾ ਲਿਆ ਹੈ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।