ਪਹਿਲੀ ਵਾਰੀ ਬਫ਼ਰ ਸਟਾਕ ਲਈ ਦੋ ਲੱਖ ਟਨ ਸਾਉਣੀ ਸੀਜ਼ਨ ਦੇ ਪਿਆਜ਼ ਦੀ ਖਰੀਦ ਕਰੇਗੀ ਕੇਂਦਰ ਸਰਕਾਰ
Published : Dec 11, 2023, 9:53 pm IST
Updated : Dec 11, 2023, 9:53 pm IST
SHARE ARTICLE
Onion
Onion

ਕਿਸਾਨਾਂ ਦੇ ਵਿਰੋਧ ਪ੍ਰਦਰਸ਼ਨ ਅੱਗੇ ਝੁਕੀ ਸਰਕਾਰ

31 ਮਾਰਚ ਤਕ ਨਿਰਯਾਤ ਰੋਕਣ ਦੇ ਫੈਸਲੇ ਵਿਰੁਧ ਮਹਾਰਾਸ਼ਟਰ ’ਚ ਵਿਰੋਧ ਪ੍ਰਦਰਸ਼ਨ ਕਰ ਰਹੇ ਨੇ ਕਿਸਾਨ

ਨਵੀਂ ਦਿੱਲੀ : ਮਹਾਰਾਸ਼ਟਰ ’ਚ ਪਿਆਜ਼ ਦੇ ਨਿਰਯਾਤ ’ਤੇ ਪਾਬੰਦੀ ਦੇ ਵਿਰੋਧ ’ਚ ਕਿਸਾਨਾਂ ਦੇ ਵਿਰੋਧ ਪ੍ਰਦਰਸ਼ਨਾਂ ਦਰਮਿਆਨ ਕੇਂਦਰ ਸਰਕਾਰ ਨੇ ਸੋਮਵਾਰ ਨੂੰ ਕਿਹਾ ਕਿ ਉਹ ਕਿਸਾਨਾਂ ਦੇ ਹਿੱਤਾਂ ਦੀ ਰਾਖੀ ਲਈ ਸਾਰੀਆਂ ਮੰਡੀਆਂ ਤੋਂ ਅਪਣੇ ਬਫਰ ਸਟਾਕ ਲਈ ਲਗਭਗ ਦੋ ਲੱਖ ਟਨ ਸਾਉਣੀ ਪਿਆਜ਼ ਦੀ ਫਸਲ ਖਰੀਦੇਗਾ। 
ਖਰੀਦ ਇਹ ਯਕੀਨੀ ਕਰੇਗੀ ਕਿ ਘਰੇਲੂ ਥੋਕ ਦਰਾਂ ਸਥਿਰ ਰਹਿਣ ਅਤੇ ਪਾਬੰਦੀ ਕਾਰਨ ਤੇਜ਼ੀ ਨਾਲ ਨਾ ਡਿੱਗਣ। ਦੂਜੇ ਪਾਸੇ ਸਰਕਾਰ ਨੇ ਕਿਹਾ ਕਿ ਬਫਰ ਸਟਾਕ ਦੀ ਵਰਤੋਂ ਪ੍ਰਚੂਨ ਕੀਮਤਾਂ ’ਚ ਵਾਧੇ ਨੂੰ ਰੋਕਣ ਲਈ ਕੀਤੀ ਜਾਵੇਗੀ। 

ਕੇਂਦਰ ਨੇ ਘਰੇਲੂ ਉਪਲਬਧਤਾ ਵਧਾਉਣ ਅਤੇ ਕੀਮਤਾਂ ਨੂੰ ਕਾਬੂ ’ਚ ਰੱਖਣ ਲਈ 8 ਦਸੰਬਰ ਨੂੰ ਅਗਲੇ ਸਾਲ 31 ਮਾਰਚ ਤਕ ਪਿਆਜ਼ ਦੇ ਨਿਰਯਾਤ ’ਤੇ ਪਾਬੰਦੀ ਲਗਾ ਦਿਤੀ ਸੀ। ਇਸ ਕਾਰਨ ਮਹਾਰਾਸ਼ਟਰ ਦੇ ਨਾਸਿਕ ਜ਼ਿਲ੍ਹੇ ’ਚ ਪਿਆਜ਼ ਦੇ ਕਿਸਾਨਾਂ ਨੇ ਵਿਰੋਧ ਪ੍ਰਦਰਸ਼ਨ ਸ਼ੁਰੂ ਕਰ ਦਿਤਾ ਸੀ। ਖਪਤਕਾਰ ਮਾਮਲਿਆਂ ਦੇ ਸਕੱਤਰ ਰੋਹਿਤ ਕੁਮਾਰ ਸਿੰਘ ਨੇ ਮੀਡੀਆ ਨੂੰ ਦਸਿਆ ਕਿ ਨਿਰਯਾਤ ਪਾਬੰਦੀ ਦਾ ਕਿਸਾਨਾਂ ’ਤੇ ਕੋਈ ਅਸਰ ਨਹੀਂ ਪਵੇਗਾ ਕਿਉਂਕਿ ਸਰਕਾਰੀ ਖਰੀਦ ਚੱਲ ਰਹੀ ਹੈ। ਉਨ੍ਹਾਂ ਕਿਹਾ, ‘‘ਇਸ ਸਾਲ ਹੁਣ ਤਕ ਅਸੀਂ 5.10 ਲੱਖ ਟਨ ਪਿਆਜ਼ ਦੀ ਖਰੀਦ ਕੀਤੀ ਹੈ ਅਤੇ ਲਗਭਗ ਦੋ ਲੱਖ ਟਨ ਸਾਉਣੀ ਪਿਆਜ਼ ਦੀ ਫਸਲ ਖਰੀਦੀ ਜਾਵੇਗੀ।’’

ਆਮ ਤੌਰ ’ਤੇ ਸਰਕਾਰ ਹਾੜ੍ਹੀ ਦੇ ਪਿਆਜ਼ ਦੀ ਲੰਮੇ ਸਮੇਂ ਤਕ ਖਰਾਬ ਨਾ ਹੋਣ ਵਾਲੀ ਕੁਆਲਿਟੀ ਨੂੰ ਵੇਖਦੇ ਹੋਏ ਇਸ ਦੀ ਖਰੀਦ ਕਰਦੀ ਹੈ। ਹਾਲਾਂਕਿ, ਪਹਿਲੀ ਵਾਰ, ਸਰਕਾਰ ਕਿਸਾਨਾਂ ਦੇ ਹਿੱਤਾਂ ਦੀ ਰਾਖੀ ਕਰਨ ਅਤੇ ਪ੍ਰਚੂਨ ਬਾਜ਼ਾਰਾਂ ’ਚ ਕੀਮਤਾਂ ’ਚ ਵਾਧੇ ਨੂੰ ਰੋਕਣ ਲਈ ਸਾਉਣੀ ਪਿਆਜ਼ ਦੀ ਫਸਲ ਖਰੀਦੇਗੀ। 
ਸਰਕਾਰ ਨੇ ਵਿੱਤੀ ਸਾਲ 2023-24 ਲਈ ਬਫਰ ਸਟਾਕ ਦਾ ਟੀਚਾ ਵਧਾ ਕੇ ਸੱਤ ਲੱਖ ਟਨ ਕਰ ਦਿਤਾ ਹੈ, ਜਦਕਿ ਪਿਛਲੇ ਸਾਲ ਅਸਲ ਸਟਾਕ ਸਿਰਫ ਤਿੰਨ ਲੱਖ ਟਨ ਸੀ।

SHARE ARTICLE

ਸਪੋਕਸਮੈਨ ਸਮਾਚਾਰ ਸੇਵਾ

Advertisement
Advertisement

ਢਾਹ ਦਿੱਤਾ 400 Crore ਦਾ Farm House, ਦੋ ਦਿਨਾਂ ਤੋਂ ਚੱਲ ਰਿਹਾ Bulldozer, ਕਿਸੇ ਸਮੇਂ ਫਾਰਮ ਹਾਊਸ ਨੂੰ ਖੜ-ਖੜ...

03 Mar 2024 3:45 PM

ਕਾਰਪੋਰੇਸ਼ਨ ਨੂੰ ਤਾਲੇ ਲਾਉਣ ਦੇ ਮੁੱਦੇ ’ਤੇ, ਸਿੱਧੇ ਹੋ ਗਏ Ravneet Singh Bittu

02 Mar 2024 8:17 PM

Shambhu Border Update: ਮੀਂਹ 'ਚ ਵੀ ਮੋਰਚੇ 'ਤੇ ਡੱਟੇ ਕਿਸਾਨ, ਭਿੱਜਣ ਤੋਂ ਬਚਣ ਲਈ ਕੀਤੇ ਇਹ ਖ਼ਾਸ ਪ੍ਰਬੰਧ

02 Mar 2024 8:14 PM

MP ਡਾ. ਅਮਰ ਸਿੰਘ ਦਾ ਬੇਬਾਕ Interview, ਲੋਕ ਸਭਾ ਦੀ ਟਿਕਟ ਲਈ ਦੁਬਾਰਾ ਠੋਕੀ ਦਾਅਵੇਦਾਰੀ

01 Mar 2024 8:22 PM

Sukhbir Badal ਦੇ ਸੁਖ ਵਿਲਾਸ Hotel ਬਾਰੇ CM Mann ਦਾ ਵੱਡਾ ਐਕਸ਼ਨ, ਕੱਢ ਲਿਆਏ ਕਾਗ਼ਜ਼, Press Conference LIVE

29 Feb 2024 4:22 PM
Advertisement