ਪੈਪਸੀਕੋ, ਕੋਕਾ ਕੋਲਾ ਅਤੇ ਬਿਸਲਰੀ ਵਰਗੀ ਟਾਪ ਕੋਲਡ ਡਰਿੰਕਸ ਕੰਪਨੀਆਂ ਹੁਣ ਅਪਣੀ ਪਲਾਸਟਿਕ ਦੀਆਂ ਬੋਤਲਾਂ ਨੂੰ ਗਾਹਕ ਤੋਂ ਖਰੀਦ ਲੈਣਗੀਆਂ। ਕੰਪਨੀਆਂ ਨੇ ਅਪਣੀ...
ਨਵੀਂ ਦਿੱਲੀ : ਪੈਪਸੀਕੋ, ਕੋਕਾ ਕੋਲਾ ਅਤੇ ਬਿਸਲਰੀ ਵਰਗੀ ਟਾਪ ਕੋਲਡ ਡਰਿੰਕਸ ਕੰਪਨੀਆਂ ਹੁਣ ਅਪਣੀ ਪਲਾਸਟਿਕ ਦੀਆਂ ਬੋਤਲਾਂ ਨੂੰ ਗਾਹਕ ਤੋਂ ਖਰੀਦ ਲੈਣਗੀਆਂ। ਕੰਪਨੀਆਂ ਨੇ ਅਪਣੀ ਪਲਾਸਟਿਕ ਦੀਆਂ ਬੋਤਲਾਂ ਉਤੇ ਬਾਇਬੈਕ ਵੈਲਿਊ ਵੀ ਲਿਖਣਾ ਸ਼ੁਰੂ ਕਰ ਦਿਤਾ ਹੈ। ਮਹਾਰਾਸ਼ਟਰ ਵਿਚ ਵਿਕਣ ਵਾਲੀ ਕੋਲਡ ਡਰਿੰਕਸ ਦੀਆਂ ਬੋਤਲਾਂ ਨੂੰ ਲੈ ਕੇ ਕੰਪਨੀਆਂ ਨੇ ਅਪਣੇ ਆਪ ਇਹ ਫੈਸਲਾ ਲਿਆ ਹੈ।
Plastic
ਹਾਲ ਹੀ ਵਿਚ ਸੂਬੇ 'ਚ ਪਲਾਸਟਿਕ 'ਤੇ ਪੂਰੀ ਤਰ੍ਹਾਂ ਨਾਲ ਰੋਕ ਲਗਾਏ ਜਾਣ ਫ਼ੈਸਲਾ ਲਿਆ ਗਿਆ ਹੈ। ਸਰਕਾਰ ਨੇ ਕੰਪਨੀਆਂ ਨੂੰ ਬੋਤਲਾਂ ਦੀ ਬਾਇਬੈਕ ਵੈਲਿਊ ਤੈਅ ਕਰਨ ਨੂੰ ਲੈ ਕੇ ਅਪਣੇ ਵੱਲ ਤੋਂ ਛੋਟ ਦਿਤੀ ਹੈ ਪਰ ਜ਼ਿਆਦਾਤਰ ਕੰਪਨੀਆਂ ਨੇ ਇਕ ਬੋਤਲ ਦੀ ਕੀਮਤ 15 ਰੁਪਏ ਤੱਕ ਤੈਅ ਕੀਤੀ ਹੈ। ਹਾਲਾਂਕਿ ਇੰਡਸਟਰੀ ਦੇ ਹੀ ਕੁੱਝ ਅਧਿਕਾਰੀਆਂ ਦਾ ਕਹਿਣਾ ਹੈ ਕਿ ਬਾਇਬੈਕ ਸਿਸਟਮ ਫੁਲਪ੍ਰੂਫ ਨਹੀਂ ਹੈ ਅਤੇ ਇਸ ਤੋਂ ਹੋਰ ਦਿੱਕਤਾਂ ਪੈਦਾ ਹੋ ਸਕਦੀਆਂ ਹਨ।
Bisleri
ਬਿਸਲਰੀ ਦੇ ਚੇਅਰਮੈਨ ਰਮੇਸ਼ ਚੌਹਾਣ ਨੇ ਕਿਹਾ ਕਿ ਪਲਾਸਟਿਕ ਨੂੰ ਰੀਸਾਈਕਿਲ ਕਰਨ ਦੀ ਵਿਵਸਥਾ ਪਹਿਲਾਂ ਤੋਂ ਹੀ ਹੈ। ਹੁਣ ਸਾਨੂੰ ਜ਼ਰੂਰਤ ਇਸ ਗੱਲ ਦੀ ਹੈ ਕਿ ਇਸ ਨੂੰ ਜ਼ਿਆਦਾ ਪਰਭਾਵੀ ਅਤੇ ਸਬੰਧਤ ਪੱਖਾਂ ਲਈ ਲਾਭਦਾਈ ਬਣਾਉਣ ਦੀ ਹੈ। ਪੈਪਸੀ ਦੇ ਬੁਲਾਰੇ ਨੇ ਕਿਹਾ ਕਿ ਕੰਪਨੀ ਨੇ ਹੁਣ ਅਪਣੀ ਪਲਾਸਟਿਕ ਬੋਤਲਾਂ ਦੀ ਰੀਸਾਈਕਲ ਵੈਲਿਊ 15 ਰੁਪਏ ਤੈਅ ਕੀਤੀ ਹੈ।
Pepsi
ਮਹਾਰਾਸ਼ਟਰ ਵਿਚ ਵਿਕਣ ਵਾਲੀ ਬੋਤਲਾਂ 'ਤੇ ਇਹ ਬਾਇਬੈਕ ਵੈਲਿਊ ਲਿਖੀ ਜਾ ਰਹੀ ਹੈ। ਪੈਪਸੀ ਦੇ ਬੁਲਾਰੇ ਨੇ ਕਿਹਾ ਕਿ ਹਮ ਜੇਮ ਐਨਵਾਇਰੋ ਦੇ ਨਾਲ ਮਿਲ ਕੇ ਕੰਮ ਕਰ ਰਹੇ ਹਨ। ਇਹ ਕੰਪਨੀ ਰਿਵਰਸ ਵੇਂਡਿੰਗ ਮਸ਼ੀਨਾਂ ਸੈਟ ਕਰੇਗੀ, ਕਲੈਕਸ਼ਨ ਪੁਆਇੰਟਸ ਬਣਾਏਗੀ। ਰਾਜ ਵਿਚ ਬਾਇਬੈਕ ਪ੍ਰੋਗਰਾਮ ਨੂੰ ਅੱਗੇ ਵਧਾਉਣ ਲਈ ਇਹ ਕੋਸ਼ਿਸ਼ ਕੀਤੇ ਜਾਣਗੇ ਅਤੇ ਸੂਬੇ ਵਿਚ ਕਈ ਜਗ੍ਹਾਵਾਂ 'ਤੇ ਬੋਤਲਾਂ ਦੇ ਕਲੈਕਸ਼ਨ ਲਈ ਸੈਂਟਰ ਬਣਨਗੇ।
