5G ਸੈਟੇਲਾਈਟ ਨੈੱਟਵਰਕ ਦੀ ਪਹਿਲੀ ਵਪਾਰਕ ਸ਼ੁਰੂਆਤ 2024 ’ਚ ਵਿਖਾਈ ਦੇਵੇਗੀ

ਨਵੀਂ ਦਿੱਲੀ: ਟੈਲੀਕਾਮ ਆਪਰੇਟਰ 2024 ਅਤੇ 2030 ਦੇ ਵਿਚਕਾਰ 3GPP (ਤੀਜੀ ਪੀੜ੍ਹੀ ਦੀ ਭਾਈਵਾਲੀ ਪ੍ਰੋਜੈਕਟ)-ਅਨੁਕੂਲ 5G ਸੈਟੇਲਾਈਟ ਨੈੱਟਵਰਕਾਂ ਤੋਂ 17 ਅਰਬ ਡਾਲਰ ਵਾਧੂ ਮਾਲੀਆ ਪੈਦਾ ਕਰਨਗੇ। ਇਹ ਸੋਮਵਾਰ ਨੂੰ ਇਕ ਨਵੀਂ ਰੀਪੋਰਟ ’ਚ ਕਿਹਾ ਗਿਆ ਹੈ।

ਜੂਨੀਪਰ ਰੀਸਰਚ ਅਨੁਸਾਰ ਇਕ 5G ਸੈਟੇਲਾਈਟ ਨੈੱਟਵਰਕ ਦੀ ਪਹਿਲੀ ਵਪਾਰਕ ਸ਼ੁਰੂਆਤ 2024 ’ਚ ਵਿਖਾਈ ਦੇਵੇਗੀ, ਜਿਸ ’ਚ 2030 ਤਕ 11 ਕਰੋੜ ਤੋਂ ਵੱਧ 3GPP-ਅਨੁਕੂਲ 5G ਸੈਟੇਲਾਈਟ ਕਨੈਕਸ਼ਨਾਂ ਹੋਣਗੇ।

ਇਸ ਵਾਧੇ ਦਾ ਲਾਭ ਉਠਾਉਣ ਲਈ, ਖੋਜਕਰਤਾਵਾਂ ਨੇ ਓਪਰੇਟਰਾਂ ਨੂੰ ਐਸ.ਐਨ.ਓ. (ਸੈਟੇਲਾਈਟ ਨੈਟਵਰਕ ਓਪਰੇਟਰਾਂ) ਨਾਲ ਤੁਰਤ ਸਾਂਝੇਦਾਰੀ ਨੂੰ ਤਰਜੀਹ ਦੇਣ ਦੀ ਅਪੀਲ ਕੀਤੀ ਜੋ ਜੀ.ਐਸ.ਓ. (ਜੀਓਸਟੇਸ਼ਨਰੀ ਔਰਬਿਟ) ਸੈਟੇਲਾਈਟ ਲਾਂਚ ਕਰ ਸਕਦੇ ਹਨ।

ਐਸ.ਐਨ.ਓ. ਕੋਲ ਅਗਲੀ ਪੀੜ੍ਹੀ ਦੇ ਸੈਟੇਲਾਈਟ ਹਾਰਡਵੇਅਰ ਨੂੰ ਪੁਲਾੜ ’ਚ ਲਾਂਚ ਕਰਨ ਦੀਆਂ ਸਮਰਥਾਵਾਂ ਹਨ, ਨਾਲ ਹੀ ਨਤੀਜੇ ’ਚ ਮਿਲਣ ਵਾਲੇ ਨੈੱਟਵਰਕਾਂ ਦੇ ਸੰਚਾਲਨ ਅਤੇ ਪ੍ਰਬੰਧਨ ਲਈ ਜ਼ਿੰਮੇਵਾਰ ਹਨ।

ਜੀ.ਐਸ.ਓ. ਸੈਟੇਲਾਈਟ ਧਰਤੀ ਦੇ ਨਾਲ-ਨਾਲ ਘੁੰਮਦੇ ਹਨ ਤਾਂ ਜੋ ਉਹ ਓਪਰੇਟਰ ਵਲੋਂ ਜਿਸ ਦੇਸ਼ ਨੂੰ ਸੇਵਾ ਦੇ ਰਹੇ ਹਨ ਉਸ ਉੱਪਰ ਹੀ ਰਹਿਣ ਅਤੇ ਨਿਰੰਤਰ ਇੰਟਰਨੈੱਟ ਪ੍ਰਦਾਨ ਕਰਦੇ ਰਹਿਣ।

ਇਸ ਤੋਂ ਇਲਾਵਾ, ਖੋਜਕਰਤਾਵਾਂ ਨੇ ਭਵਿੱਖਬਾਣੀ ਕੀਤੀ ਹੈ ਕਿ 6G ਵਿਕਾਸ ਤੇਜ਼ ਹੋਣ ਨਾਲ ਓਪਰੇਟਰ ਸੇਵਾ ਪ੍ਰਬੰਧ ਲਈ SNOs ’ਤੇ ਵੱਧ ਤੋਂ ਵੱਧ ਭਰੋਸਾ ਕਰਨਗੇ।

ਰੀਪੋਰਟ ਦੇ ਲੇਖਕ ਸੈਮ ਬਾਰਕਰ ਨੇ ਕਿਹਾ, ‘‘ਓਪਰੇਟਰਾਂ ਨੂੰ ਇਕ SNO ਪਾਰਟਨਰ ਦੀ ਚੋਣ ਕਰਨ ਵੇਲੇ ਨਾ ਸਿਰਫ਼ 5G ਸੈਟੇਲਾਈਟ ਸੇਵਾਵਾਂ ਬਾਰੇ ਸੋਚਣਾ ਚਾਹੀਦਾ ਹੈ, ਸਗੋਂ ਕਵਰੇਜ ਅਤੇ ਥਰੂਪੁੱਟ ਸਮਰੱਥਾਵਾਂ ਸਮੇਤ 6G ਨੈੱਟਵਰਕਾਂ ਲਈ ਅੱਗੇ ਦੀ ਯੋਜਨਾ ਬਾਰੇ ਵੀ ਸੋਚਣਾ ਚਾਹੀਦਾ ਹੈ।’’

ਇਸ ਤੋਂ ਇਲਾਵਾ, ਰੀਪੋਰਟ ’ਚ ਕਿਹਾ ਗਿਆ ਹੈ ਕਿ ਆਪਰੇਟਰਾਂ ਨੂੰ ਅਗਲੇ ਸੱਤ ਸਾਲਾਂ ’ਚ 5G ਸੈਟੇਲਾਈਟ ਕਨੈਕਟੀਵਿਟੀ ਮਾਲੀਆ ਵਧਾਉਣ ਲਈ ਇਕ ਪਲੇਟਫਾਰਮ ਵਜੋਂ ਮੋਬਾਈਲ ਗਾਹਕਾਂ ਅਤੇ ਉੱਦਮਾਂ ਨਾਲ ਅਪਣੇ ਪਹਿਲਾਂ ਤੋਂ ਮੌਜੂਦ ਬਿਲਿੰਗ ਸਬੰਧਾਂ ਦਾ ਲਾਭ ਉਠਾਉਣਾ ਚਾਹੀਦਾ ਹੈ।