ਅਕਤੂਬਰ 2022 ’ਚ ਥੋਕ ਮੁੱਲ ਸੂਚਕ ਅੰਕ ਅਧਾਰਤ ਮਹਿੰਗਾਈ ਦਰ 8.67 ਫ਼ੀ ਸਦੀ ਸੀ।
India's retail inflation falls again in October: ਅਕਤੂਬਰ ਦੌਰਾਨ ਥੋਕ ਮਹਿੰਗਾਈ ਦਰ ਮਨਫ਼ੀ 0.52 ਫੀਸਦੀ ਰਹੀ। ਥੋਕ ਮੁੱਲ ਸੂਚਕ ਅੰਕ (ਡਬਲਯੂ.ਪੀ.ਆਈ.) ਆਧਾਰਤ ਮਹਿੰਗਾਈ ਅਪ੍ਰੈਲ ਤੋਂ ਲਗਾਤਾਰ ਸਿਫ਼ਰ ਤੋਂ ਹੇਠਾਂ ਬਣੀ ਹੋਈ ਹੈ। ਸਤੰਬਰ ’ਚ ਇਹ ਮਨਫ਼ੀ 0.26 ਫੀਸਦੀ ਸੀ। ਅਕਤੂਬਰ 2022 ’ਚ ਥੋਕ ਮੁੱਲ ਸੂਚਕ ਅੰਕ ਅਧਾਰਤ ਮਹਿੰਗਾਈ ਦਰ 8.67 ਫ਼ੀ ਸਦੀ ਸੀ।
ਅਕਤੂਬਰ ’ਚ ਖੁਰਾਕੀ ਵਸਤਾਂ ਦੀ ਮਹਿੰਗਾਈ ਦਰ 2.53 ਫੀ ਸਦੀ ’ਤੇ ਆ ਗਈ। ਸਤੰਬਰ ’ਚ ਇਹ 3.35 ਫੀ ਸਦੀ ਸੀ। ਵਣਜ ਅਤੇ ਉਦਯੋਗ ਮੰਤਰਾਲੇ ਨੇ ਮੰਗਲਵਾਰ ਨੂੰ ਕਿਹਾ, ‘‘ਅਕਤੂਬਰ 2023 ’ਚ ਮਹਿੰਗਾਈ ਸਿਫ਼ਰ ਤੋਂ ਹੇਠਾਂ ਰਹੀ।" ਇਸ ਦਾ ਮੁੱਖ ਕਾਰਨ ਰਸਾਇਣਕ ਅਤੇ ਰਸਾਇਣਕ ਉਤਪਾਦਾਂ, ਬਿਜਲੀ, ਕਪੜਾ, ਬੁਨਿਆਦੀ ਧਾਤਾਂ, ਖਾਣ-ਪੀਣ ਦੀਆਂ ਵਸਤਾਂ, ਕਾਗਜ਼ ਅਤੇ ਕਾਗਜ਼ੀ ਵਸਤਾਂ ਆਦਿ ਦੀਆਂ ਕੀਮਤਾਂ ’ਚ ਪਿਛਲੇ ਸਾਲ ਦੇ ਇਸੇ ਮਹੀਨੇ ਮੁਕਾਬਲੇ ਕਮੀ ਸੀ।’’
ਅਕਤੂਬਰ ’ਚ ਬਾਲਣ ਅਤੇ ਬਿਜਲੀ ਖੇਤਰ ’ਚ ਮਹਿੰਗਾਈ ਦਰ ਮਨਫ਼ੀ 2.47 ਫੀ ਸਦੀ ਰਹੀ, ਜੋ ਸਤੰਬਰ ’ਚ ਮਨਫ਼ੀ 3.35 ਫੀ ਸਦੀ ਸੀ। ਅਕਤੂਬਰ ’ਚ ਨਿਰਮਿਤ ਉਤਪਾਦਾਂ ਦੀ ਮਹਿੰਗਾਈ ਦਰ ਮਨਫ਼ੀ 1.13 ਫੀਸਦੀ ਰਹੀ। ਸਤੰਬਰ ’ਚ ਇਸ ’ਚ 1.34 ਫੀ ਸਦੀ ਦੀ ਗਿਰਾਵਟ ਦਰਜ ਕੀਤੀ ਗਈ। ਨੈਸ਼ਨਲ ਸਟੈਟਿਸਟੀਕਲ ਆਫਿਸ (ਐੱਨ.ਐੱਸ.ਓ.) ਵਲੋਂ ਪਿਛਲੇ ਹਫਤੇ ਜਾਰੀ ਕੀਤੇ ਗਏ ਅੰਕੜਿਆਂ ਮੁਤਾਬਕ ਸਾਲਾਨਾ ਆਧਾਰ ’ਤੇ ਅਕਤੂਬਰ ’ਚ ਪ੍ਰਚੂਨ ਮਹਿੰਗਾਈ ਦਰ 4.87 ਫੀ ਸਦੀ ਦੇ ਪੰਜ ਮਹੀਨਿਆਂ ਦੇ ਹੇਠਲੇ ਪੱਧਰ ’ਤੇ ਆ ਗਈ।
(For more news apart from India's retail inflation falls again in October, stay tuned to Rozana Spokesman)
