ਚੀਨੀ ਈ-ਕਾਮਰਸ ਕੰਪਨੀ ਅਲੀਬਾਬਾ ਨੇ ਅਪਣੇ ਸਾਲਾਨਾ ਵਿਕਰੀ ਵਿਚ ਕਮਾਈ ਦਾ ਇਕ ਨਵਾਂ ਰਿਕਾਰਡ ਦਰਜ ਕਰ ਚੁਕੀ ਹੈ। ਅਲੀਬਾਬਾ ਗਰੁਪ ਹੋਲ...
ਨਵੀਂ ਦਿੱਲੀ : (ਭਾਸ਼ਾ) ਚੀਨੀ ਈ-ਕਾਮਰਸ ਕੰਪਨੀ ਅਲੀਬਾਬਾ ਨੇ ਅਪਣੇ ਸਾਲਾਨਾ ਵਿਕਰੀ ਵਿਚ ਕਮਾਈ ਦਾ ਇਕ ਨਵਾਂ ਰਿਕਾਰਡ ਦਰਜ ਕਰ ਚੁਕੀ ਹੈ। ਅਲੀਬਾਬਾ ਗਰੁਪ ਹੋਲਡਿੰਗ ਲਿਮਟਿਡ ਨੇ ਅਪਣੇ ਸਾਲਾਨਾ ਵਿਕਰੀ ਦੇ ਦੌਰਾਨ ਸਿਰਫ਼ ਇਕ ਘੰਟੇ ਵਿਚ ਹੀ ਲਗਭੱਗ 10 ਅਰਬ ਡਾਲਰ (ਲਗਭੱਗ 73 ਹਜ਼ਾਰ ਕਰੋਡ਼ ਰੁਪਏ) ਦੀ ਰਿਕਾਰਡ ਵਿਕਰੀ ਦਰਜ ਕੀਤੀ ਹੈ। ਦੱਸ ਦਈਏ ਕਿ ਸਿੰਗਲਸ ਡੇ ਦੁਨੀਆਂ ਦਾ ਸੱਭ ਤੋਂ ਵੱਡਾ ਆਨਲਾਈਨ ਸੇਲ ਇਵੈਂਟ ਹੈ। ਪਿਛਲੇ ਸਾਲ ਇਸ ਈ- ਕਾਮਰਸ ਵੈਬਸਾਈਟ ਨੇ ਇਸ ਵਿਕਰੀ ਨਾਲ ਕੁੱਲ 24.15 ਅਰਬ ਡਾਲਰ ਦੀ ਕਮਾਈ ਕੀਤੀ ਸੀ।
ਇਸ ਸੇਲ ਦੀ ਸੱਭ ਤੋਂ ਦਿਲਚਸਪ ਗੱਲ ਇਹ ਹੈ ਕਿ ਇਸ ਤੋਂ ਪਹਿਲਾਂ ਮਿੰਟ ਵਿਚ ਰਿਕਾਰਡ ਸੇਲ ਦਰਜ ਕੀਤੀ ਗਈ। ਇਸ ਦੌਰਾਨ ਰਿਕਾਰਡ ਨੰਬਰ ਵਿਚ ਟ੍ਰਾਂਜ਼ੈਕਸ਼ਨ ਦਰਜ ਕੀਤੀ ਗਈ। ਇਸ ਸੇਲ ਇਵੈਂਟ ਦੀ ਸ਼ੁਰੂਆਤ ਕਈ ਤਰ੍ਹਾਂ ਦੇ ਪ੍ਰੋਗਰਾਮ ਤੋਂ ਬਾਅਦ ਹੁੰਦੀ ਹੈ। ਇਸ ਦੇ ਨਾਲ ਹੀ ਕੰਪਨੀ ਦਾ ਉਸ ਦੇ ਸੰਸਥਾਪਕ ਅਤੇ ਚੇਅਰਮੈਨ ਜੈਕ ਮਾ ਦੇ ਅਗਵਾਈ ਵਿਚ ਆਖਰੀ ਸੇਲ ਇਵੈਂਟ ਹੈ। ਜੈਕ ਮਾ ਸੇਵਾਮੁਕਤ ਤੋਂ ਬਾਅਦ ਕੰਪਨੀ ਦੇ ਮੌਜੂਦਾ ਚੀਫ ਐਗਜ਼ੀਕਿਉਟੀਵ ਡੈਨਿਅਲ ਝਾਂਗ ਅਲੀਬਾਬਾ ਗਰੁਪ ਦੇ ਅਗਲੇ ਚੇਅਰਮੈਨ ਹੋਣਗੇ। ਇਸ ਬਾਰੇ ਕੰਪਨੀ ਨੇ ਸਤੰਬਰ ਮਹੀਨੇ ਵਿਚ ਜਾਣਕਾਰੀ ਦਿਤੀ ਸੀ।
ਦੱਸ ਦਈਏ ਕਿ ਇਸ ਸਾਲ ਕੰਪਨੀ ਦੀ ਕੁੱਲ ਸੇਲ ਕੁੱਝ ਖਾਸ ਨਹੀਂ ਰਹੀ ਸੀ ਅਤੇ ਸ਼ੇਅਰ ਬਾਜ਼ਾਰ ਵਿਚ ਵੀ ਕੰਪਨੀ ਦੇ ਸਟਾਕਸ ਵਿਚ 16 ਫ਼ੀ ਸਦੀ ਗਿਰਾਵਟ ਦਰਜ ਦੀ ਗਈ ਸੀ। ਕਈ ਜਾਣਕਾਰਾਂ ਦਾ ਮੰਨਣਾ ਹੈ ਕਿ ਅਮਰੀਕਾ ਅਤੇ ਚੀਨ ਦੇ ਵਿਚ ਚੱਲ ਰਹੇ ਵਪਾਰ ਯੁੱਧ ਨਾਲ ਅਲੀਬਾਬਾ ਦੀ ਸੇਲ 'ਤੇ ਇਹ ਅਸਰ ਦੇਖਣ ਨੂੰ ਮਿਲਿਆ ਹੈ। ਇਸ ਮਹੀਨੇ ਦੀ ਸ਼ੁਰੂਅਾਤ ਵਿਚ ਕੰਪਨੀ ਨੇ ਅਪਣੇ ਪੂਰੇ ਸਾਲ ਲਈ ਅੰਦਾਜ਼ਨ ਆਮਦਨੀ ਨੂੰ ਰਿਵਾਇਜ਼ ਕੀਤੀ ਸੀ। ਕੰਪਨੀ ਦੇ ਇਸ ਰਿਵੀਜ਼ਨ ਤੋਂ ਬਾਅਦ ਨਿਵੇਸ਼ਕਾਂ ਉਤੇ ਵੀ ਅਸਰ ਦੇਖਣ ਨੂੰ ਮਿਲਿਆ।
ਇਸ ਦੇ ਨਾਲ ਹੀ ਕੰਪਨੀ ਨੇ ਇਹ ਵੀ ਫੈਸਲਾ ਕੀਤਾ ਹੈ ਕਿ ਉਹ ਅਪਣੇ ਪਲੇਟਫਾਰਮ ਤੋਂ ਘੱਟ ਇਨਕਮ ਲਵੇਗੀ। ਕੰਪਨੀ ਨੇ ਇਹ ਫੈਸਲਾ ਅਪਣੇ ਪਲੇਟਫਾਰਮ 'ਤੇ ਬਰੈਂਡਸ ਅਤੇ ਨਵੇਂ ਖਰੀਦਾਰਾਂ ਨੂੰ ਬਣਾਏ ਰੱਖਣ ਲਈ ਕੀਤਾ ਹੈ। ਕੰਪਨੀ ਨੇ ਦਾਅਵਾ ਕੀਤਾ ਹੈ ਕਿ ਇਸ ਸਾਲ ਉਸ ਦੇ ਪਲੇਟਫਾਰਮ ਉਤੇ ਲਗਭੱਗ 1,80,000 ਬਰਾਂਡਸ ਉਪਲਬਧ ਹੋਣਗੇ। ਐਤਵਾਰ ਨੂੰ ਸਵੇਰੇ 10 ਵਜੇ ਤੱਕ ਕੰਪਨੀ ਦੀ ਕੁੱਲ ਸੇਲ 20 ਅਰਬ ਡਾਲਰ (ਲਗਭੱਗ 1 ਲੱਖ 46 ਹਜ਼ਾਰ ਕਰੋਡ਼ ਰੁਪਏ) ਤੋਂ ਪਾਰ ਜਾ ਚੁੱਕਿਆ ਸੀ।