ਦੇਸ਼ ਦੇ ਡੇਢ ਦਰਜਨ ਤੋਂ ਵੱਧ ਸੂਬਿਆਂ ’ਚ ਪਟਰੌਲ 100 ਤੋਂ ਪਾਰ
ਨਵੀਂ ਦਿੱਲੀ : ਭਾਰਤ ਵਿਚ ਤੇਲ ਦੀਆਂ ਕੀਮਤਾਂ ਦੇ ਰਿਕਾਰਡ ਉਚਾਈ ’ਤੇ ਪਹੁੰਚਣ ਵਿਚਾਲੇ ਦੇਸ਼ ਦੇ ਪਟਰੌਲੀਅਮ ਮੰਤਰੀ ਹਰਦੀਪ ਸਿੰਘ ਪੁਰੀ ਨੇ ਗਾਹਕਾਂ ਲਈ ਕੀਮਤਾਂ ਨੂੰ ਘੱਟ ਕਰਨ ਦੀ ਲੋੜ ’ਤੇ ਜ਼ੋਰ ਦਿਤਾ ਹੈ। ਇਸ ਉਦੇਸ਼ ਨਾਲ ਉਨ੍ਹਾਂ ਨੇ ਤੇਲ ਉਤਪਾਦਕ ਦੇਸ਼ਾਂ ਨਾਲ ਸੰਪਰਕ ਕਰਨਾ ਸ਼ੁਰੂ ਕਰ ਦਿਤਾ ਹੈ।
Air India and Hardeep Puri
ਪੁਰੀ ਨੇ ਪਿਛਲੇ ਹਫ਼ਤੇ ਕਤਰ ਦੇ ਊਰਜਾ ਮੰਤਰੀ ਨੂੰ ਫ਼ੋਨ ਕੀਤਾ ਸੀ ਅਤੇ ਉਨ੍ਹਾਂ ਨੇ ਬੁਧਵਾਰ ਨੂੰ ਸੰਯੁਕਤ ਅਰਬ ਅਮੀਰਾਤ (ਯੂਏਈ) ਦੇ ਅਪਣੇ ਹਮਰੁਤਬਾ ਸੁਤਾਨ ਅਹਿਮਦ ਅਲ ਜਾਬੇਰ ਨਾਲ ਗੱਲ ਕੀਤੀ। ਪੁਰੀ ਨੇ ਟਵਿਟਰ ’ਤੇ ਲਿਖਿਆ,‘‘ਅਸੀਂ ਗਾਹਕਾਂ ਲਈ ਹੋਰ ਸਸਤੀ ਕੀਮਤ ਦੀ ਵਿਵਸਥਾ ਕਰਨ ਦੇ ਉਦੇਸ਼ ਨਾਲ ਊਰਜਾ ਖੇਤਰ ਦੇ ਦੂਜੇ ਪੂਰਤੀਕਾਰਾਂ ਵਿਚ ਸਥਿਰਤਾ, ਯਕੀਨੀ ਅਤੇ ਵਿਹਾਰਕ ਭਾਵਨਾ ਲਿਆਉਣ ਲਈ ਯੂਏਈ ਅਤੇ ਹੋਰ ਮਿੱਤਰ ਦੇਸ਼ਾਂ ਨਾਲ ਮਿਲ ਕੇ ਕੰਮ ਕਰਨ ਦੀ ਅਪਣੀ ਇੱਤਾ ਪ੍ਰਗਟਾਈ।’’
Hardeep Puri
ਮੰਗ ਵਿਚ ਸੁਧਾਰ ਨਾਲ ਤੇਲ ਦੀਆਂ ਆਲਮੀ ਕੀਮਤਾਂ ਵਿਚ ਫਿਰ ਤੇਜ਼ੀ ਆਉਣ ਕਾਰਨ ਭਾਰਤ ਵਿਚ ਪਟਰੌਲ ਅਤੇ ਡੀਜ਼ਲ ਦੀਆਂ ਕੀਮਤਾਂ ਵਿਚ ਰਿਕਾਰਡ ਪੱਧਰ ਦਾ ਵਾਧਾ ਹੋਇਆ ਹੈ। ਮਈ ਵਿਚ ਆਲਮੀ ਕੀਮਤਾਂ ਡਿੱਗ ਗਈਆਂ ਸਨ। ਦੇਸ਼ ਦੇ ਡੇਢ ਦਰਜਨ ਤੋਂ ਵੱਧ ਸੂਬਿਆਂ ਅਤੇ ਕੇਂਦਰ ਸ਼ਾਸਤ ਪ੍ਰਦੇਸ਼ਾਂ ਵਿਚ ਪਟਰੌਲ ਨੇ ਸੈਂਕੜਾ ਪਾਰ ਕਰ ਲਿਆ ਹੈ, ਜਦੋਂਕਿ ਰਾਜਸਥਾਨ ਅਤੇ ਉੜੀਸਾ ਵਿਚ ਤਾਂ ਡੀਜ਼ਲ ਨੇ ਵੀ ਸੈਂਕੜਾ ਲਗਾਇਆ ਹੈ।
Petrol Diesel
ਪੁਰੀ ਨੇ ਕਿਹਾ,‘‘ਯੂਏਈ ਦੇ ਉਦਯੋਗ ਅਤੇ ਉੱਨਤ ਤਕਨੀਕ ਮੰਤਰੀ ਅਤੇ ਐਡਨਾਕ ਗਰੁੱਪ ਦੇ ਪ੍ਰਬੰਧ ਨਿਰਦੇਸ਼ਕ ਅਤੇ ਗਰੁੱਪ ਸੀਈਉ ਡਾ. ਸੁਲਤਾਨ ਅਹਿਮਦ ਅਲ ਜਾਬੇਰ ਨਾਲ ਫ਼ੋਨ ’ਤੇ ਗੱਲਬਾਤ ਹੋਈ।’’ ਉਨ੍ਹਾਂ ਕਿਹਾ ਕਿ ਅਸੀਂ ਭਾਰਤ ਅਤੇ ਯੂਏਈ ਦੀ ਗਤੀਸ਼ੀਲ ਦੁਵੱਲੀ ਰਣਨੀਤਕ ਊਰਜਾ ਸਾਂਝ ਵਿਚ ਨਵੀਂ ਊਰਜਾ ਭਰਨ ਦੇ ਤਰੀਕਿਆਂ ’ਤੇ ਚਰਚਾ ਕੀਤੀ।
