ਸਰਕਾਰੀ ਜਹਾਜ਼ ਕੰਪਨੀ ਏਅਰ ਇੰਡੀਆ ਨੇ ਐਤਵਾਰ ਤੋਂ ਦਿੱਲੀ ਅਤੇ ਪੱਛਮ ਬੰਗਾਲ ਦੇ ਦੁਰਗਾਪੁਰ 'ਚ ਸਿੱਧੀ ਹਵਾਈ ਸੇਵਾ ਫਿਰ ਤੋਂ ਬਹਾਲ ਕਰ ਦਿਤੀ ਗਈ। ਕੰਪਨੀ ਕਰੀਬ 22..
ਸਰਕਾਰੀ ਜਹਾਜ਼ ਕੰਪਨੀ ਏਅਰ ਇੰਡੀਆ ਨੇ ਐਤਵਾਰ ਤੋਂ ਦਿੱਲੀ ਅਤੇ ਪੱਛਮ ਬੰਗਾਲ ਦੇ ਦੁਰਗਾਪੁਰ 'ਚ ਸਿੱਧੀ ਹਵਾਈ ਸੇਵਾ ਫਿਰ ਤੋਂ ਬਹਾਲ ਕਰ ਦਿਤੀ ਗਈ। ਕੰਪਨੀ ਕਰੀਬ 22 ਮਹੀਨੇ ਬਾਅਦ ਇਸ ਨੂੰ ਸ਼ੁਰੂ ਕਰ ਰਹੀ ਹੈ। ਏਅਰ ਇੰਡੀਆ ਦੇ ਸੂਤਰਾਂ ਨੇ ਐਤਵਾਰ ਨੂੰ ਇਸ ਦੀ ਜਾਣਕਾਰੀ ਦਿਤੀ।
Air India
ਜਾਣਕਾਰੀ ਮੁਤਾਬਕ ਏਅਰ ਇੰਡੀਆ ਦਾ 122 ਸੀਟਰ ਏਅਰਬਸ ਏ 319 ਜਹਾਜ਼ ਸਵੇਰੇ 8 ਵਜ ਕੇ 25 ਮਿੰਟ 'ਤੇ ਦੁਰਗਾਪੁਰ ਤੋਂ ਰਵਾਨਾ ਹੋਇਆ ਅਤੇ 10 ਵਜ ਕੇ 35 ਮਿੰਟ 'ਤੇ ਦਿੱਲੀ ਪਹੁੰਚਿਆ। ਇਸ ਤੋਂ ਪਹਿਲਾਂ ਉਡ਼ਾਨ ਏਆਈ - 756 ਸਵੇਰੇ 5 ਵਜ ਕੇ 50 ਮਿੰਟ 'ਤੇ ਦਿਲੀ ਤੋਂ ਰਵਾਨਾ ਹੋਈ ਅਤੇ ਸਵੇਰੇ 7 ਵਜ ਕੇ 50 ਮਿੰਟ 'ਤੇ ਦੁਰਗਾਪੁਰ ਪਹੁੰਚੀਆ।
Air India
ਸੂਤਰਾਂ ਮੁਤਾਬਕ, ਦੋਹਾਂ 'ਚ ਮੁਸਾਫਰਾਂ ਦੀ ਸਮਰਥ ਗਿਣਤੀ ਸੀ। ਹਫ਼ਤੇ 'ਚ ਚਾਰ ਦਿਨ ਸੰਚਾਲਤ ਹੋਣ ਵਾਲੀ ਇਸ ਉਡ਼ਾਨ ਲਈ ਕੰਪਨੀ ਆਕਰਸ਼ਕ ਕਿਰਾਏ ਦੀ ਪੇਸ਼ਕਸ਼ ਕਰ ਰਹੀ ਹੈ। ਏਅਰ ਇੰਡੀਆ ਪਹਿਲੀ ਵਿਮਾਨ ਕੰਪਨੀ ਹੈ, ਜਿਸਨੇ ਮਈ 2015 'ਚ ਦੁਰਗਾਪੁਰ ਤੋਂ ਆਵਾਜਾਈ ਸ਼ੁਰੂ ਕੀਤੀ ਸੀ ਪਰ 14 ਜੂਨ 2016 ਨੂੰ ਆਵਾਜਾਈ ਬੰਦ ਕਰ ਦਿਤੀ ਗਈ ਸੀ।
