ਇਕ ਦਿਨ ’ਚ ਸੋਨੇ ਦੀ ਕੀਮਤ 14,000 ਰੁਪਏ ਘਟੀ
ਨਵੀਂ ਦਿੱਲੀ: ਕਮਜ਼ੋਰ ਆਲਮੀ ਸੰਕੇਤਾਂ ਅਤੇ ਮਜ਼ਬੂਤ ਹੁੰਦੇ ਅਮਰੀਕੀ ਡਾਲਰ ਵਿਚਕਾਰ ਕੌਮੀ ਰਾਜਧਾਨੀ ਸਰਾਫਾ ਬਾਜ਼ਾਰ ’ਚ ਸੋਨੇ ਦੀਆਂ ਕੀਮਤਾਂ ’ਚ 14,000 ਰੁਪਏ ਪ੍ਰਤੀ 10 ਗ੍ਰਾਮ ਅਤੇ ਚਾਂਦੀ ਦੀ ਕੀਮਤ ’ਚ 20,000 ਰੁਪਏ ਪ੍ਰਤੀ ਕਿਲੋਗ੍ਰਾਮ ਦੀ ਭਾਰੀ ਗਿਰਾਵਟ ਆਈ ਹੈ।
ਬਾਜ਼ਾਰਾਂ ਮੁਤਾਬਕ 99.9 ਫੀ ਸਦੀ ਸ਼ੁੱਧਤਾ ਵਾਲਾ ਸੋਨਾ 14,000 ਰੁਪਏ ਜਾਂ 7.65 ਫੀ ਸਦੀ ਡਿੱਗ ਕੇ 1,69,000 ਰੁਪਏ ਪ੍ਰਤੀ 10 ਗ੍ਰਾਮ ਉਤੇ ਆ ਗਿਆ। ਦੂਜੇ ਪਾਸੇ ਚਾਂਦੀ 20,000 ਰੁਪਏ ਜਾਂ ਲਗਭਗ 5 ਫੀ ਸਦੀ ਡਿੱਗ ਕੇ 3,84,500 ਰੁਪਏ ਪ੍ਰਤੀ ਕਿਲੋਗ੍ਰਾਮ ਉਤੇ ਆ ਗਈ।
ਐਚ.ਡੀ.ਐਫ.ਸੀ. ਸਕਿਓਰਿਟੀਜ਼ ਦੇ ਸੀਨੀਅਰ ਵਿਸ਼ਲੇਸ਼ਕ - ਕਮੋਡਿਟੀਜ਼ ਸੌਮਿਲ ਗਾਂਧੀ ਨੇ ਕਿਹਾ, ‘‘ਸੋਨੇ ਅਤੇ ਚਾਂਦੀ ਦੀ ਕੀਮਤ ’ਚ ਸ਼ੁਕਰਵਾਰ ਨੂੰ ਵੱਡੀ ਕਮੀ ਆਈ। ਨਿਵੇਸ਼ਕ ਹਾਲ ਹੀ ਕੀਮਤਾਂ ’ਚ ਰੀਕਾਰਡ ਵਾਧੇ ਤੋਂ ਬਾਅਦ ਮੁਨਾਫਾ ਕਮਾਉਣ ਵਲ ਵਧੇ। ਇਹ ਗਿਰਾਵਟ ਮੁੱਖ ਤੌਰ ਉਤੇ ਵੱਡੇ ਸੰਸਥਾਗਤ ਖਿਡਾਰੀਆਂ ਵਲੋਂ ਲੰਮੇ ਸਮੇਂ ਤੋਂ ਸੰਭਾਲੀਆਂ ਕੀਮਤਾਂ ਧਾਤਾਂ ਵੇਚਣ ਕਾਰਨ ਹੋਈ, ਜਿਨ੍ਹਾਂ ਨੇ ਕੀਮਤਾਂ ’ਚ ਮਜ਼ਬੂਤ ਵਾਧੇ ਤੋਂ ਬਾਅਦ ਲਾਭ ਪ੍ਰਾਪਤ ਕਰਨ ਦੀ ਕੋਸ਼ਿਸ਼ ਕੀਤੀ।’’ ਉਨ੍ਹਾਂ ਨੇ ਅੱਗੇ ਕਿਹਾ ਕਿ ਅਮਰੀਕੀ ਡਾਲਰ ਵਿਚ ਮਜ਼ਬੂਤੀ ਨੇ ਸਰਾਫਾ ਬਾਜ਼ਾਰ ਉਤੇ ਹੋਰ ਦਬਾਅ ਪਾਇਆ।
