FPI ਦੀ ਵਿਕਰੀ ਜਾਰੀ, ਨਵੰਬਰ ’ਚ ਇਕਵਿਟੀ ਤੋਂ 5,800 ਕਰੋੜ ਰੁਪਏ ਕੱਢੇ ਗਏ
Share Market : ਪਿਛਲੇ ਹਫਤੇ ਚੋਟੀ ਦੀਆਂ 10 ਸਭ ਤੋਂ ਮੁੱਲਵਾਨ ਕੰਪਨੀਆਂ ’ਚੋਂ ਚਾਰ ਦਾ ਸਾਂਝਾ ਬਾਜ਼ਾਰ ਮੁਲਾਂਕਣ 23,417.15 ਕਰੋੜ ਰੁਪਏ ਘਟ ਗਿਆ। ਇਨ੍ਹਾਂ ’ਚੋਂ ਵੱਡੀਆਂ ਆਈ.ਟੀ. ਕੰਪਨੀਆਂ ਇੰਫੋਸਿਸ ਅਤੇ ਟਾਟਾ ਕੰਸਲਟੈਂਸੀ ਸਰਵਿਸਿਜ਼ (ਟੀ.ਸੀ.ਐਸ.) ਨੂੰ ਸਭ ਤੋਂ ਵੱਡਾ ਝਟਕਾ ਲੱਗਾ ਹੈ। ਬੀ.ਐਸ.ਈ. ਸੈਂਸੈਕਸ ਪਿਛਲੇ ਹਫ਼ਤੇ 540.9 ਅੰਕ ਜਾਂ 0.84 ਪ੍ਰਤੀਸ਼ਤ ਵਧਿਆ। ਰਿਲਾਇੰਸ ਇੰਡਸਟਰੀਜ਼ ਲਿਮਟਿਡ, ਟੀ.ਸੀ.ਐਸ., ਹਿੰਦੁਸਤਾਨ ਯੂਨੀਲੀਵਰ ਲਿਮਟਿਡ ਅਤੇ ਇਨਫੋਸਿਸ ਨੂੰ ਮਾਰਕੀਟ ਪੂੰਜੀਕਰਣ ’ਚ ਗਿਰਾਵਟ ਦਾ ਸਾਹਮਣਾ ਕਰਨਾ ਪਿਆ। ਦੂਜੇ ਪਾਸੇ ਐਚ.ਡੀ.ਐਫ.ਸੀ. ਬੈਂਕ, ਆਈ.ਸੀ.ਆਈ.ਸੀ.ਆਈ. ਬੈਂਕ, ਆਈ.ਟੀ.ਸੀ., ਭਾਰਤੀ ਏਅਰਟੈੱਲ, ਸਟੇਟ ਬੈਂਕ ਆਫ਼ ਇੰਡੀਆ ਅਤੇ ਬਜਾਜ ਫਾਈਨਾਂਸ ਦਾ ਬਾਜ਼ਾਰ ਮੁਲਾਂਕਣ ਮਿਲਾ ਕੇ 17,386.45 ਕਰੋੜ ਰੁਪਏ ਵਧਿਆ ਹੈ।
ਇੰਫੋਸਿਸ ਦਾ ਬਾਜ਼ਾਰ ਮੁਲਾਂਕਣ 8,465.09 ਕਰੋੜ ਰੁਪਏ ਘਟ ਕੇ 5,68,064.77 ਕਰੋੜ ਰੁਪਏ ਰਹਿ ਗਿਆ। TCS ਦਾ ਬਾਜ਼ਾਰ ਮੁੱਲ 6,604.59 ਕਰੋੜ ਰੁਪਏ ਘਟਿਆ ਹੈ। ਹਿੰਦੁਸਤਾਨ ਯੂਨੀਲੀਵਰ ਦਾ ਬਾਜ਼ਾਰ ਮੁੱਲ 5,133.85 ਕਰੋੜ ਰੁਪਏ ਦੀ ਗਿਰਾਵਟ ਨਾਲ 5,84,284.61 ਕਰੋੜ ਰੁਪਏ ਅਤੇ ਰਿਲਾਇੰਸ ਇੰਡਸਟਰੀਜ਼ ਦਾ ਬਾਜ਼ਾਰ ਮੁੱਲ 3,213.62 ਕਰੋੜ ਰੁਪਏ ਦੀ ਗਿਰਾਵਟ ਨਾਲ 15,65,781.62 ਕਰੋੜ ਰੁਪਏ ਹੋ ਗਿਆ। ਦੂਜੇ ਪਾਸੇ HDFC ਬੈਂਕ ਦਾ ਮੁਲਾਂਕਣ 5,236.31 ਕਰੋੜ ਰੁਪਏ ਵਧ ਕੇ 11,31,079.20 ਕਰੋੜ ਰੁਪਏ ਹੋ ਗਿਆ। ਆਈ.ਸੀ.ਆਈ.ਸੀ.ਆਈ. ਬੈਂਕ ਨੇ 3,520.92 ਕਰੋੜ ਰੁਪਏ ਦਾ ਵਾਧਾ ਕੀਤਾ, ਜਿਸ ਨਾਲ ਇਸਦਾ ਬਾਜ਼ਾਰ ਮੁੱਲ 6,57,563.38 ਕਰੋੜ ਰੁਪਏ ਹੋ ਗਿਆ। ਸਟੇਟ ਬੈਂਕ ਆਫ ਇੰਡੀਆ ਨੇ 1,115.58 ਕਰੋੜ ਰੁਪਏ ਦਾ ਵਾਧਾ ਕੀਤਾ, ਜਿਸ ਨਾਲ ਇਸਦਾ ਬਾਜ਼ਾਰ ਮੁੱਲ 5,17,092.02 ਕਰੋੜ ਰੁਪਏ ਹੋ ਗਿਆ।
FPI ਦੀ ਵਿਕਰੀ ਜਾਰੀ, ਨਵੰਬਰ ’ਚ ਇਕਵਿਟੀ ਤੋਂ 5,800 ਕਰੋੜ ਰੁਪਏ ਕੱਢੇ ਗਏ
: ਵਿਦੇਸ਼ੀ ਪੋਰਟਫੋਲੀਓ ਨਿਵੇਸ਼ਕਾਂ (ਐਫ.ਪੀ.ਆਈ.) ਵਲੋਂ ਵਿਕਰੀ ਦਾ ਦੌਰ ਜਾਰੀ ਹੈ। ਪਛਮੀ ਏਸ਼ੀਆ ’ਚ ਵਧਦੀਆਂ ਵਿਆਜ ਦਰਾਂ ਅਤੇ ਭੂ-ਰਾਜਨੀਤਿਕ ਤਣਾਅ ਕਾਰਨ ਇਸ ਮਹੀਨੇ ਹੁਣ ਤਕ ਉਨ੍ਹਾਂ ਨੇ ਭਾਰਤੀ ਬਾਜ਼ਾਰਾਂ ’ਚ 5,800 ਕਰੋੜ ਰੁਪਏ ਤੋਂ ਵੱਧ ਦੀ ਵਿਕਰੀ ਕੀਤੀ ਹੈ। ਸਟਾਕ ਮਾਰਕੀਟ ਦੇ ਅੰਕੜਿਆਂ ਅਨੁਸਾਰ, ਐਫ.ਪੀ.ਆਈਜ਼. ਨੇ ਅਕਤੂਬਰ ’ਚ 24,548 ਕਰੋੜ ਰੁਪਏ ਅਤੇ ਸਤੰਬਰ ’ਚ 14,767 ਕਰੋੜ ਰੁਪਏ ਵਾਪਸ ਲਏ।
ਇਸ ਤੋਂ ਪਹਿਲਾਂ, ਮਾਰਚ ਤੋਂ ਅਗਸਤ ਤਕ ਪਿਛਲੇ ਛੇ ਮਹੀਨਿਆਂ ’ਚ, FPIs ਲਗਾਤਾਰ ਭਾਰਤੀ ਇਕਵਿਟੀ ਖਰੀਦ ਰਹੇ ਸਨ। ਇਸ ਦੌਰਾਨ ਉਨ੍ਹਾਂ ਨੇ ਕੁਲ 1.74 ਲੱਖ ਕਰੋੜ ਰੁਪਏ ਦੀ ਖਰੀਦਦਾਰੀ ਕੀਤੀ। ਮਾਹਰਾਂ ਨੇ ਕਿਹਾ ਕਿ ਇਸ ਵਿਕਰੀ ਦੇ ਰੁਝਾਨ ਨੂੰ ਅੱਗੇ ਵਧਣ ਦੀ ਉਮੀਦ ਨਹੀਂ ਹੈ, ਕਿਉਂਕਿ ਯੂ.ਐਸ. ਫੈਡਰਲ ਰਿਜ਼ਰਵ ਨੇ ਪਿਛਲੇ ਹਫ਼ਤੇ ਅਪਣੀ ਮੀਟਿੰਗ ’ਚ ਇਕ ਨਰਮ ਰੁਖ ਦਾ ਸੰਕੇਤ ਦਿਤਾ ਸੀ।
(For more news apart from Share Market, stay tuned to Rozana Spokesman)
