ਆਰਥਕ ਸੰਕਟ ਨਾਲ ਜੂਝ ਰਹੀ ਜਹਾਜ਼ ਕੰਪਨੀ ਜੈੱਟ ਏਅਰਵੇਜ਼ ਦੇ ਡਿਪਟੀ ਸੀਈਓ ਅਤੇ ਸੀਐਫਓ ਅਮਿਤ ਅਰਗਵਾਲ ਨੇ ਅਸਤੀਫਾ ਦੇ ਦਿੱਤਾ ਹੈ।
ਨਵੀਂ ਦਿੱਲੀ: ਆਰਥਕ ਸੰਕਟ ਨਾਲ ਜੂਝ ਰਹੀ ਜਹਾਜ਼ ਕੰਪਨੀ ਜੈੱਟ ਏਅਰਵੇਜ਼ ਦੇ ਡਿਪਟੀ ਸੀਈਓ ਅਤੇ ਸੀਐਫਓ ਅਮਿਤ ਅਰਗਵਾਲ ਨੇ ਨਿੱਜੀ ਕਾਰਨਾਂ ਦੇ ਚਲਦਿਆਂ ਜੈੱਟ ਏਅਰਵੇਜ਼ ਨੂੰ ਅਸਤੀਫਾ ਦੇ ਦਿੱਤਾ ਹੈ। ਜਹਾਜ਼ ਕੰਪਨੀ ਜੈੱਟ ਏਅਰਵੇਜ਼ ਨੇ ਮੰਗਲਵਾਰ ਨੂੰ ਦੱਸਿਆ ਕਿ ਅਗਰਵਾਲ ਦੀ ਅਸਤੀਫਾ 13 ਮਈ ਤੋਂ ਲਾਗੂ ਹੋਇਆ ਹੈ।
Jet Airways
ਜੈੱਟ ਏਅਰਵੇਜ਼ ਨੇ ਇਕ ਰੈਗੂਲੇਟਰੀ ਫਾਈਲਿੰਗ ਵਿਚ ਕਿਹਾ ਕਿ ਉਹ ਸੂਚਿਤ ਕਰਨਾ ਚਾਹੁੰਦੇ ਹਨ ਕਿ ਕੰਪਨੀ ਦੇ ਮੁੱਖ ਕਾਰਜਕਰਤਾ ਅਧਿਕਾਰੀ ਅਤੇ ਸੀਐਫਓ ਅਮਿਤ ਅਗਰਵਾਲ ਨੇ ਨਿੱਜੀ ਕਾਰਨਾਂ ਦੇ ਚਲਦਿਆਂ ਅਪਣੇ ਅਹੁਦੇ ਤੋਂ ਅਸਤੀਫਾ ਦੇ ਦਿੱਤਾ ਹੈ। ਆਰਥਕ ਸੰਕਟ ਦੇ ਚਲਦਿਆਂ ਜੈੱਟ ਏਅਰਵੇਜ਼ ਨੇ ਅਪ੍ਰੈਲ ਮਹੀਨੇ ਦੇ ਅੱਧ ਤੋਂ ਹੀ ਉਡਾਨਾਂ ਬੰਦ ਕਰ ਦਿੱਤੀਆਂ ਹਨ। ਪਿਛਲੇ ਇਕ ਮਹੀਨੇ ਵਿਚ ਕੰਪਨੀ ਦੇ ਜ਼ਿਆਦਾਤਰ ਬੋਰਡ ਮੈਂਬਰਾਂ ਨੇ ਅਸਤੀਫਾ ਦੇ ਦਿੱਤਾ ਹੈ।
Jet Airways & SpiceJet
ਮਾਹਿਰਾਂ ਦਾ ਮੰਨਣਾ ਹੈ ਕਿ ਜੇਕਰ ਜੈੱਟ ਏਅਰਵੇਜ਼ ਦੁਬਾਰਾ ਸ਼ੁਰੂ ਵੀ ਹੋਈ ਤਾਂ ਇਸਦੀ ਸਥਿਤੀ ਪਹਿਲਾਂ ਵਾਂਗ ਨਹੀਂ ਹੋ ਸਕੇਗੀ। ਦਰਅਸਲ ਸਪਾਈਸ ਜੈੱਟ ਤੇਜ਼ੀ ਨਾਲ ਜੈੱਟ ਏਅਰਵੇਜ਼ ਕੋਲ ਮੌਜੂਦ ਜਹਾਜ਼ਾ ਨੂੰ ਖਰੀਦ ਰਹੀ ਹੈ ਅਤੇ ਪਾਇਲਟਾਂ ਅਤੇ ਕਰਮਚਾਰੀਆਂ ਨੂੰ ਨੌਕਰੀ ਵੀ ਦੇ ਰਹੀ ਹੈ। ਜੈੱਟ ਏਅਰਵੇਜ਼ ਦੇ ਇਕ ਪਾਇਲਟ ਨੇ ਕਿਹਾ ਕਿ ਪਹਿਲਾਂ ਬੈਂਕਾਂ ਨੇ ਏਅਰਲਾਈਨ ਦਾ ਪ੍ਰਬੰਧ ਅਪਣੇ ਹੱਥਾਂ ਵਿਚ ਲਿਆ ਅਤੇ ਫਿਰ ਉਸ ਨੂੰ ਬੰਦ ਹੋਣ ‘ਤੇ ਮਜਬੂਰ ਕਰ ਦਿੱਤਾ। ਇਸਦੇ ਨਾਲ ਹੀ ਜੈੱਟ ਦੇ ਪਾਇਲਟ ਅਤੇ ਕਰੂ ਮੈਂਬਰ ਵੀ ਨੌਕਰੀਆਂ ਲਈ ਸਪਾਈਸ ਜੈੱਟ ਵਿਚ ਸ਼ਾਮਿਲ ਹੋ ਰਹੇ ਹਨ।
