ਆਉਣ ਵਾਲੇ ਸਮੇਂ ਵਿਚ ਏਟੀਐਮ ਤੋਂ ਟ੍ਰਾਂਜ਼ੈਕਸ਼ਨ ਮਹਿੰਗਾ ਹੋ ਸਕਦਾ ਹੈ। ਆਰਬੀਆਈ ਨੇ ਸਾਰੇ ਬੈਂਕਾਂ ਨੂੰ ਏਟੀਐਮ ਅਪਗ੍ਰੇਡੇਸ਼ਨ ਦਾ ਨਿਰਦੇਸ਼ ਦਿਤਾ ਹੈ, ਜਿਸ ਦੇ ਨਾਲ ਉਨ੍ਹਾ...
ਨਵੀਂ ਦਿੱਲੀ : ਆਉਣ ਵਾਲੇ ਸਮੇਂ ਵਿਚ ਏਟੀਐਮ ਤੋਂ ਟ੍ਰਾਂਜ਼ੈਕਸ਼ਨ ਮਹਿੰਗਾ ਹੋ ਸਕਦਾ ਹੈ। ਆਰਬੀਆਈ ਨੇ ਸਾਰੇ ਬੈਂਕਾਂ ਨੂੰ ਏਟੀਐਮ ਅਪਗ੍ਰੇਡੇਸ਼ਨ ਦਾ ਨਿਰਦੇਸ਼ ਦਿਤਾ ਹੈ, ਜਿਸ ਦੇ ਨਾਲ ਉਨ੍ਹਾਂ ਉਤੇ ਵਿਤੀ ਬੋਝ ਵਧੇਗਾ। ਬੈਂਕਾਂ ਨੇ ਇਸ ਨੂੰ ਗਾਹਕਾਂ ਉਤੇ ਪਾਉਣ ਲਈ ਆਰਬੀਆਈ ਤੋਂ ਮਨਜ਼ੂਰੀ ਮੰਗੀ ਹੈ। ਉਨ੍ਹਾਂ ਨੇ ਰਿਜ਼ਰਵ ਬੈਂਕ ਤੋਂ ਏਟੀਐਮ ਟ੍ਰਾਂਜ਼ੈਕਸ਼ਨ ਉਤੇ ਚਾਰਜ ਵਧਾਉਣ ਦੀ ਇਜਾਜ਼ਤ ਦੇਣ ਦੀ ਅਪੀਲ ਕੀਤੀ ਹੈ।
ATM Transaction
ਬੈਂਕਿੰਗ ਸੂਤਰਾਂ ਨੇ ਦਸਿਆ ਕਿ ਏਟੀਐਮ ਅਪਗ੍ਰੇਡੇਸ਼ਨ ਦੀ ਲਾਗਤ ਵਸੂਲਣ ਲਈ ਬੈਂਕ ਏਟੀਐਮ ਟ੍ਰਾਂਜ਼ੈਕਸ਼ਨ ਚਾਰਜ ਵਿਚ ਦੋ ਤਰ੍ਹਾਂ ਨਾਲ ਵਾਧਾ ਕਰ ਸਕਦੇ ਹਨ। ਉਹ ਮੁਫ਼ਤ ਟ੍ਰਾਂਜ਼ੈਕਸ਼ਨ ਖ਼ਤਮ ਹੋਣ 'ਤੇ ਲਈ ਜਾਣ ਵਾਲੇ 18 ਰੁਪਏ ਵਾਲੇ ਚਾਰਜ ਵਿਚ ਵਾਧਾ ਕਰ ਸਕਦੇ ਹਨ ਜਾਂ ਏਟੀਐਮ ਤੋਂ ਮੁਫ਼ਤ ਏਟੀਐਮ ਟ੍ਰਾਂਜ਼ੈਕਸ਼ਨਜ਼ ਦੀ ਗਿਣਤੀ ਘੱਟ ਕਰ ਸਕਦੇ ਹੋ। ਕਿਸੇ ਬੈਂਕ ਨੇ ਹੁਣ ਏਟੀਐਮ ਤੋਂ 3 ਅਤੇ ਕਿਸੇ ਬੈਂਕ ਨੇ 5 ਮੁਫ਼ਤ ਏਟੀਐਮ ਟ੍ਰਾਂਜ਼ੈਕਸ਼ਨ ਦੀ ਸਹੂਲਤ ਦੇ ਰੱਖੀ ਹੈ।
rbi
ਏਟੀਐਮ ਤੋਂ ਧੋਖਾਧੜੀ ਅਤੇ ਹੈਕਿੰਗ ਦੀ ਵਧਦੀ ਸ਼ਿਕਾਇਤਾਂ ਨੂੰ ਗੰਭੀਰਤਾ ਨਾਲ ਲੈਂਦੇ ਹੋਏ ਆਰਬੀਆਈ ਨੇ ਸਾਰੇ ਬੈਂਕਾਂ ਨੂੰ ਏਟੀਐਮ ਨੂੰ ਅਪਗ੍ਰੇਡ ਕਰਨ ਨੂੰ ਕਿਹਾ ਹੈ। ਇਸ ਦੀ ਡੈਡਲਾਈਨ 6 ਪੜਾਵਾਂ ਵਿਚ ਵੰਡੀ ਗਈ ਹੈ। ਪਹਿਲੀ ਡੈਡਲਾਈਨ ਅਗਸਤ 2018 ਹੈ। ਉਥੇ ਹੀ, ਆਖਰੀ ਪੜਾਅ ਜੂਨ 2019 ਨੂੰ ਖ਼ਤਮ ਹੋਵੇਗਾ। ਏਟੀਐਮ ਅਪਗ੍ਰੇਡੇਸ਼ਨ ਦੇ ਤਹਿਤ ਬੈਂਕਾਂ ਨੂੰ ਬੇਸਿਕ ਇਨਪੁਟ - ਆਉਟਪੁਟ ਸਿਸਟਮ ਯਾਨੀ ਬੀਆਈਓਐਸ ਨੂੰ ਅਪਗ੍ਰੇਡ ਕਰਨਾ ਹੋਵੇਗਾ। ਬੀਆਈਓਐਸ ਕੰਪਿਊਟਰ ਸਿਸਟਮ ਦਾ ਇਕ ਅਨਿੱਖੜਵਾਂ ਹਿੱਸਾ ਹੈ। ਇਸ ਦੀ ਵਰਤੋਂ ਪੀਸੀ ਨੂੰ ਬੂਟ ਕਰਨ ਦੇ ਦੌਰਾਨ ਹੁੰਦੀ ਹੈ।
ATM Transaction
ਪੀਸੀ ਦੇ ਆਨ ਹੋਣ 'ਤੇ ਸ਼ੁਰੂ ਹੋਣ ਵਾਲਾ ਇਹ ਪਹਿਲਾ ਸਾਫ਼ਟਵੇਅਰ ਹੈ। ਆਪਰੇਟਿੰਗ ਸਿਸਟਮ ਲੋਡ ਕਰਦੇ ਸਮੇਂ ਬੀਆਈਓਐਸ ਕੰਪਿਊਟਰ ਦੇ ਸਾਰੇ ਹਾਰਡਵੇਅਰ ਜਿਵੇਂ ਕਿ ਰੈਮ, ਪ੍ਰੋਸੈਸਰ, ਕੀਬੋਰਡ, ਮਾਊਸ, ਹਾਰਡ ਡਰਾਇਵ ਆਦਿ ਦੀ ਪਹਿਚਾਣ ਕਰਦਾ ਹੈ ਅਤੇ ਇਨ੍ਹਾਂ ਨੂੰ ਕਨਫਿਗਰ ਕਰਦਾ ਹੈ। ਇਸ ਤੋਂ ਬਾਅਦ ਹੀ ਕੰਪਿਊਟਰ ਮੈਮਰੀ ਵਿੱਚ ਆਪਰੇਟਿੰਗ ਸਿਸਟਮ ਲੋਡ ਹੁੰਦਾ ਹੈ। ਆਰਬੀਆਈ ਨੇ ਬੈਂਕਾਂ ਤੋਂ ਯੂਐਸਬੀ ਪੋਰਟ ਨੂੰ ਡਿਸਏਬਲ ਕਰਨ ਨੂੰ ਵੀ ਕਿਹਾ ਹੈ। ਏਟੀਐਮ ਦੇ ਆਪਰੇਟਿੰਗ ਸਿਸਟਮ ਦਾ ਲੇਟੈਸਟ ਵਰਜਨ ਅਪਲਾਈ ਕਰਨ ਦੇ ਨਾਲ - ਨਾਲ ਨਵੇਂ ਨੋਟਾਂ ਦੇ ਲਿਹਾਜ਼ ਨਾਲ ਕੈਸੇਟਸ ਨੂੰ ਰੀ - ਕਨਫਿਗਰ ਕਰਨਾ ਵੀ ਸ਼ਾਮਿਲ ਹੈ।
