ਖ਼ਬਰਾਂ   ਵਪਾਰ  06 Jan 2019  ਪਟਰੌਲ - ਡੀਜ਼ਲ ਦੀਆਂ ਕੀਮਤਾਂ 'ਚ ਮਿਲੀ ਰਾਹਤ, ਫਿਰ ਵੱਧ ਸਕਦੇ ਹਨ ਮੁੱਲ

ਪਟਰੌਲ - ਡੀਜ਼ਲ ਦੀਆਂ ਕੀਮਤਾਂ 'ਚ ਮਿਲੀ ਰਾਹਤ, ਫਿਰ ਵੱਧ ਸਕਦੇ ਹਨ ਮੁੱਲ

ਸਪੋਕਸਮੈਨ ਸਮਾਚਾਰ ਸੇਵਾ
Published Jan 6, 2019, 12:34 pm IST
Updated Jan 6, 2019, 12:34 pm IST
ਨਵੇਂ ਸਾਲ ਵਿਚ ਪਟਰੌਲ, ਡੀਜ਼ਲ ਦੀਆਂ ਕੀਮਤਾਂ ਵਿਚ ਰਾਹਤ ਜਾਰੀ ਹੈ। ਇਕ ਤੋਂ 6 ਜਨਵਰੀ ਤੱਕ ਜਿੱਥੇ ਚਾਰ ਦਿਨ ਕੀਮਤਾਂ ਵਿਚ ਕਟੌਤੀ ਕੀਤੀ ਗਈ, ਉਥੇ ਹੀ ਦੋ ਦਿਨ ...
Fuel prices
 Fuel prices

ਨਵੀਂ ਦਿੱਲੀ : ਨਵੇਂ ਸਾਲ ਵਿਚ ਪਟਰੌਲ, ਡੀਜ਼ਲ ਦੀਆਂ ਕੀਮਤਾਂ ਵਿਚ ਰਾਹਤ ਜਾਰੀ ਹੈ। ਇਕ ਤੋਂ 6 ਜਨਵਰੀ ਤੱਕ ਜਿੱਥੇ ਚਾਰ ਦਿਨ ਕੀਮਤਾਂ ਵਿਚ ਕਟੌਤੀ ਕੀਤੀ ਗਈ, ਉਥੇ ਹੀ ਦੋ ਦਿਨ ਪਟਰੌਲ - ਡੀਜ਼ਲ ਦੀਆਂ ਕੀਮਤਾਂ ਵਿਚ ਕੋਈ ਬਦਲਾਅ ਨਹੀਂ ਹੋਇਆ। ਇਸ ਤਰ੍ਹਾਂ ਨਵੇਂ ਸਾਲ ਵਿਚ ਹਲੇ ਤੱਕ ਕਿਸੇ ਵੀ ਦਿਨ ਮਹਿੰਗੇ ਪਟਰੌਲ - ਡੀਜ਼ਲ ਦਾ ਬੋਝ ਗਾਹਕਾਂ 'ਤੇ ਨਹੀਂ ਪਿਆ।

FuelFuel

ਅੱਜ ਤੇਲ ਕੰਪਨੀਆਂ ਨੇ ਪਟਰੌਲ ਦੀਆਂ ਕੀਮਤਾਂ ਵਿਚ ਕੋਈ ਬਦਲਾਅ ਨਹੀਂ ਕੀਤਾ ਪਰ ਡੀਜ਼ਲ ਦੀਆਂ ਕੀਮਤਾਂ ਵਿਚ 10 ਪੈਸੇ ਦੀ ਕਟੌਤੀ ਕੀਤੀ ਗਈ। ਇਸ ਤਰ੍ਹਾਂ ਦਿੱਲੀ ਵਿਚ ਇਕ ਲੀਟਰ ਪਟਰੌਲ ਦੀ ਕੀਮਤ 68 ਰੁਪਏ 29 ਪੈਸੇ ਰਹੀ, ਉਥੇ ਹੀ ਡੀਜ਼ਲ 62 ਰੁਪਏ 16 ਪੈਸੇ 'ਤੇ ਆ ਗਿਆ। ਪਟਰੌਲ - ਡੀਜ਼ਲ ਦੀਆਂ ਕੀਮਤਾਂ ਵਿਚ ਕਟੌਤੀ ਦਾ ਸੱਭ ਤੋਂ ਵੱਡਾ ਕਾਰਨ ਅੰਤਰਰਾਸ਼ਟਰੀ ਪੱਧਰ 'ਤੇ ਕੱਚੇ ਤੇਲ ਦਾ ਸਸਤਾ ਹੋਣਾ ਹੈ ਪਰ ਨਵੇਂ ਸਾਲ ਵਿਚ ਕੱਚੇ ਤੇਲ ਦੀਆਂ ਕੀਮਤਾਂ ਵਿਚ ਉਛਾਲ ਆਇਆ ਹੈ।

Fuel pricesFuel prices

ਪਿਛਲੇ ਹਫਤੇ ਵਿਚ ਅੰਤਰਰਾਸ਼ਟਰੀ ਬਾਜ਼ਾਰ ਵਿਚ ਕੱਚੇ ਤੇਲ ਦੇ ਭਾਅ ਕਰੀਬ 10 ਫ਼ੀਸਦੀ ਵਧੇ ਹਨ, ਅਜਿਹੇ ਵਿਚ ਆਉਣ ਵਾਲੇ ਦਿਨਾਂ ਵਿਚ ਪਟਰੌਲ ਫਿਰ ਮਹਿੰਗਾ ਹੋ ਸਕਦਾ ਹੈ। ਕੱਚੇ ਤੇਲ ਦੇ ਮੁੱਲ ਵਿਚ ਅੱਗੇ ਅਹੋਰ ਤੇਜੀ ਆਉਣ ਦੀ ਸੂਰਤ ਵਿਚ ਡਾਲਰ ਦੇ ਮੁਕਾਬਲੇ ਰੁਪਏ ਵਿਚ ਗਿਰਾਵਟ ਆ ਸਕਦੀ ਹੈ ਅਤੇ ਪਟਰੌਲ, ਡੀਜ਼ਲ ਦੇ ਮੁੱਲ ਵਿਚ ਵਾਧਾ ਹੋ ਸਕਦਾ ਹੈ।

FuelFuel Price

ਅੰਤਰਰਾਸ਼ਟਰੀ ਬਾਜ਼ਾਰ ਵਿਚ ਕੱਚੇ ਤੇਲ ਦੇ ਮੁੱਲ ਵਿਚ ਚੜਾਵ - ਉਤਾਰ ਦਾ ਅਸਰ ਪਟਰੌਲ, ਡੀਜ਼ਲ ਦੇ ਮੁੱਲ 'ਤੇ ਕਰੀਬ 10 ਦਿਨ ਬਾਅਦ ਆਉਂਦਾ ਹੈ, ਅਜਿਹੇ ਵਿਚ ਪਿਛਲੇ ਹਫਤੇ ਜਿਸ ਤਰ੍ਹਾਂ ਨਾਲ ਕੱਚੇ ਤੇਲ ਦੀਆਂ ਕੀਮਤਾਂ ਵਿਚ ਤੇਜੀ ਵਿਖਾਈ ਦਿਤੀ ਹੈ, ਉਸ ਤੋਂ ਅੱਗੇ ਪਟਰੌਲ - ਡੀਜ਼ਲ ਮਹਿੰਗਾ ਹੋ ਸਕਦਾ ਹੈ। ਫਿਲਹਾਲ ਕੱਚੇ ਤੇਲ ਦੀ ਕੀਮਤ 57 ਡਾਲਰ ਪ੍ਰਤੀ ਬੈਰਲ ਤੱਕ ਪਹੁੰਚ ਗਈ ਹੈ। 

Location: India, Delhi, New Delhi
Advertisement