ਅਕਤੂਬਰ ਵਿਚ ਬੇਰੁਜ਼ਗਾਰੀ ਦੀ ਦਰ ਵਧ ਕੇ 8.5 ਫ਼ੀਸਦੀ ਹੋ ਗਈ ਜੋ ਕਿ ਅਗਸਤ 2016 ਤੋਂ ਬਾਅਦ ਸਭ ਤੋਂ ਜ਼ਿਆਦਾ ਹੈ।
ਨਵੀਂ ਦਿੱਲੀ: ਇਸ ਵਿੱਤੀ ਸਾਲ ਦੀ ਸ਼ੁਰੂਆਤ ਤੋਂ ਹੀ ਆਰਥਿਕ ਸੁਸਤੀ ਦੇਖਣ ਨੂੰ ਮਿਲ ਰਹੀ ਹੈ। ਇਸ ਦੇ ਚਲਦੇ ਉਦਯੋਗਿਕ ਉਤਪਾਦਨ ਅਤੇ ਰੁਜ਼ਗਾਰ ਤੋਂ ਲੈ ਕੇ ਮੈਨਿਊਫੈਕਚਰਿੰਗ ਸੈਕਟਰ ਤੇ ਬੁਰਾ ਅਸਰ ਪਿਆ ਹੈ। ਕਈ ਮਹੀਨਿਆਂ ਤਕ ਆਟੋਮੋਬਾਇਲ ਸੈਕਟਰ ਵੀ ਸੁਸਤੀ ਦਾ ਸਾਹਮਣਾ ਕਰਦਾ ਰਿਹਾ ਹੈ। ਹਾਲਾਂਕਿ ਤਿਉਹਾਰਾਂ ਕਾਰਨ ਇਸ ਵਿਚ ਸੁਧਾਰ ਦੇਖਿਆ ਗਿਆ ਹੈ।
Economic Survey 2019
ਸੈਂਟਰ ਫਾਰ ਮਾਨਟਰਿੰਗ ਇੰਡੀਅਨ ਇਕਨਾਮੀ ਨੇ ਸ਼ੁੱਕਰਵਾਰ ਨੂੰ ਡੇਟਾ ਜਾਰੀ ਕੀਤਾ ਜਿਸ ਵਿਚ ਸਾਫ ਦੇਖਿਆ ਜਾ ਸਕਦਾ ਹੈ ਕਿ ਸਲੋਡਾਉਨ ਦੀ ਵਜ੍ਹਾ ਨਾਲ ਅਰਥਵਿਵਸਥਾ ਤੇ ਬਹੁਤ ਬੁਰਾ ਅਸਰ ਪਿਆ ਹੈ। ਅਕਤੂਬਰ ਵਿਚ ਬੇਰੁਜ਼ਗਾਰੀ ਦੀ ਦਰ ਵਧ ਕੇ 8.5 ਫ਼ੀਸਦੀ ਹੋ ਗਈ ਜੋ ਕਿ ਅਗਸਤ 2016 ਤੋਂ ਬਾਅਦ ਸਭ ਤੋਂ ਜ਼ਿਆਦਾ ਹੈ। ਇਹ ਸਤੰਬਰ ਦੇ ਮੁਕਾਬਲੇ ਵੀ 7.2 ਫ਼ੀਸਦੀ ਜ਼ਿਆਦਾ ਹੈ। ਸੀਐਮਆਈਈ ਦੇ ਅੰਕੜਿਆਂ ਮੁਤਾਬਕ ਇਹ ਸਲੋਡਾਉਨ ਦਾ ਅਸਰ ਹੈ।
Economic
ਇਸ ਤੋਂ ਇਲਾਵਾ ਅਜੀਮ ਪ੍ਰੇਮਜੀ ਯੂਨੀਵਰਸਿਟੀ ਪਾਸੋਂ ਇਕ ਰਿਪੋਰਟ ਪ੍ਰਕਾਸ਼ਿਤ ਕੀਤੀ ਗਈ ਹੈ ਜਿਸ ਮੁਤਾਬਕ ਪਿਛਲੇ 6 ਸਾਲਾਂ ਵਿਚ ਕਰੀਬ 90 ਲੱਖ ਰੁਜ਼ਗਾਰ ਦੇ ਮੌਕਿਆਂ ਵਿਚ ਕਮੀ ਆਈ ਹੈ। ਇਸ ਰਿਪੋਰਟ ਨੂੰ ਸੰਤੋਸ਼ ਮੇਹਰੋਤਰਾ ਅਤੇ ਜਗਤੀ ਦੇ ਪਰੀਦਾ ਨੇ ਮਿਲ ਕੇ ਤਿਆਰ ਕੀਤਾ ਹੈ ਅਤੇ ਇਸ ਨੂੰ ਅਜੀਮ ਪ੍ਰੇਮਜੀ ਯੂਨੀਵਰਸਿਟੀ ਦੇ ਸੈਂਟਰ ਆਫ ਸਸਟੇਨੇਬੇਲ ਐਂਪਲਾਇਮੈਂਟ ਪਾਸੋਂ ਪ੍ਰਕਾਸ਼ਿਤ ਕੀਤਾ ਗਿਆ ਹੈ।
Money
ਅਕਤੂਬਰ ਵਿਚ ਮੈਨਿਊਫੈਕਚਰਿੰਗ ਆਉਟਪੁਟ ਪਿਛਲੇ ਦੋ ਸਾਲ ਵਿਚ ਸਭ ਤੋਂ ਸਲੋਹ ਰਿਹਾ। ਆਈਐਚਐਸ ਇੰਡੀਆ ਦੇ ਪੈਕੇਜਿੰਗ ਮੈਨੇਜਰਸ ਇੰਡੇਕਸ ਵਿਚ ਵੀ ਗਿਰਾਵਟ ਦੇਖੀ ਗਈ। ਇਹ ਸਤੰਬਰ ਵਿਚ 51.4 ਸੀ ਜੋ ਕਿ ਅਕਤੂਬਰ ਵਿਚ ਘਟ ਕੇ 50.6 ਹੋ ਗਈ। ਏਜੈਂਸੀ 400 ਪ੍ਰੋਡਿਊਸਰਸ ਨੂੰ ਸ਼ਾਮਲ ਕਰ ਕੇ ਸਰਵੇ ਕਰਵਾਉਂਦੀ ਹੈ ਜਿਸ ਵਿਚ ਨਵੇਂ ਆਰਡਰ, ਆਉਟਪੁਟ, ਜਾਬ, ਸਪਲਾਇਰ ਦੇ ਡਿਲਵਰੀ ਟਾਈਮ ਅਤੇ ਸਟਾਕ ਪਰਚੇਜ ਦੇ ਅੰਕੜੇ ਇਕੱਠੇ ਕੀਤੇ ਜਾਂਦੇ ਹਨ।
Industry
ਇਹ ਸੂਚਕਾਂਕ ਜੇ 50 ਤੋਂ ਉਪਰ ਹੁੰਦੇ ਤਾਂ ਵਾਧਾ ਮੰਨਿਆ ਜਾਂਦਾ। ਉੱਥੇ ਹੀ 50 ਦੇ ਹੇਠਾਂ ਆਉਣ ਨਾਲ ਬਾਜ਼ਾਰ ਵਿਚ ਸਲੋਡਾਉਨ ਦੀ ਸਥਿਤੀ ਮੰਨੀ ਜਾਂਦੀ ਹੈ। ਵੀਰਵਾਰ ਨੂੰ ਕੋਇਲਾ, ਕੱਚੇ ਤੇਲ, ਕੁਦਰਤੀ ਗੈਸ, ਰਿਫਾਈਨਰੀ ਪ੍ਰੋਡਕਟ, ਖਾਦ, ਸਟੀਲ, ਸੀਮੈਂਟ ਅਤੇ ਇਲੈਕਟ੍ਰਿਸਿਟੀ ਉਦਯੋਗ ਨੂੰ ਆਉਟਪੁਟ ਦਾ ਡੇਟਾ ਜਾਰੀ ਕੀਤਾ ਗਿਆ। ਇਸ ਦਾ ਪ੍ਰਦਰਸ਼ਨ ਪਿਛਲੇ 14 ਸਾਲਾਂ ਵਿਚ ਸਭ ਤੋਂ ਖਰਾਬ ਰਿਹਾ ਹੈ। ਇਸ ਵਿਚ 5.2 ਦੀ ਕਮੀ ਦਰਜ ਕੀਤੀ ਗਈ।
Job
ਇੰਡੇਕਸ ਆਫ ਇੰਡਸਟ੍ਰੀਅਲ ਪ੍ਰੋਡਕਸ਼ਨ ਮੁਤਾਬਕ ਮੁੱਖ ਉਦਯੋਗਾਂ ਦੇ ਪ੍ਰੋਡਕਸ਼ਨ ਵਿਚ ਭਾਰੀ ਗਿਰਾਵਟ ਦੇਖੀ ਗਈ। ਇਸ ਵਿਚ ਸ਼ਾਮਲ ਕੀਤੀਆਂ ਗਈਆਂ ਕੰਪਨੀਆਂ ਦਾ ਵੇਟੇਜ ਇਸ ਸੈਕਟਰ ਵਿਚ 40 ਫ਼ੀਸਦੀ ਹੈ। ਇਸ ਵਿਚ 1.1 ਫ਼ੀਸਦੀ ਗਿਰਾਵਟ ਸੱਤ ਸਾਲ ਵਿਚ ਸਭ ਤੋਂ ਜ਼ਿਆਦਾ ਹੈ।
ਨਵਾਂ ਡੇਟਾ 11 ਨਵੰਬਰ ਨੂੰ ਜਾਰੀ ਕੀਤਾ ਜਾਵੇਗਾ। ਅਕਤੂਬਰ ਵਿਚ ਜੀਐਸਟੀ ਕਲੈਕਸ਼ਨ ਡਿੱਗ ਕੇ 95,380 ਕਰੋੜ ਤੇ ਪਹੁੰਚ ਗਿਆ। ਪਿਛਲੇ ਸਾਲ ਇਸ ਮਹੀਨੇ ਵਿਚ ਜੀਐਸਟੀ ਸੰਗ੍ਰਹਿ 1,00,710 ਸੀ। ਸਰਕਾਰ ਨੇ ਇਹ ਡੇਟਾ ਸ਼ੁੱਕਰਵਾਰ ਨੂੰ ਜਾਰੀ ਕੀਤਾ ਹੈ। ਇਹ ਲਗਾਤਾਰ ਤੀਜਾ ਮਹੀਨਾ ਹੈ ਜਦੋਂ ਜੀਐਸਟੀ 1 ਲੱਖ ਕਰੋੜ ਤੋਂ ਘਟ ਹੈ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।
