ਕੰਪਨੀਆਂ ਲਈ ਈਐਸਆਈ ਯੋਗਦਾਨ ਦੀ ਜ਼ਰੂਰੀ ਸੀਮਾ ਵਧਾ ਦਿੱਤੀ ਗਈ ਹੈ।
ਨਵੀਂ ਦਿੱਲੀ: ਕੰਪਨੀਆਂ ਲਈ ਈਐਸਆਈ ਯੋਗਦਾਨ ਦੀ ਜ਼ਰੂਰੀ ਸੀਮਾ ਵਧਾ ਦਿੱਤੀ ਗਈ ਹੈ। ਲੌਕਡਾਊਨ ਕਾਰਨ ਆਰਥਿਕ ਦਬਾਅ ਸਹਿ ਰਹੀਆਂ ਕੰਪਨੀਆਂ ਨੂੰ ਰਾਹਤ ਦੇਣ ਲਈ ਸਰਕਾਰ ਨੇ ਇਹ ਵੱਡਾ ਫੈਸਲਾ ਲਿਆ ਹੈ। ਮਾਲਕਾਂ ਨੂੰ ਹੋ ਰਹੀ ਪਰੇਸ਼ਾਨੀ 'ਤੇ ਵਿਚਾਰ ਕਰਦੇ ਹੋਏ ਈਐਸਆਈਸੀ ਨੇ ਫਰਵਰੀ ਅਤੇ ਮਾਰਚ ਦਾ ਈਐਸਆਈ ਯੋਗਦਾਨ ਫਾਈਲ ਕਰਨ ਦੀ ਸਮਾਂ ਸੀਮਾ ਨੂੰ 15 ਮਈ 2020 ਤੱਕ ਵਧਾ ਦਿੱਤਾ ਹੈ।
Photo
ਹੁਣ ਉਹ ਅਪਣੀ ਕਿਸ਼ਤ 15 ਮਈ ਤੱਕ ਜਮਾਂ ਕਰਵਾ ਸਕਦੇ ਹਨ। ਪਹਿਲਾਂ ਜਮਾਂ ਕਰਵਾਉਣ ਦੀ ਮਿਆਦ 15 ਅਪ੍ਰੈਲ ਤੱਕ ਸੀ। ਇਸ ਦੌਰਾਨ ਮਾਲਕ 'ਤੇ ਕਿਸੇ ਵੀ ਤਰ੍ਹਾਂ ਦਾ ਜ਼ੁਰਮਾਨਾ ਨਹੀਂ ਲੱਗੇਗਾ। ਦੱਸ ਦਈਏ ਕਿ ਈਐਸਆਈਸੀ ਵਿਚ ਕਰਮਚਾਰੀ ਅਤੇ ਮਾਲਕ ਦੋਵਾਂ ਦਾ ਯੋਗਦਾਨ ਹੁੰਦਾ ਹੈ। ਮੌਜੂਦਾ ਸਮੇਂ ਵਿਚ ਕਰਮਚਾਰੀ ਦੀ ਸੈਲਰੀ ਵਿਚੋਂ 0.75 ਫੀਸਦੀ ਯੋਗਦਾਨ ਈਐਸਆਈਸੀ ਵਿਚ ਹੁੰਦਾ ਹੈ ਅਤੇ ਮਾਲਕ ਵੱਲੋਂ 3.25 ਫੀਸਦੀ ਦਾ ਯੋਗਦਾਨ ਹੁੰਦਾ ਹੈ।
Photo
ਅਜਿਹੇ ਕਰਮਚਾਰੀਆਂ, ਜਿਨ੍ਹਾਂ ਦੀ ਪ੍ਰਤੀ ਦਿਨ ਔਸਤ ਤਨਖਾਹ 137 ਰੁਪਏ ਹੈ, ਉਹਨਾਂ ਨੂੰ ਇਸ ਵਿਚ ਅਪਣਾ ਯੋਗਦਾਨ ਨਹੀਂ ਦੇਣਾ ਹੁੰਦਾ। ਕੇਂਦਰੀ ਲੇਬਰ ਮੰਤਰਾਲੇ ਨੇ ਘੱਟ ਆਮਦਨ ਵਾਲੇ ਕਾਮਿਆਂ ਦੇ ਸਿਹਤ ਲਾਭ ਲਈ ਇਕ ਬੀਮਾ ਯੋਜਨਾ ਉਪਲਬਧ ਕਰਵਾਈ ਹੈ। ਕਰਮਚਾਰੀ ਸਟੇਟ ਬੀਮਾ (ਈਐਸਆਈ) ਸਕੀਮ ਦਾ ਲਾਭ ਨਿੱਜੀ ਕੰਪਨੀਆਂ, ਫੈਕਟਰੀਆਂ ਅਤੇ ਫੈਕਟਰੀਆਂ ਵਿਚ ਕਮ ਕਰਦੇ ਕਰਮਚਾਰੀਆਂ ਨੂੰ ਮਿਲਦਾ ਹੈ।
Photo
ਈਐਸਆਈ ਦਾ ਲਾਭ ਉਹਨਾਂ ਕਰਮਚਾਰੀਆਂ ਨੂੰ ਉਪਲਬਧ ਹੈ, ਜਿਨ੍ਹਾਂ ਦੀ ਮਹੀਨਾਵਾਰ ਆਮਦਨ 21 ਹਜ਼ਾਰ ਰੁਪਏ ਜਾਂ ਇਸ ਤੋਂ ਘੱਟ ਹੈ, ਹਾਲਾਂਕਿ ਅਪਾਹਜਾਂ ਦੇ ਮਾਮਲੇ ਵਿਚ ਆਮਦਨ ਦੀ ਸੀਮਾ 25000 ਰੁਪਏ ਹੈ। ਇਸ ਯੋਜਨਾ ਦੇ ਤਹਿਤ ਮੁਫਤ ਇਲਾਜ ਦਾ ਲਾਭ ਦੇਣ ਲਈ ਦੇਸ਼ ਭਰ ਵਿਚ ਈਐਸਆਈਸੀ ਦੇ 151 ਹਸਪਤਾਲ ਹਨ।
Photo
ਇਹਨਾਂ ਹਸਪਤਾਲਾਂ ਵਿਚ ਆਮ ਤੋਂ ਲੈ ਕੇ ਗੰਭੀਰ ਬਿਮਾਰੀਆਂ ਦੇ ਇਲਾਜ ਦੀ ਸਹੂਲਤ ਹੁੰਦੀ ਹੈ। ਪਹਿਲਾਂ ਈਐਸਆਈਸੀ ਹਸਪਤਾਲ ਵਿਚ ਈਐਸਆਈਸੀ ਕਵਰੇਜ ਵਿਚ ਸ਼ਾਮਲ ਲੋਕਾਂ ਨੂੰ ਹੀ ਇਲਾਜ ਦੀ ਸਹੂਲਤ ਮਿਲਦੀ ਸੀ, ਹੁਣ ਸਰਕਾਰ ਨੇ ਇਸ ਨੂੰ ਆਮ ਲੋਕਾਂ ਲਈ ਵੀ ਖੋਲ ਦਿੱਤਾ ਹੈ।
Photo
ਇਸ ਸਕੀਮ ਦਾ ਸੰਚਾਨਲ ਕਰਨ ਦੀ ਜ਼ਿੰਮੇਵਾਰੀ ਰਾਜ ਬੀਮਾ ਨਿਗਮ ਦੀ ਹੈ। ਇਸ ਦੇ ਘੇਰੇ ਵਿਚ 10 ਜਾਂ ਇਸ ਤੋਂ ਜ਼ਿਆਦਾ ਕਰਮਚਾਰੀ ਵਾਲੀਆਂ ਸੰਸਥਾਵਾਂ ਆਉਂਦੀਆਂ ਹਨ। ਹਾਲਾਂਕਿ ਮਹਾਰਾਸ਼ਟਰ ਅਤੇ ਚੰਡੀਗੜ੍ਹ ਵਿਚ 20 ਜਾਂ ਇਸ ਤੋਂ ਜ਼ਿਆਦਾ ਕਰਮਚਾਰੀ ਵਾਲੇ ਅਦਾਰੇ ਇਸ ਯੋਜਨਾ ਦੇ ਘੇਰੇ ਵਿਚ ਆਉਂਦੇ ਹਨ।
