ਕੀ ਹੈ ਭਾਰਤ ਸਰਕਾਰ ਵਲੋਂ ਪੇਸ਼ ਕੀਤੀ BH ਸੀਰੀਜ਼, ਜਾਣੋ ਕੀ ਨੇ ਫ਼ਾਇਦੇ ਅਤੇ ਕੌਣ ਕਰ ਸਕਦਾ ਹੈ ਅਪਲਾਈ?
Published : Mar 9, 2022, 2:11 pm IST
Updated : Mar 9, 2022, 2:11 pm IST
SHARE ARTICLE
What is BH Series offered by Government of India, Know the Benefits and Who Can Apply?
What is BH Series offered by Government of India, Know the Benefits and Who Can Apply?

ਸਰਕਾਰੀ ਤੇ ਨਿੱਜੀ ਨੌਕਰੀਪੇਸ਼ਾ ਵਿਅਕਤੀਆਂ ਲਈ ਹੋਵੇਗੀ ਮਦਦਗਾਰ, ਸੂਬਾ ਬਦਲਣ 'ਤੇ ਵਾਰ-ਵਾਰ ਕਰਵਾਉਣੀ ਪੈਂਦੀ ਰਜਿਸਟਰੇਸ਼ਨ ਤੋਂ ਮਿਲੇਗੀ ਨਿਜਾਤ 

ਇੱਕ BH ਸੀਰੀਜ਼ ਪਲੇਟ ਹੀ ਪੂਰੇ ਦੇਸ਼ ਵਿੱਚ ਹੋਵੇਗੀ ਵੈਧ

ਚੰਡੀਗੜ੍ਹ : ਸੜਕ ਆਵਾਜਾਈ ਅਤੇ ਰਾਜਮਾਰਗ ਮੰਤਰਾਲੇ ਨੇ ਹਾਲ ਹੀ ਵਿੱਚ ਵਾਹਨਾਂ ਲਈ ਨਵੀਂ ਭਾਰਤ (BH) ਸੀਰੀਜ਼ ਨੰਬਰ ਪਲੇਟਾਂ ਦੀ ਵਰਤੋਂ ਨੂੰ ਮਨਜ਼ੂਰੀ ਦਿੱਤੀ ਹੈ। BH ਸੀਰੀਜ਼ ਦੀਆਂ ਇਹ ਨੰਬਰ ਪਲੇਟਾਂ ਮੰਤਰਾਲੇ ਦੁਆਰਾ 28 ਅਗਸਤ, 2021 ਨੂੰ ਪੇਸ਼ ਕੀਤੀਆਂ ਗਈਆਂ ਸਨ।

ਹੁਣ ਇਸ ਨਵੀਂ ਨੰਬਰ ਪਲੇਟ ਦੇ ਆਉਣ ਤੋਂ ਬਾਅਦ ਲੋਕਾਂ 'ਚ ਸਵਾਲ ਉੱਠ ਰਹੇ ਹਨ ਕਿ ਉਹ ਆਪਣੇ ਵਾਹਨਾਂ 'ਚ ਇਸ ਨੰਬਰ ਪਲੇਟ ਦੀ ਵਰਤੋਂ ਕਿਵੇਂ ਕਰ ਸਕਦੇ ਹਨ ਜਾਂ ਇਸ ਦੇ ਲਈ ਉਨ੍ਹਾਂ ਨੂੰ ਕਿਹੜੀਆਂ ਪ੍ਰਕਿਰਿਆਵਾਂ 'ਚੋਂ ਲੰਘਣਾ ਪਵੇਗਾ। ਇਸ ਲਈ ਅੱਜ ਅਸੀਂ ਤੁਹਾਡੇ ਲਈ BH ਸੀਰੀਜ਼ ਨੰਬਰ ਪਲੇਟ ਨਾਲ ਜੁੜੇ ਹਰ ਸਵਾਲ ਦਾ ਜਵਾਬ ਲੈ ਕੇ ਆਏ ਹਾਂ। ਤਾਂ ਆਓ ਜਾਣਦੇ ਹਾਂ ਇਸ ਲਈ ਅਪਲਾਈ ਕਰਨ ਦੀ ਪੂਰੀ ਪ੍ਰਕਿਰਿਆ ਅਤੇ ਯੋਗਤਾ-

 BH SeriesBH Series

 ਸਭ ਤੋਂ ਪਹਿਲਾਂ ਇਹ ਜਾਣਨਾ ਜ਼ਰੂਰੀ ਹੈ ਕਿ ਸਰਕਾਰ ਨੇ ਇਹ ਵਿਸ਼ੇਸ਼ ਨੰਬਰ ਪਲੇਟ ਕਿਉਂ ਲਾਂਚ ਕੀਤੀ ਹੈ। ਦਰਅਸਲ, ਨੰਬਰ ਪਲੇਟਾਂ ਦੀ ਇਸ ਨਵੀਂ ਲੜੀ ਨੂੰ ਸ਼ੁਰੂ ਕਰਨ ਪਿੱਛੇ ਸਰਕਾਰ ਦਾ ਇਰਾਦਾ ਰੱਖਿਆ ਕਰਮਚਾਰੀਆਂ ਅਤੇ ਸਰਕਾਰੀ ਕਰਮਚਾਰੀਆਂ ਲਈ ਵਾਹਨਾਂ ਦੀ ਵਰਤੋਂ ਨੂੰ ਆਸਾਨ ਬਣਾਉਣਾ ਹੈ। ਕਿਉਂਕਿ ਮੌਜੂਦਾ ਪ੍ਰਕਿਰਿਆ ਕੇਂਦਰ ਜਾਂ ਸੂਬਾ ਸਰਕਾਰ ਦੀਆਂ ਤਬਾਦਲਾਯੋਗ ਨੌਕਰੀਆਂ (ਜਿਸ ਨੂੰ ਆਮ ਭਾਸ਼ਾ ਵਿੱਚ ਟ੍ਰਾਂਸਫਰ ਨੌਕਰੀਆਂ ਵੀ ਕਿਹਾ ਜਾਂਦਾ ਹੈ) ਕਰਨ ਵਾਲਿਆਂ ਲਈ ਕਾਫ਼ੀ ਮੁਸ਼ਕਲ ਹੈ।

ਅਜਿਹੇ 'ਚ ਉਨ੍ਹਾਂ ਨੂੰ ਅਜਿਹੀ ਨੰਬਰ ਪਲੇਟ ਦੀ ਲੋੜ ਸੀ, ਜਿਸ ਦੀ ਵਰਤੋਂ ਉਹ ਦੇਸ਼ ਦੇ ਹਰ ਹਿੱਸੇ 'ਚ ਕਰ ਸਕਣ। ਸ਼ੁਰੂਆਤੀ ਤੌਰ 'ਤੇ BH ਸੀਰੀਜ਼ ਦੀਆਂ ਨੰਬਰ ਪਲੇਟਾਂ ਸਿਰਫ ਰਾਜ, ਕੇਂਦਰ ਸਰਕਾਰ ਦੇ ਕਰਮਚਾਰੀਆਂ ਅਤੇ ਰੱਖਿਆ ਕਰਮਚਾਰੀਆਂ ਨੂੰ ਮੁਹੱਈਆ ਕਰਵਾਈਆਂ ਜਾਣਗੀਆਂ।

 BH SeriesBH Series

ਭਾਰਤ ਸੀਰੀਜ਼ ਨੰਬਰ ਪਲੇਟ ਕਿਵੇਂ ਮਦਦ ਕਰੇਗੀ?

ਮੋਟਰ ਵਹੀਕਲ ਐਕਟ ਦੀ ਧਾਰਾ 47 ਕਿਸੇ ਵਾਹਨ ਦੇ ਮਾਲਕ ਨੂੰ 12 ਮਹੀਨਿਆਂ ਤੋਂ ਘੱਟ ਸਮੇਂ ਲਈ ਆਪਣੇ ਵਾਹਨ ਨੂੰ ਕਿਸੇ ਹੋਰ ਰਾਜ ਵਿੱਚ ਰੱਖਣ ਜਾਂ ਚਲਾਉਣ ਦੀ ਆਗਿਆ ਦਿੰਦੀ ਹੈ। ਪਰ 12 ਮਹੀਨਿਆਂ ਬਾਅਦ, ਮਾਲਕ ਲਈ ਵਾਹਨ ਦੀ ਰਜਿਸਟ੍ਰੇਸ਼ਨ ਨੂੰ ਨਵੇਂ ਸੂਬੇ ਵਿੱਚ ਤਬਦੀਲ ਕਰਨਾ ਲਾਜ਼ਮੀ ਹੈ ਜਿੱਥੇ ਇਸ ਨੂੰ ਚਲਾਇਆ ਜਾ ਰਿਹਾ ਹੈ ਜਾਂ ਰੱਖਿਆ ਜਾ ਰਿਹਾ ਹੈ।

ਇਹ ਉਹ ਸਮਾਂ ਹੈ ਜਿੱਥੇ BH ਸੀਰੀਜ਼ ਦੀਆਂ ਨੰਬਰ ਪਲੇਟਾਂ ਵਾਹਨ ਮਾਲਕਾਂ ਨੂੰ ਬਿਹਤਰ ਸਹੂਲਤ ਪ੍ਰਦਾਨ ਕਰਦੀਆਂ ਹਨ। ਕਿਉਂਕਿ ਬੀਐੱਚ ਸੀਰੀਜ਼ ਨੰਬਰ ਪਲੇਟਾਂ ਵਾਲੇ ਵਾਹਨਾਂ ਦੀ ਰਜਿਸਟ੍ਰੇਸ਼ਨ ਨੂੰ ਮੂਲ ਸੂਬੇ ਤੋਂ ਨਵੇਂ ਸੂਬੇ ਵਿੱਚ ਤਬਦੀਲ ਕਰਨ ਦੀ ਕੋਈ ਲੋੜ ਨਹੀਂ ਹੋਵੇਗੀ।

 BH SeriesBH Series

BH ਸੀਰੀਜ਼ ਨੰਬਰ ਪਲੇਟਾਂ ਲਈ ਯੋਗਤਾ ਮਾਪਦੰਡ ਅਤੇ ਅਰਜ਼ੀ ਕਿਵੇਂ ਦੇਣੀ ਹੈ ?

ਸਪੱਸ਼ਟ ਤੌਰ 'ਤੇ, BH ਨੰਬਰ ਪਲੇਟਾਂ ਲਈ ਅਰਜ਼ੀ ਦੇਣ ਲਈ ਬਿਨੈਕਾਰ ਭਾਰਤ ਦਾ ਨਾਗਰਿਕ ਹੋਣਾ ਲਾਜ਼ਮੀ ਹੈ। ਮੌਜੂਦਾ ਸਮੇਂ ਵਿੱਚ, ਬੀਐਚ ਨੰਬਰ ਪਲੇਟ ਮੁੱਖ ਤੌਰ 'ਤੇ ਉਨ੍ਹਾਂ ਲੋਕਾਂ ਲਈ ਹੈ ਜੋ ਸੂਬਾ ਸਰਕਾਰ ਜਾਂ ਕੇਂਦਰ ਸਰਕਾਰ ਨਾਲ ਕੰਮ ਕਰ ਰਹੇ ਹਨ ਜਾਂ ਜਨਤਕ ਖੇਤਰ ਵਿੱਚ ਨੌਕਰੀ ਕਰ ਰਹੇ ਹਨ। ਇਸ ਤੋਂ ਇਲਾਵਾ, MNC ਦੇ ਨਾਲ ਕੰਮ ਕਰਨ ਵਾਲੇ ਵੀ ਅਪਲਾਈ ਕਰ ਸਕਦੇ ਹਨ ਬਸ਼ਰਤੇ ਕੰਪਨੀ ਦੀ ਦੇਸ਼ ਦੇ ਚਾਰ ਜਾਂ ਵੱਧ ਰਾਜਾਂ ਵਿੱਚ ਮੌਜੂਦਗੀ ਹੋਵੇ। ਭਾਰਤ ਸੀਰੀਜ਼ ਨੰਬਰ ਪਲੇਟ ਪ੍ਰਾਪਤ ਕਰਨ ਦੀ ਪ੍ਰਕਿਰਿਆ ਆਨਲਾਈਨ ਹੈ। ਨਵਾਂ ਵਾਹਨ ਖਰੀਦਣ ਵੇਲੇ, ਡੀਲਰ ਵਾਹਨ ਪੋਰਟਲ ਰਾਹੀਂ ਪ੍ਰਕਿਰਿਆ ਸ਼ੁਰੂ ਕਰ ਸਕਦਾ ਹੈ।

 BH SeriesBH Series

BH ਨੰਬਰ ਪਲੇਟ ਆਮ ਨੰਬਰ ਪਲੇਟ ਵਰਗੀ ਦਿੱਖ ਵਿੱਚ ਮਿਲਦੀ ਹੈ - ਜਿਵੇਂ ਕਿ ਕਾਲੇ ਫੌਂਟ ਨੂੰ ਇੱਕ ਚਿੱਟੇ ਬੈਕਗ੍ਰਾਊਂਡ ਵਿੱਚ ਵਰਤਿਆ ਜਾਂਦਾ ਹੈ। ਪਰ ਰਵਾਇਤੀ ਨੰਬਰ ਪਲੇਟਾਂ ਦੇ ਉਲਟ, BH ਸੀਰੀਜ਼ ਪਲੇਟਾਂ ਦੋ ਅੰਕਾਂ ਨਾਲ ਸ਼ੁਰੂ ਹੁੰਦੀਆਂ ਹਨ, ਉਸ ਤੋਂ ਬਾਅਦ BH, ਫਿਰ ਚਾਰ ਅੰਕਾਂ ਅਤੇ ਫਿਰ ਦੋ ਅੱਖਰਾਂ ਨਾਲ। ਮਸਲਨ, ਜੇਕਰ BH ਸੀਰੀਜ਼ ਦੀ ਨੰਬਰ ਪਲੇਟ ਇਸ ਤਰ੍ਹਾਂ ਦੀ ਹੈ- (21 BH 5555 AA) ਇਸ ਦਾ ਮਤਲਬ ਹੈ ਕਿ ਵਾਹਨ ਸਾਲ 2021 ਵਿੱਚ ਰਜਿਸਟਰ ਕੀਤਾ ਗਿਆ ਸੀ, 'BH' ਦਾ ਮਤਲਬ ਭਾਰਤ ਹੈ, '5555' ਵਾਹਨ ਦਾ ਰਜਿਸਟ੍ਰੇਸ਼ਨ ਨੰਬਰ ਹੈ। ਅਤੇ ਵਾਹਨ ਸ਼੍ਰੇਣੀ ਲਈ 'AA' ਵਰਤਿਆ ਜਾਂਦਾ ਹੈ।

BH ਨੰਬਰ ਪਲੇਟ ਦੀ ਕੀਮਤ ਹੋਵੇਗੀ ਰੁਪਏ?
BH ਸੀਰੀਜ਼ ਨੰਬਰ ਪਲੇਟ ਦੀ ਅਰਜ਼ੀ ਦੀ ਲਾਗਤ ਤਿੰਨ ਵੱਖ-ਵੱਖ ਭਾਗਾਂ ਵਿੱਚ ਵੰਡੀ ਗਈ ਹੈ। 10 ਲੱਖ ਤੋਂ ਘੱਟ ਦੀ ਕੀਮਤ ਵਾਲੇ ਵਾਹਨਾਂ ਲਈ, ਬਿਨੈਕਾਰ ਨੂੰ ਵਾਹਨ ਦੀ ਕੀਮਤ ਦਾ 8 ਪ੍ਰਤੀਸ਼ਤ ਭੁਗਤਾਨ ਕਰਨਾ ਹੋਵੇਗਾ, ਜੋ ਕਿ BH ਸੀਰੀਜ਼ ਨੰਬਰ ਪਲੇਟ ਐਪਲੀਕੇਸ਼ਨ ਲਈ ਫੀਸ ਵਜੋਂ ਵਸੂਲੀ ਜਾਵੇਗੀ।

What is BH Series offered by Government of India, Know the Benefits and Who Can Apply?What is BH Series offered by Government of India, Know the Benefits and Who Can Apply?

10 ਤੋਂ 20 ਲੱਖ ਰੁਪਏ ਦੀ ਕੀਮਤ ਵਾਲੇ ਵਾਹਨ 'ਤੇ ਟੈਕਸ ਦੀ ਦਰ 10 ਫੀਸਦੀ ਹੋਵੇਗੀ। ਜੇਕਰ ਵਾਹਨ ਦੀ ਕੀਮਤ 20 ਲੱਖ ਰੁਪਏ ਤੋਂ ਵੱਧ ਹੈ ਤਾਂ ਮਾਲਕ ਨੂੰ BH ਸੀਰੀਜ਼ ਦੀ ਨੰਬਰ ਪਲੇਟ ਲਗਵਾਉਣ ਲਈ ਵਾਹਨ ਦੀ ਕੀਮਤ ਦਾ 12 ਫੀਸਦੀ ਅਦਾ ਕਰਨਾ ਹੋਵੇਗਾ।

ਇਸ ਨੰਬਰ ਪਲੇਟ ਦੇ ਕੀ ਫਾਇਦੇ ਹਨ?
BH ਸੀਰੀਜ਼ ਦੀ ਨੰਬਰ ਪਲੇਟ ਦਾ ਸਭ ਤੋਂ ਵੱਡਾ ਫਾਇਦਾ ਇਹ ਹੈ ਕਿ ਦੇਸ਼ ਦੇ ਕਿਸੇ ਵੀ ਸੂਬੇ ਵਿੱਚ ਇਸ ਨੰਬਰ ਪਲੇਟ ਨਾਲ ਵਾਹਨ ਚਲਾਉਣ ਲਈ ਇਸਦੀ ਰਜਿਸਟ੍ਰੇਸ਼ਨ ਟ੍ਰਾਂਸਫਰ ਕਰਨ ਦੀ ਕੋਈ ਲੋੜ ਨਹੀਂ ਹੋਵੇਗੀ। ਇਸ ਤੋਂ ਇਲਾਵਾ, ਇਹ NOC (ਨਾਨ ਇਤਰਾਜ਼ ਸਰਟੀਫਿਕੇਟ) ਆਦਿ ਦੀ ਪਰੇਸ਼ਾਨੀ ਤੋਂ ਵੀ ਬਚਾਉਂਦਾ ਹੈ, ਜੋ ਆਮ ਤੌਰ 'ਤੇ ਵਾਹਨਾਂ ਦੇ ਟ੍ਰਾਂਸਫਰ ਦੇ ਸਮੇਂ ਪ੍ਰਾਪਤ ਕੀਤੇ ਜਾਂਦੇ ਹਨ।

SHARE ARTICLE

ਏਜੰਸੀ

Advertisement

Chandigarh police slapped a Sikh youth | Police remove Sikh turban | Chandigarh police Latest News

12 Jul 2025 5:52 PM

Batala Conductor Woman Clash : Batala 'ਚ Conductor ਨਾਲ਼ ਤੂੰ ਤੂੰ ਮੈਂ ਮੈਂ ਮਗਰੋਂ ਔਰਤ ਹੋਈ ਬੇਹੋਸ਼

12 Jul 2025 5:52 PM

Harpal Cheema VS Partap Bajwa : ਪ੍ਰਤਾਪ ਬਾਜਵਾ ਤੇ ਹਰਪਾਲ ਚੀਮਾ ਦੀ ਹੋ ਗਈ ਬਹਿਸ ਤੁਸੀ ਗੈਂਗਸਟਰ ਪਾਲੇ ਆ

11 Jul 2025 12:17 PM

Punjab Vidhan Sabha Session live : ਅਮਨ ਅਰੋੜਾ ਤੇ ਬਾਜਵਾ ਦੀ ਬਹਿਸ ਮਗਰੋਂ CM ਮਾਨ ਹੋ ਗਏ ਖੜ੍ਹੇ

11 Jul 2025 12:15 PM

Abohar Tailor Murder Case Sanjay Verma, photo of Sandeep Jakhar with the accused in the Abohar case

10 Jul 2025 9:04 PM
Advertisement