ਦੇਸ਼ ਦੇ ਕਈ ਹਿੱਸੀਆਂ ਤੋਂ 10 ਰੁਪਏ ਦੇ ਕੁੱਝ ਸਿੱਕਿਆਂ ਨੂੰ ਦੁਕਾਨਦਾਰਾਂ ਜਾਂ ਪਬਲਿਕ ਵਲੋਂ ਸਵੀਕਾਰ ਨਾ ਕੀਤੇ ਜਾਣ ਦੀਆਂ ਖਬਰਾਂ ਆਉਂਦੀਆਂ ਰਹੀਆਂ ਹਨ...
ਨਵੀਂ ਦਿੱਲੀ : (ਭਾਸ਼ਾ) ਦੇਸ਼ ਦੇ ਕਈ ਹਿੱਸੀਆਂ ਤੋਂ 10 ਰੁਪਏ ਦੇ ਕੁੱਝ ਸਿੱਕਿਆਂ ਨੂੰ ਦੁਕਾਨਦਾਰਾਂ ਜਾਂ ਪਬਲਿਕ ਵਲੋਂ ਸਵੀਕਾਰ ਨਾ ਕੀਤੇ ਜਾਣ ਦੀਆਂ ਖਬਰਾਂ ਆਉਂਦੀਆਂ ਰਹੀਆਂ ਹਨ। ਹੁਣ ਇਹ ਮਾਮਲਾ ਸੰਸਦ ਵਿਚ ਵੀ ਉਠਿਆ ਹੈ। ਰਾਸ਼ਟਰੀ ਜਨਤਾ ਦਲ ਦੇ ਸੰਸਦ ਜੈਪ੍ਰਕਾਸ਼ ਨਰਾਇਣ ਯਾਦਵ ਨੇ ਲੋਕਸਭਾ ਵਿਚ ਸਿਫ਼ਰ ਕਾਲ ਦੇ ਦੌਰਾਨ ਇਸ ਮੁੱਦੇ ਨੂੰ ਚੁੱਕਿਆ। ਯਾਦਵ ਨੇ ਕਿਹਾ ਕਿ ਬਿਹਾਰ ਅਤੇ ਝਾਰਖੰਡ ਵਿਚ ਬਹੁਤ ਸਾਰੇ ਸਥਾਨਾਂ 'ਤੇ ਕੁੱਝ ਤਰ੍ਹਾਂ ਦੇ 10 ਰੁਪਏ ਦੇ ਸਿੱਕਿਆਂ ਨੂੰ ਸਵੀਕਾਰ ਨਹੀਂ ਕੀਤਾ ਜਾ ਰਿਹਾ ਹੈ।
ਦੱਸ ਦਈਏ ਕਿ 10 ਰੁਪਏ ਦੇ ਸਿੱਕਿਆਂ ਦੇ ਕੁੱਲ 14 ਡਿਜ਼ਾਈਨ ਉਪਲੱਬਧ ਹਨ, ਇਨ੍ਹਾਂ ਦੇ ਚਲਦੇ ਕਈ ਵਾਰ ਭੁਲੇਖੇ ਦੀ ਸਥਿਤੀ ਪੈਦਾ ਹੋ ਜਾਂਦੀ ਹੈ। ਰਿਜ਼ਰਵ ਬੈਂਕ ਵਲੋਂ ਕਈ ਵਾਰ ਸਪਸ਼ਟੀਕਰਨ ਦੇਣ ਦੇ ਬਾਵਜੂਦ 10 ਰੁਪਏ ਦੇ ਸਿੱਕਿਆਂ ਨੂੰ ਲੈ ਕੇ ਲੋਕਾਂ ਦੇ ਵਿਚ ਹਾਲੇ ਵੀ ਕਾਫ਼ੀ ਸ਼ੱਕ ਹਨ। 10 ਰੁਪਏ ਦੇ ਸਿੱਕਿਆਂ ਨੂੰ ਲੈਣ ਵਿਚ ਲੋਕ ਹਾਲੇ ਵੀ ਟਾਲ-ਮਟੋਲ ਕਰਦੇ ਹਨ। ਆਲਮ ਇਹ ਹੈ ਕਿ ਬੈਂਕਾਂ ਦੇ ਕੋਲ ਹੁਣ 10 ਰੁਪਏ ਦੇ ਸਿੱਕਿਆਂ ਨੂੰ ਸਟੋਰ ਕਰਨ ਦੀ ਜਗ੍ਹਾ ਤੱਕ ਘੱਟ ਪੈ ਚੁੱਕੀ ਹੈ।
RBI
ਇਸ ਸਾਲ ਜਨਵਰੀ ਵਿਚ ਰਿਜ਼ਰਵ ਬੈਂਕ ਨੇ ਇਕ ਬਿਆਨ ਜਾਰੀ ਕਰਦੇ ਹੋਏ ਕਿਹਾ ਸੀ ਕਿ ਆਰਬੀਆਈ ਦੇ ਇਹ ਧਿਆਨ ਵਿਚ ਆਇਆ ਹੈ ਕਿ ਕੁੱਝ ਥਾਵਾਂ 'ਤੇ ਲੋਕ ਅਤੇ ਦੁਕਾਨਦਾਰ 10 ਰੁਪਏ ਦੇ ਸਿੱਕਿਆਂ ਨੂੰ ਨਕਲੀ ਹੋਣ ਦੇ ਸ਼ੱਕ ਵਿਚ ਲੈਣ ਤੋਂ ਇਨਕਾਰ ਕਰਦੇ ਹਨ। ਆਰਬੀਆਈ ਨੇ ਸਪੱਸ਼ਟ ਕੀਤਾ ਸੀ ਕਿ ਹਾਲੇ ਤੱਕ ਰਿਜ਼ਰਵ ਬੈਂਕ ਨੇ 10 ਰੁਪਏ ਦੇ ਸਿੱਕਿਆਂ ਦੇ 14 ਡਿਜ਼ਾਈਨ ਜਾਰੀ ਕੀਤੇ ਹਨ। ਇਹ ਸਾਰੇ ਸਿੱਕੇ ਲੀਗਲ ਟੈਂਡਰ ਹਨ ਅਤੇ ਲੈਣ - ਦੇਣ ਵਿਚ ਇਨ੍ਹਾਂ ਦਾ ਇਸਤੇਮਾਲ ਕੀਤਾ ਜਾ ਸਕਦਾ ਹੈ।
ਆਰਬੀਆਈ ਵਲੋਂ ਜਾਰੀ 14 ਡਿਜ਼ਾਈਨ ਦੇ 10 ਰੁਪਏ ਦੇ ਸਿੱਕਿਆਂ ਦੀ ਪੂਰੀ ਜਾਣਕਾਰੀ
10 Rupee Coin
1 . ਸੱਭ ਤੋਂ ਨਵਾਂ 10 ਰੁਪਏ ਦਾ ਸਿੱਕਾ ਪਿਛਲੇ ਸਾਲ ਜੂਨ ਵਿਚ ਸ਼੍ਰੀ ਰਾਮਚੰਦਰ ਦੀ 150ਵੀਂ ਜਯੰਤੀ ਦੇ ਮੌਕੇ 'ਤੇ ਜਾਰੀ ਕੀਤਾ ਗਿਆ ਸੀ।
10 Rupee Coin
2 . ਅਪ੍ਰੈਲ 2017 ਵਿਚ ਰਾਸ਼ਟਰੀ ਅਭਿਲੇਖਾਗਾਰ ਦੇ 125 ਸਾਲ ਹੋਣ 'ਤੇ 10 ਰੁਪਏ ਦੇ ਸਿੱਕੇ ਜਾਰੀ ਕੀਤੇ ਗਏ।
10 Rupee Coin
3 . ਜੂਨ 2016 ਵਿਚ ਸਵਾਮੀ ਚਿੰਮਯਾਨੰਦ ਦੀ ਜਨਮ ਦਿਵਸ ਦੇ ਮੌਕੇ 'ਤੇ 10 ਰੁਪਏ ਦਾ ਸਿੱਕਾ ਜਾਰੀ ਕੀਤਾ ਗਿਆ।
10 Rupee Coin
4 . ਜਨਵਰੀ 2016 ਵਿਚ 10 ਰੁਪਏ ਦਾ ਸਿੱਕਾ ਡਾ. ਭੀਮਰਾਵ ਅੰਬੇਡਕਰ ਦੀ 125ਵੀਂ ਜਯੰਤੀ 'ਤੇ ਜਾਰੀ ਕੀਤਾ ਗਿਆ ਸੀ।
10 Rupee Coin
5 . ਜੁਲਾਈ 2015 ਵਿਚ ਅੰਤਰਰਾਸ਼ਟਰੀ ਯੋਗ ਦਿਵਸ 'ਤੇ 10 ਰੁਪਏ ਦਾ ਸਿੱਕਾ ਜਾਰੀ ਕੀਤਾ ਗਿਆ।
10 Rupee Coin
6 . ਮਹਾਤਮਾ ਗਾਂਧੀ ਦੇ ਦੱਖਣ ਅਫ਼ਰੀਕਾ ਤੋਂ ਪਰਤਣ ਦੇ 100 ਸਾਲ ਪੂਰੇ ਹੋਣ ਦੇ ਮੌਕੇ 'ਤੇ 16 ਅਪ੍ਰੈਲ 2015 ਨੂੰ 10 ਰੁਪਏ ਦਾ ਵਿਸ਼ੇਸ਼ ਸਿੱਕਾ ਜਾਰੀ ਕੀਤਾ ਗਿਆ।
10 Rupee Coin
7 . ਕਵਾਇਰ ਬੋਰਡ ਦੀ ਡਾਇਮੰਡ ਜੁਬਲੀ ਯਾਨੀ 60 ਸਾਲ ਪੂਰੇ ਹੋਣ 'ਤੇ ਵਿਸ਼ੇਸ਼ 10 ਰੁਪਏ ਦਾ ਸਿੱਕਾ ਜੁਲਾਈ 2014 ਵਿਚ ਜਾਰੀ ਕੀਤਾ ਗਿਆ।
10 Rupee Coin
8 . ਅਗਸਤ 2013 ਵਿਚ ਰਿਜ਼ਰਵ ਬੈਂਕ ਨੇ ਮਾਤਾ ਵੈਸ਼ਣੋ ਦੇਵੀ ਸ਼ਰਾਇਨ ਬੋਰਡ ਦੇ 25 ਸਾਲ ਪੂਰੇ ਹੋਣ 'ਤੇ 10 ਰੁਪਏ ਦਾ ਵਿਸ਼ੇਸ਼ ਸਿੱਕਾ ਜਾਰੀ ਕੀਤਾ ਗਿਆ।
10 Rupee Coin
9 . ਜੂਨ 2012 ਵਿਚ ਭਾਰਤੀ ਸੰਸਦ ਦੇ 60 ਸਾਲ ਪੂਰੇ ਹੋਣ 'ਤੇ 10 ਰੁਪਏ ਦੇ ਨਵੇਂ ਸਿੱਕੇ ਜਾਰੀ ਕੀਤੇ ਗਏ।
10 Rupee Coin
10 . ਜੁਲਾਈ 2011 ਵਿਚ 10 ਰੁਪਏ ਦੇ ਸਿੱਕਿਆਂ ਦੀ ਨਵੀਂ ਸੀਰੀਜ਼ ਜਾਰੀ ਕੀਤੀ ਗਈ ਸੀ।
10 Rupee Coin
11 . ਅਪ੍ਰੈਲ 2010 ਵਿਚ ਆਰਬੀਆਈ ਦੇ 75 ਸਾਲ ਪੂਰੇ ਹੋਣ 'ਤੇ 10 ਰੁਪਏ ਦੇ ਸਿੱਕੇ ਜਾਰੀ ਹੋਏ।
10 Rupee Coin
12 . ਹੋਮੀ ਬਾਬਾ ਦੀ ਜਯੰਤੀ ਦੇ ਮੌਕੇ 'ਤੇ 10 ਰੁਪਏ ਦੇ ਸਿੱਕੇ ਫ਼ਰਵਰੀ 2010 ਵਿਚ ਜਾਰੀ ਕੀਤੇ ਗਏ।
10 Rupee Coin
13 . ਮਾਰਚ 2009 ਵਿਚ 'ਅਨੇਕਤਾ ਮੇਂ ਏਕਤਾ' ਥੀਮ 'ਤੇ ਬਾਇ - ਮਟੈਲਿਕ 10 ਰੁਪਏ ਦੇ ਸਿੱਕੇ ਜਾਰੀ ਕੀਤੇ ਗਏ।
10 Rupee Coin
14 . 2009 ਵਿਚ ਹੀ ਕਨੈਕਟਿਵਿਟੀ ਅਤੇ ਇਨਫ਼ਾਰਮੇਸ਼ਨ ਟੈਕਨਾਲਜੀ ਦੀ ਥੀਮ 'ਤੇ ਸਿੱਕਿਆਂ ਦਾ ਬੈਚ ਜਾਰੀ ਕੀਤਾ ਗਿਆ ਸੀ।
