ਕੇਂਦਰੀ ਕੈਬਨਿਟ ਨੇ ਸਾਉਣੀ ਦੀਆਂ ਫਸਲਾਂ ਲਈ MSP ਨੂੰ ਪ੍ਰਵਾਨਗੀ ਦਿਤੀ, ਜਾਣੋ ਸਾਰੀਆਂ ਫ਼ਸਲਾਂ ਦੀਆਂ ਨਵੀਂਆਂ ਕੀਮਤਾਂ
Published : Jun 19, 2024, 9:23 pm IST
Updated : Jun 19, 2024, 9:23 pm IST
SHARE ARTICLE
Ashwani Vaishnav briefing medi about MSP for kharif crops. (Photo : PTI)
Ashwani Vaishnav briefing medi about MSP for kharif crops. (Photo : PTI)

ਸਰਕਾਰ ਨੇ ਝੋਨੇ ਦੇ ਘੱਟੋ-ਘੱਟ ਸਮਰਥਨ ਮੁੱਲ ’ਚ 117 ਰੁਪਏ ਦਾ ਵਾਧਾ ਕੀਤਾ

ਨਵੀਂ ਦਿੱਲੀ: ਸਰਕਾਰ ਨੇ ਸਾਉਣੀ ਮੰਡੀਕਰਨ ਸੀਜ਼ਨ 2024-25 ਲਈ ਝੋਨੇ ਦਾ ਘੱਟੋ-ਘੱਟ ਸਮਰਥਨ ਮੁੱਲ 5.35 ਫ਼ੀ ਸਦੀ ਵਧਾ ਕੇ 2,300 ਰੁਪਏ ਪ੍ਰਤੀ ਕੁਇੰਟਲ ਕਰ ਦਿਤਾ ਹੈ। ਝੋਨੇ ਦੇ ਸਮਰਥਨ ਮੁੱਲ ’ਚ ਵਾਧਾ ਸਰਕਾਰ ਕੋਲ ਚੌਲਾਂ ਦੇ ਵਾਧੂ ਸਟਾਕ ਦੇ ਬਾਵਜੂਦ ਕੀਤਾ ਗਿਆ ਹੈ। ਹਾਲਾਂਕਿ, ਹਰਿਆਣਾ, ਮਹਾਰਾਸ਼ਟਰ, ਝਾਰਖੰਡ ਅਤੇ ਦਿੱਲੀ ਵਰਗੇ ਸੂਬਿਆਂ ’ਚ ਚੋਣਾਂ ਤੋਂ ਪਹਿਲਾਂ ਇਹ ਇਕ ਮਹੱਤਵਪੂਰਨ ਕਦਮ ਹੈ। 

ਐਮ.ਐਸ.ਪੀ. ’ਚ ਵਾਧੇ ਦਾ ਐਲਾਨ ਕਰਦਿਆਂ ਸੂਚਨਾ ਅਤੇ ਪ੍ਰਸਾਰਣ ਮੰਤਰੀ ਅਸ਼ਵਨੀ ਵੈਸ਼ਣਵ ਨੇ ਕਿਹਾ ਕਿ ਕੈਬਨਿਟ ਨੇ ਖੇਤੀਬਾੜੀ ਲਾਗਤ ਅਤੇ ਮੁੱਲ ਕਮਿਸ਼ਨ (ਸੀ.ਏ.ਸੀ.ਪੀ.) ਦੀਆਂ ਸਿਫਾਰਸ਼ਾਂ ਦੇ ਅਧਾਰ ’ਤੇ ਸਾਉਣੀ ਦੀਆਂ 14 ਫਸਲਾਂ ਲਈ ਘੱਟੋ-ਘੱਟ ਸਮਰਥਨ ਮੁੱਲ (ਐਮ.ਐਸ.ਪੀ.) ਨੂੰ ਮਨਜ਼ੂਰੀ ਦੇ ਦਿਤੀ ਹੈ। 

ਵੈਸ਼ਣਵ ਨੇ ਪੱਤਰਕਾਰਾਂ ਨੂੰ ਦਸਿਆ ਕਿ ਆਉਣ ਵਾਲੇ ਸਾਉਣੀ ਸੀਜ਼ਨ ਲਈ ‘ਆਮ’ ਗਰੇਡ ਦੇ ਝੋਨੇ ਦਾ ਘੱਟੋ-ਘੱਟ ਸਮਰਥਨ ਮੁੱਲ 117 ਰੁਪਏ ਵਧਾ ਕੇ 2,300 ਰੁਪਏ ਪ੍ਰਤੀ ਕੁਇੰਟਲ ਕਰ ਦਿਤਾ ਗਿਆ ਹੈ, ਜਦਕਿ ‘ਏ’ ਗਰੇਡ ਦੀ ਕਿਸਮ ਲਈ ਇਹ ਵਧਾ ਕੇ 2,320 ਰੁਪਏ ਪ੍ਰਤੀ ਕੁਇੰਟਲ ਕਰ ਦਿਤਾ ਗਿਆ ਹੈ। 

ਮੰਤਰੀ ਨੇ ਕਿਹਾ ਕਿ ਸਰਕਾਰ ਨੇ 2018 ਦੇ ਕੇਂਦਰੀ ਬਜਟ ’ਚ ਇਕ ਸਪੱਸ਼ਟ ਨੀਤੀਗਤ ਫੈਸਲਾ ਲਿਆ ਸੀ ਕਿ ਐਮ.ਐਸ.ਪੀ. ਉਤਪਾਦਨ ਲਾਗਤ ਦਾ ਘੱਟੋ-ਘੱਟ ਡੇਢ ਗੁਣਾ ਹੋਣਾ ਚਾਹੀਦਾ ਹੈ ਅਤੇ ਤਾਜ਼ਾ ਐਮ.ਐਸ.ਪੀ. ਵਾਧੇ ’ਚ ਇਸ ਸਿਧਾਂਤ ਦੀ ਪਾਲਣਾ ਕੀਤੀ ਗਈ ਹੈ। ਉਨ੍ਹਾਂ ਕਿਹਾ ਕਿ ਲਾਗਤ ਦੀ ਗਣਨਾ ਸੀਏਸੀਪੀ ਵਲੋਂ ਵਿਗਿਆਨਕ ਤੌਰ ’ਤੇ ਕੀਤੀ ਗਈ ਹੈ। 

ਭਾਰਤੀ ਖੁਰਾਕ ਨਿਗਮ ਕੋਲ ਇਸ ਸਮੇਂ ਲਗਭਗ 53.4 ਮਿਲੀਅਨ ਟਨ ਚੌਲਾਂ ਦਾ ਰੀਕਾਰਡ ਸਟਾਕ ਹੈ, ਜੋ 1 ਜੁਲਾਈ ਤਕ ਲੋੜੀਂਦੇ ਬਫਰ ਤੋਂ ਚਾਰ ਗੁਣਾ ਹੈ। ਇਹ ਬਿਨਾਂ ਕਿਸੇ ਨਵੀਂ ਖਰੀਦ ਦੇ ਇਕ ਸਾਲ ਲਈ ਭਲਾਈ ਸਕੀਮਾਂ ਤਹਿਤ ਮੰਗ ਨੂੰ ਪੂਰਾ ਕਰਨ ਲਈ ਕਾਫ਼ੀ ਹੈ। ਆਈ.ਐਮ.ਡੀ. ਦੇ ਅਨੁਸਾਰ, 1 ਜੂਨ ਨੂੰ ਮਾਨਸੂਨ ਦੀ ਸ਼ੁਰੂਆਤ ਤੋਂ ਬਾਅਦ ਦੇਸ਼ ’ਚ ਲਗਭਗ 20 ਫ਼ੀ ਸਦੀ ਘੱਟ ਬਾਰਸ਼ ਹੋਈ ਹੈ। ਇਸ ਦੇ ਬਾਵਜੂਦ ਹੁਣ ਮੌਸਮ ਦੀ ਸਥਿਤੀ ਮੀਂਹ ਦੇ ਅੱਗੇ ਵਧਣ ਲਈ ਅਨੁਕੂਲ ਹੈ। 

ਝੋਨੇ ਤੋਂ ਇਲਾਵਾ ਮੱਕੀ ਲਈ ਐਮ.ਐਸ.ਪੀ. 2225 ਰੁਪਏ ਕੀਤਾ ਗਿਆ ਹੈ ਜੋ ਕਿ ਪਿਛਲੇ ਸਾਲ ਨਾਲੋਂ 135 ਰੁਪਏ ਜ਼ਿਆਦਾ ਹੈ। ਕਪਾਹ ਲਈ ਦਰਮਿਆਨੇ ਰੇਸ਼ੇ ਦਾ ਮੁੱਖ 501 ਰੁਪਏ ਵਧਾ ਕੇ 7121 ਰੁਪਏ ਕਰ ਦਿਤਾ ਗਿਆ ਹੈ ਜਦਕਿ ਲੰਮੇ ਰੇਸ਼ੇ ਦਾ ਮੁੱਖ ਵਧਾ ਕੇ 7521 ਰੁਪਏ ਕਰ ਦਿਤਾ ਗਿਆ ਹੈ। ਅਰਹਰ ਦੀ ਦਾਲ ਦਾ ਐਮ.ਐਸ.ਪੀ. 550 ਰੁਪਏ ਵਧਾ ਕੇ 7550 ਕਰ ਦਿਤਾ ਗਿਆ ਹੈ। ਮੂੰਗੀ ਦੀ ਦਾਲ ਦਾ ਐਮ.ਐਸ.ਪੀ. 8682 ਰੁਪਏ ਕਰ ਦਿਤਾ ਗਿਆ ਹੈ, ਜੋ ਪਿਛਲੇ ਸਾਲ ਨਾਲੋਂ 124 ਰੁਪਏ ਜ਼ਿਆਦਾ ਹੈ। ਮੁੰਗਫਲੀ ਦਾ ਐਮ.ਐਸ.ਪੀ. 6783 ਰੁਪਏ ਰਖਿਆ ਗਿਆ ਹੈ ਜੋ ਪਿਛਲੇ ਸਾਲ ਤੋਂ 406 ਰੁਪਏ ਜ਼ਿਆਦਾ ਹੈ।

ਸੂਰਜਮੁਖੀ ਦੇ ਬੀਜਾਂ ਦਾ ਐਮ.ਐਸ.ਪੀ. ਪਿਛਲੇ ਸਾਲ ਤੋਂ 520 ਰੁਪਏ ਜ਼ਿਆਦਾ 7280 ਰੁਪਏ ਹੋਵੇਗਾ। ਸਭ ਤੋਂ ਜ਼ਿਆਦਾ ਐਮ.ਐਸ.ਪੀ. ਕਾਲੇ ਤਿਲਾਂ (ਨਾਈਜਰ ਸੀਡ) ਲਈ 983 ਰੁਪਏ ਵਧਾਇਆ ਗਿਆ ਜੋ ਹੁਣ 8717 ਰੁਪਏ ਪ੍ਰਤੀ ਕੁਇੰਟਲ ਹੋਵੇਗਾ।  

 

ਫ਼ਸਲ

MSP

ਵਾਧਾ

ਝੋਨਾ (ਆਮ ਗ੍ਰੇਡ)

2300

117

ਝੋਨਾ (ਏ ਗ੍ਰੇਡ)

2320

117

ਜਵਾਰ (ਹਾਈਬ੍ਰਿਡ)

3371

191

ਜਵਾਰ (ਮਾਲਦਾਂਡੀ)

3421

196

ਬਾਜਰਾ

2625

125

ਰਾਗੀ

4290

444

ਮੱਕੀ

2225

135

ਅਰਹਰ

7550

550

ਮੂੰਗੀ

8682

124

ਉੜਦ

7400

450

ਮੂੰਗਫਲੀ

6783

406

ਸੂਰਜਮੁਖੀ ਬੀਜ

7280

520

ਸੋਇਆਬੀਨ

4892

292

ਤਿਲ

9267

632

ਕਾਲੇ ਤਿਲ

8717

983

ਕਪਾਹ (ਦਰਮਿਆਨਾ ਰੇਸ਼ਾ)

7121

501

ਕਪਾਹ (ਲੰਮਾ ਰੇਸ਼ਾ)

7521

501

Tags: paddy, msp

SHARE ARTICLE

ਏਜੰਸੀ

Advertisement

5 ਸਿੰਘ ਸਾਹਿਬਾਨਾਂ ਨੇ ਮੀਟਿੰਗ ਮਗਰੋਂ ਲੈ ਲਿਆ ਅਹਿਮ ਫ਼ੈਸਲਾ, ਸਾਬਕਾ ਜਥੇਦਾਰ ਸੁਣਾਈ ਵੱਡੀ ਸਜ਼ਾ!

19 Jul 2024 10:02 AM

Latest Amritsar News: ਹੈਵਾਨੀਅਤ ਦਾ ਨੰ*ਗਾ ਨਾਚ, 2 ਕੁੜੀਆਂ ਨਾਲ ਕੀਤਾ ਬ*ਲਾਤ*ਕਾਰ, ਮੌਕੇ 'ਤੇ ਪਹੁੰਚਿਆ ਪੱਤਰਕਾਰ

19 Jul 2024 10:21 AM

Chandigarh News: ਹੋ ਗਈਆਂ Cab ਬੰਦ !, Driver ਕਹਿੰਦੇ, "ਜਲੂਸ ਨਿਕਲਿਆ ਪਿਆ ਸਾਡਾ" | Latest Punjab News

19 Jul 2024 10:19 AM

Amritsar News: SGPC ਦੇ ਮੁਲਾਜ਼ਮ ਨੇ Market ਚ ਲਾ ‘ਤੀ ਗੱਡੀ, ਉੱਤੋਂ ਆ ਗਈ Police, ਹੋ ਗਿਆ ਵੱਡਾ ਹੰਗਾਮਾ!

19 Jul 2024 10:13 AM

Big Breaking : Sangrur ਤੇ Bathinda ਵਾਲਿਆਂ ਨੇ ਤੋੜੇ ਸਾਰੇ ਰਿਕਾਰਡ, ਪੰਜਾਬ 'ਚ ਵੋਟਾਂ ਦਾ ਰਿਕਾਰਡ ਦਰਜ...

19 Jul 2024 10:10 AM
Advertisement