ਹੁਣ EPFO ​​ਮੈਂਬਰ ਆਪਣੇ ਨਾਮ, ਜਨਮ ਮਿਤੀ, ਪਤਾ ਵਰਗੀ ਮਹੱਤਵਪੂਰਨ ਜਾਣਕਾਰੀ 'ਚ ਆਨਲਾਈਨ ਸੁਧਾਰ ਜਾਂ ਬਦਲਾਅ ਕਰ ਸਕਦੇ ਹਨ

ਹੁਣ EPFO ​​ਮੈਂਬਰ ਆਪਣੇ ਨਾਮ, ਜਨਮ ਮਿਤੀ, ਪਤਾ ਵਰਗੀ ਮਹੱਤਵਪੂਰਨ ਜਾਣਕਾਰੀ 'ਚ ਆਨਲਾਈਨ ਸੁਧਾਰ ਜਾਂ ਬਦਲਾਅ ਕਰ ਸਕਦੇ ਹਨ। EPFO ਨੇ ਆਪਣੀ ਵੈੱਬਸਾਈਟ 'ਤੇ ਇਕ ਨਵਾਂ ਸਾਫਟਵੇਅਰ ਫੰਕਸ਼ਨ ਲਾਂਚ ਕੀਤਾ ਹੈ, ਜਿਸ ਦੀ ਮਦਦ ਨਾਲ ਮੈਂਬਰ ਆਪਣੀ ਪ੍ਰੋਫਾਈਲ 'ਚ ਸੁਧਾਰ ਜਾਂ ਬਦਲਾਅ ਕਰ ਸਕਦੇ ਹਨ। ਈਪੀਐਫਓ ਦੇ ਅਨੁਸਾਰ, ਇਸ ਨਵੀਂ ਪ੍ਰਣਾਲੀ ਦੇ ਜ਼ਰੀਏ ਮੈਂਬਰ ਨਾਮ, ਲਿੰਗ, ਜਨਮ ਮਿਤੀ, ਮਾਤਾ-ਪਿਤਾ ਦਾ ਨਾਮ, ਵਿਆਹੁਤਾ ਸਥਿਤੀ, ਰਾਸ਼ਟਰੀਅਤਾ ਅਤੇ ਆਧਾਰ ਨੰਬਰ ਵਿੱਚ ਬਦਲਾਅ ਜਾਂ ਸੁਧਾਰ ਕਰ ਸਕਦੇ ਹਨ।

ਇਸ ਤਰ੍ਹਾਂ ਸੁਧਾਰ ਕਰੋ

ਸਭ ਤੋਂ ਪਹਿਲਾਂ EPFO ​​ਦੀ ਵੈੱਬਸਾਈਟ epfindia.gov.in 'ਤੇ ਜਾਓ।

"ਸਰਵਿਸ" ਸੈਕਸ਼ਨ ਵਿੱਚ "ਕਰਮਚਾਰੀਆਂ ਲਈ" ਟੈਬ 'ਤੇ ਕਲਿੱਕ ਕਰੋ।

ਫਿਰ "ਮੈਂਬਰ UAN/ਆਨਲਾਈਨ ਸੇਵਾ" 'ਤੇ ਕਲਿੱਕ ਕਰੋ।

ਇੱਕ ਨਵਾਂ ਪੇਜ ਖੁੱਲ੍ਹੇਗਾ, ਜਿੱਥੇ ਤੁਹਾਨੂੰ ਆਪਣਾ “UAN”, “ਪਾਸਵਰਡ” ਅਤੇ “ਕੈਪਚਾ” ਦਰਜ ਕਰਕੇ ਲੌਗਇਨ ਕਰਨਾ ਹੋਵੇਗਾ।

ਤੁਹਾਡਾ EPF ਖਾਤਾ ਪੰਨਾ ਖੁੱਲ੍ਹ ਜਾਵੇਗਾ।

ਉੱਪਰਲੇ ਖੱਬੇ ਪੈਨਲ ਵਿੱਚ "ਮੈਨੇਜ" ਟੈਬ 'ਤੇ ਕਲਿੱਕ ਕਰੋ ਅਤੇ ਫਿਰ "ਸੰਯੁਕਤ ਘੋਸ਼ਣਾ" 'ਤੇ ਕਲਿੱਕ ਕਰੋ।

ਜਿਸ "ਮੈਂਬਰ ਆਈਡੀ" ਚ ਤੁਸੀਂ ਬਦਲਾਅ ਕਰਨਾ ਚਾਹੁੰਦੇ ਹੋ ,ਉਸਨੂੰ ਚੁਣੋ। 

ਇੱਥੇ ਤੁਹਾਨੂੰ ਆਪਣੇ ਬਦਲਾਅ ਦੇ ਨਾਲ ਜ਼ਰੂਰੀ ਦਸਤਾਵੇਜ਼ ਅਟੈਚ ਕਰਨੇ ਹੋਣਗੇ।

ਆਪਣੀ ਬੇਨਤੀ ਦਰਜ ਕਰੋ।

ਰੁਜ਼ਗਾਰਦਾਤਾਵਾਂ ਲਈ ਕਦਮ:

ਰੁਜ਼ਗਾਰਦਾਤਾ ਨੂੰ ਆਪਣਾ "ਇੰਪਲਾਇਰ ਆਈਡੀ" ਦਰਜ ਕਰਕੇ ਲੌਗਇਨ ਕਰਨਾ ਪੈਂਦਾ ਹੈ।

"ਮੈਂਬਰ" ਟੈਬ 'ਤੇ ਜਾਓ।

"ਸੰਯੁਕਤ ਘੋਸ਼ਣਾ" ਤਬਦੀਲੀ ਦੀ ਬੇਨਤੀ ਦਾ ਵਿਕਲਪ ਚੁਣੋ।

ਰੁਜ਼ਗਾਰਦਾਤਾ ਆਪਣੇ ਰਿਕਾਰਡਾਂ ਦੀ ਜਾਂਚ ਕਰਨਗੇ ਅਤੇ ਬੇਨਤੀ ਨੂੰ ਮਨਜ਼ੂਰ ਜਾਂ ਅਸਵੀਕਾਰ ਕਰਨਗੇ।

ਇੱਕ ਵਾਰ ਰੁਜ਼ਗਾਰਦਾਤਾ ਬੇਨਤੀ ਨੂੰ ਮਨਜ਼ੂਰ ਕਰ ਲੈਂਦਾ ਹੈ, ਇਸ ਨੂੰ EPFO ​​ਨੂੰ ਭੇਜਿਆ ਜਾਵੇਗਾ।

ਇਹ ਮਹੱਤਵਪੂਰਨ ਕਿਉਂ ਹੈ?

EPFO ਰਿਕਾਰਡ ਵਿੱਚ ਸਹੀ ਜਾਣਕਾਰੀ ਹੋਣਾ ਜ਼ਰੂਰੀ ਹੈ ਤਾਂ ਜੋ ਮੈਂਬਰ ਆਪਣੀ ਪੀ.ਐੱਫ ਦੀ ਰਕਮ ਸਮੇਂ ਸਿਰ ਅਤੇ ਬਿਨਾਂ ਕਿਸੇ ਪਰੇਸ਼ਾਨੀ ਦੇ ਪ੍ਰਾਪਤ ਕਰ ਸਕਣ। ਇਹ ਭਵਿੱਖ ਵਿੱਚ ਕਿਸੇ ਵੀ ਗਲਤ ਭੁਗਤਾਨ ਜਾਂ ਧੋਖਾਧੜੀ ਨੂੰ ਰੋਕਣ ਵਿੱਚ ਮਦਦ ਕਰੇਗਾ।

ਇਹ ਨਵੀਂ ਪ੍ਰਣਾਲੀ EPFO ​​ਦੇ ਮੈਂਬਰਾਂ ਲਈ ਕਾਫੀ ਕਾਰਗਰ ਸਾਬਤ ਹੋ ਰਹੀ ਹੈ। ਹੁਣ ਤੱਕ, EPFO ​​ਦੇ ਖੇਤਰੀ ਦਫਤਰਾਂ ਦੁਆਰਾ ਲਗਭਗ 40,000 ਬੇਨਤੀਆਂ ਨੂੰ ਮਨਜ਼ੂਰੀ ਦਿੱਤੀ ਜਾ ਚੁੱਕੀ ਹੈ ਅਤੇ 2.75 ਲੱਖ ਤੋਂ ਵੱਧ ਬੇਨਤੀਆਂ ਮਾਲਕਾਂ ਕੋਲ ਪੈਂਡਿੰਗ ਹਨ। ਹੁਣ ਮੈਂਬਰ ਬਿਨਾਂ ਕਿਸੇ ਪਰੇਸ਼ਾਨੀ ਦੇ ਆਪਣਾ ਪੀਐੱਫ ਡਾਟਾ ਆਨਲਾਈਨ ਅਪਡੇਟ ਕਰ ਸਕਦੇ ਹਨ। ਇਹ ਇੱਕ ਵੱਡਾ ਸੁਧਾਰ ਹੈ ਜੋ EPFO ​​ਦੇ ਮੈਂਬਰਾਂ ਲਈ ਬਹੁਤ ਫਾਇਦੇਮੰਦ ਹੈ।