ਲਗਾਤਾਰ ਦੋ ਦਿਨ ਘਟਣ ਤੋਂ ਬਾਅਦ ਹਫ਼ਤੇ ਦੇ ਪਹਿਲੇ ਦਿਨ ਪਟਰੌਲ ਡੀਜ਼ਲ ਦੀ ਕੀਮਤ ਵਿਚ ਵਾਧਾ ਹੋਇਆ ਹੈ। ਵੈਬਸਾਈਟ 'ਤੇ ਉਪਲੱਬਧ ਰਿਪੋਰਟ ਦੇ ਮੁਤਾਬਕ 28 ਜਨਵਰੀ ਤੋਂ ਹੁਣ ...
ਨਵੀਂ ਦਿੱਲੀ : ਲਗਾਤਾਰ ਦੋ ਦਿਨ ਘਟਣ ਤੋਂ ਬਾਅਦ ਹਫ਼ਤੇ ਦੇ ਪਹਿਲੇ ਦਿਨ ਪਟਰੌਲ ਡੀਜ਼ਲ ਦੀ ਕੀਮਤ ਵਿਚ ਵਾਧਾ ਹੋਇਆ ਹੈ। ਵੈਬਸਾਈਟ 'ਤੇ ਉਪਲੱਬਧ ਰਿਪੋਰਟ ਦੇ ਮੁਤਾਬਕ 28 ਜਨਵਰੀ ਤੋਂ ਹੁਣ ਤੱਕ ਕੀਮਤ ਜਾਂ ਤਾਂ ਸਥਿਰ ਰਹੀ ਸੀ ਜਾਂ ਘਟੀ ਸੀ। ਵਾਧਾ ਪਹਿਲੀ ਵਾਰ ਹੋਇਆ ਹੈ। ਮਹਾਨਗਰਾਂ ਵਿਚ ਪਟਰੌਲ ਡੀਜ਼ਲ 6 ਪੈਸੇ ਤੱਕ ਮਹਿੰਗਾ ਹੋਇਆ ਹੈ।
Petrol
ਦਿੱਲੀ ਦੀ ਗੱਲ ਕਰੀਏ ਤਾਂ ਇਕ ਲੀਟਰ ਪਟਰੌਲ ਦੀ ਕੀਮਤ 5 ਪੈਸੇ ਵਧ ਕੇ 70.33 ਰੁਪਏ, ਮੁੰਬਈ ਵਿਚ 5 ਪੈਸੇ ਵਧ ਕੇ 75.97 ਰੁਪਏ, ਕੋਲਕਾਤਾ ਵਿਚ 5 ਪੈਸੇ ਵਧ ਕੇ 72.44 ਰੁਪਏ ਅਤੇ ਚੇਨਈ ਵਿਚ 73 ਰੁਪਏ ਪ੍ਰਤੀ ਲੀਟਰ ਹੈ। ਡੀਜ਼ਲ ਦੀ ਗੱਲ ਕਰੀਏ ਤਾਂ ਦਿੱਲੀ ਵਿਚ ਇਕ ਲੀਟਰ ਡੀਜ਼ਲ ਦੀ ਕੀਮਤ 6 ਪੈਸੇ ਵਧ ਕੇ 65.62 ਰੁਪਏ, ਮੁੰਬਈ ਵਿਚ 6 ਪੈਸੇ ਵਧ ਕੇ 68.71 ਰੁਪਏ, ਕੋਲਕਾਤਾ ਵਿਚ 6 ਪੈਸੇ ਵਧ ਕੇ 67.40 ਰੁਪਏ ਅਤੇ ਚੇਨਈ ਵਿਚ 7 ਪੈਸੇ ਵਧ ਕੇ 69.32 ਰੁਪਏ ਪ੍ਰਤੀ ਲੀਟਰ ਹੈ।
Diesel
ਨੋਏਡਾ ਵਿਚ ਇਕ ਲੀਟਰ ਪਟਰੌਲ ਦੀ ਕੀਮਤ 4 ਪੈਸੇ ਵਧ ਕੇ 70.25 ਰੁਪਏ ਅਤੇ ਡੀਜ਼ਲ ਦੀ ਕੀਮਤ 5 ਪੈਸੇ ਵਧ ਕੇ 64.85 ਰੁਪਏ ਪ੍ਰਤੀ ਲੀਟਰ ਹੈ। ਗੁਰੂਗਰਾਮ ਦੀ ਗੱਲ ਕਰੀਏ ਤਾਂ ਇਕ ਲੀਟਰ ਪਟਰੌਲ ਦੀ ਕੀਮਤ 4 ਪੈਸੇ ਵਧ ਕੇ 71.26 ਰੁਪਏ ਅਤੇ ਡੀਜ਼ਲ ਦੀ ਕੀਮਤ 5 ਪੈਸੇ ਵਧ ਕੇ 65.44 ਰੁਪਏ ਹੈ। ਨਵੀਂ ਕੀਮਤ ਸਵੇਰੇ 6 ਵਜੇ ਤੋਂ ਲਾਗੂ ਹੋ ਜਾਂਦੀ ਹੈ।
