60 ਸਾਲਾ ਮੈਕੈਲਨ 1926 ਫਾਈਨ ਅਤੇ ਦੁਰਲੱਭ ਵਿਸਕੀ ਨਿਲਾਮੀਕਰਤਾ ਦੁਆਰਾ ਵੇਚੀਆਂ ਜਾ ਰਹੀਆਂ ਲਗਭਗ 2,000 ਬੋਤਲਾਂ ਵਿਚੋਂ ਇੱਕ ਹੈ

 1926 Macallan whiskey:  - ਕਿਹਾ ਜਾਂਦਾ ਹੈ ਕਿ ਵਾਈਨ ਜਿੰਨੀ ਪੁਰਾਣੀ ਹੋਵੇ, ਓਨੀ ਹੀ ਵਧੀਆ ਹੈ, ਪਰ ਚੰਗੀ ਹੋਣ ਦੇ ਨਾਲ-ਨਾਲ ਇਹ ਕੀਮਤੀ ਵੀ ਬਣ ਜਾਂਦੀ ਹੈ। ਵਾਈਨ ਦੀ ਦੁਰਲੱਭਤਾ ਕਾਰਨ, ਉਹ ਕਈ ਵਾਰ ਨਿਲਾਮ ਵੀ ਹੋ ਜਾਂਦੀ ਹੈ। ਅਜਿਹੀ ਹੀ ਇੱਕ ਨਿਲਾਮੀ ਇਸ ਹਫ਼ਤੇ ਦੇ ਅੰਤ ਵਿੱਚ ਆਸਟ੍ਰੇਲੀਆ ਵਿਚ ਹੋਣ ਵਾਲੀ ਹੈ, ਜਿਸ ਵਿਚ ਵਿਸਕੀ ਦੀ ਇੱਕ ਦੁਰਲੱਭ ਬੋਤਲ ਦੇ ਵਿਸ਼ਵ ਰਿਕਾਰਡ ਨੂੰ ਤੋੜਨ ਦੀ ਉਮੀਦ ਹੈ। ਸਕਾਟਿਸ਼ ਕੋਰੀਅਰ ਅਖ਼ਬਾਰ ਦੇ ਅਨੁਸਾਰ, ਪਰਥ ਸਥਿਤ ਵਿਸਕੀ ਨਿਲਾਮੀ ਕੰਪਨੀ ਨੂੰ ਉਮੀਦ ਹੈ ਕਿ ਇਹ ਬੋਤਲ 1.2 ਮਿਲੀਅਨ ਪੌਂਡ ਯਾਨੀ ਲਗਭਗ 10 ਕਰੋੜ ਰੁਪਏ ਵਿਚ ਵਿਕ ਸਕਦੀ ਹੈ। 

60 ਸਾਲਾ ਮੈਕੈਲਨ 1926 ਫਾਈਨ ਅਤੇ ਦੁਰਲੱਭ ਵਿਸਕੀ ਨਿਲਾਮੀਕਰਤਾ ਦੁਆਰਾ ਵੇਚੀਆਂ ਜਾ ਰਹੀਆਂ ਲਗਭਗ 2,000 ਬੋਤਲਾਂ ਵਿਚੋਂ ਇੱਕ ਹੈ। ਪਹਿਲੀਆਂ 2,000 ਬੋਤਲਾਂ ਪਿਛਲੇ ਸਾਲ ਦਸੰਬਰ ਵਿਚ ਵਿਕੀਆਂ ਸਨ। ਰਿਪੋਰਟਾਂ ਦੇ ਅਨੁਸਾਰ, ਕੋਲੋਰਾਡੋ ਦੇ ਇੱਕ ਨਿੱਜੀ ਕੁਲੈਕਟਰ ਮਿਸਟਰ ਗੁਡਿੰਗ ਨੇ ਵਿਸਕੀ ਦੀਆਂ 4000 ਬੋਤਲਾਂ ਦਾ ਸੰਗ੍ਰਹਿ ਇਕੱਠਾ ਕੀਤਾ ਹੈ ਅਤੇ ਇਹ ਨਿਲਾਮੀ ਲਈ ਜਾਣ ਲਈ ਆਪਣੀ ਕਿਸਮ ਦਾ ਸਭ ਤੋਂ ਵੱਡਾ ਸੰਗ੍ਰਹਿ ਦੱਸਿਆ ਜਾਂਦਾ ਹੈ। ਸੰਗ੍ਰਹਿ ਵਿਚ ਮੈਕੈਲਨ, ਬੋਮੋਰ ਅਤੇ ਸਪਰਿੰਗਬੈਂਕ ਡਿਸਟਿਲਰੀਆਂ ਦੀਆਂ ਦੁਰਲੱਭ ਬੋਤਲਾਂ ਸ਼ਾਮਲ ਹਨ।  

ਮਿਸਟਰ ਗੁਡਿੰਗ ਡੇਨਵਰ ਦੀ ਪੈਪਸੀ ਬੌਲਿੰਗ ਕੰਪਨੀ ਦੇ ਸਾਬਕਾ ਮਾਲਕ ਅਤੇ ਪ੍ਰਧਾਨ ਸਨ। ਕੰਪਨੀ ਅਮਰੀਕਾ ਵਿਚ ਸਭ ਤੋਂ ਵੱਡੇ ਸਾਫਟ ਡਰਿੰਕ ਵਿਤਰਕਾਂ ਵਿਚੋਂ ਇੱਕ ਸੀ। 2014 ਵਿਚ ਮਿਸਟਰ ਗੁਡਿੰਗ ਦੀ ਮੌਤ ਤੋਂ ਬਾਅਦ, ਉਸ ਦੇ ਪਰਿਵਾਰ ਨੇ ਵਿਸਕੀ ਨਿਲਾਮੀ ਕਰਨ ਵਾਲਿਆਂ ਨਾਲ ਦੋ ਵੱਖ-ਵੱਖ ਨਿਲਾਮੀ ਵਿਚ ਸੰਗ੍ਰਹਿ ਵੇਚਣ ਦਾ ਪ੍ਰਬੰਧ ਕੀਤਾ। ਦਸੰਬਰ 2019 ਵਿਚ ਹੋਈ ਪਹਿਲੀ ਨਿਲਾਮੀ ਵਿਚ 56 ਦੇਸ਼ਾਂ ਦੇ 1600 ਤੋਂ ਵੱਧ ਲੋਕਾਂ ਨੇ ਬੋਲੀ ਲਗਾਈ ਸੀ। ਇਸ ਨਿਲਾਮੀ ਵਿਚ ਵਿਸਕੀ ਦੀਆਂ ਦੁਰਲੱਭ ਬੋਤਲਾਂ ਲਗਭਗ 31 ਕਰੋੜ ਰੁਪਏ ਵਿਚ ਵਿਕੀਆਂ।    

ਪਰਥ-ਅਧਾਰਤ ਵਿਸਕੀ ਨਿਲਾਮੀਕਰਤਾ ਨੂੰ ਉਮੀਦ ਹੈ ਕਿ ਵਿਸਕੀ ਦੀ ਵਿਕਰੀ ਦੇ ਦੂਜੇ ਅੱਧ ਵਿਚ ਦੁਨੀਆ ਭਰ ਦੇ ਸੰਭਾਵੀ ਖਰੀਦਦਾਰਾਂ ਦੀ ਵਧੇਰੇ ਦਿਲਚਸਪੀ ਹੋਵੇਗੀ। ਇਸ ਪੂਰੀ ਨਿਲਾਮੀ ਤੋਂ 67 ਕਰੋੜ ਤੋਂ 77 ਕਰੋੜ ਰੁਪਏ ਮਿਲਣ ਦੀ ਉਮੀਦ ਹੈ। 

(For more news apart from  1926 Macallan whiskey , stay tuned to Rozana Spokesman)