ਸੋਨੇ ਦੀਆਂ ਕੀਮਤਾਂ ਇਸ ਸਮੇਂ 47 ਹਜ਼ਾਰ ਰੁਪਏ ਪ੍ਰਤੀ 10 ਗ੍ਰਾਮ ਦੇ ਕਰੀਬ ਪਹੁੰਚ ਗਈਆਂ ਹਨ।
ਨਵੀਂ ਦਿੱਲੀ: ਸੋਨੇ ਦੀਆਂ ਕੀਮਤਾਂ ਇਸ ਸਮੇਂ 47 ਹਜ਼ਾਰ ਰੁਪਏ ਪ੍ਰਤੀ 10 ਗ੍ਰਾਮ ਦੇ ਕਰੀਬ ਪਹੁੰਚ ਗਈਆਂ ਹਨ। ਅਜਿਹੇ ਵਿਚ ਲੋਕ ਨਿਵੇਸ਼ ਲਈ ਸੋਨਾ ਖਰੀਦਣ ਵਿਚ ਜ਼ਿਆਦਾ ਦਿਲਚਸਪੀ ਦਿਖਾ ਰਹੇ ਹਨ। ਪਰ ਬਹੁਤ ਲੋਕਾਂ ਨੂੰ ਇਹ ਨਹੀਂ ਪਤਾ ਹੈ ਕਿ ਸੋਨਾ ਖਰੀਦਣ ਤੋਂ ਬਾਅਦ ਉਸ ਨੂੰ ਦੁਬਾਰਾ ਵੇਚਣ 'ਤੇ ਭਾਰੀ ਟੈਕਸ ਲੱਗਦਾ ਹੈ।
Photo
ਆਮਦਨ ਕਰ ਵਿਭਾਗ ਨੇ ਇਸ ਸਬੰਧੀ ਕਈ ਨਿਯਮ ਬਣਾਏ ਹਨ। ਅਜਿਹੇ ਵਿਚ ਸੋਨਾ ਵੇਚਣ 'ਤੇ ਲੋਕਾਂ ਨੂੰ ਭਾਰੀ ਟੈਕਸ ਦੇਣਾ ਹੁੰਦਾ ਹੈ। ਹਾਲਾਂਕਿ ਇਹ ਨਿਯਮ ਸਿਰਫ ਦੁਕਾਨ ਤੋਂ ਖਰੀਦੇ ਗਏ ਸੋਨੇ 'ਤੇ ਹੀ ਲਾਗੂ ਹੋਵੇਗਾ। ਜੇਕਰ ਕੋਈ ਵਿਅਕਤੀ ਡਿਜ਼ੀਟਲ ਗੋਲਡ ਖਰੀਦਦਾ ਹੈ ਤਾਂ ਉਸ 'ਤੇ ਇਹ ਨਿਯਮ ਲਾਗੂ ਨਹੀਂ ਹੋਵੇਗਾ।
Photo
ਮੁੰਬਈ ਦੇ ਰਹਿਣ ਵਾਲੇ ਟੈਕਸ ਅਤੇ ਨਿਵੇਸ਼ ਸਲਾਹਕਾਰ ਬਲਵੰਤ ਜੈਨ ਨੇ ਦੱਸਿਆ ਕਿ ਸੋਨੇ ਦੇ ਗਹਿਣਿਆਂ ਨੂੰ ਕੈਪੀਟਲ ਐਸਟ ਦੇ ਤੌਰ 'ਤੇ ਸਮਝਿਆ ਜਾਂਦਾ ਹੈ ਅਤੇ ਵੇਚਣ 'ਤੇ ਹੋਣ ਵਾਲੇ ਲਾਭ ਨੂੰ ਕੈਪੀਟਲ ਗੇਨ ਮੰਨਿਆ ਜਾਂਦਾ ਹੈ। ਉੱਥੇ ਹੀ ਗਹਿਣੇ ਵੇਚਣ ਵਾਲੇ ਸੁਨਿਆਰਾਂ 'ਤੇ ਇਹ ਵਪਾਰਕ ਆਮਦਨੀ ਮੰਨੀ ਜਾਂਦੀ ਹੈ।
Photo
ਜੋ ਲੋਕ ਖਰੀਦੇ ਗਏ ਸੋਨੇ ਨੂੰ 36 ਮਹੀਨੇ ਰੱਖਣ ਤੋਂ ਬਾਅਦ ਵੇਚਦੇ ਹਨ, ਉਹਨਾਂ ਨੂੰ 20.80 ਫੀਸਦੀ ਟੈਕਸ ਦੇਣਾ ਹੁੰਦਾ ਹੈ। ਉੱਥੇ ਹੀ ਇਸ ਤੋਂ ਘੱਟ ਸਮੇਂ ਵਿਚ ਵੇਚਣ ਵਾਲਿਆਂ 'ਤੇ ਉਹਨਾਂ ਦੀ ਅਸਲ ਆਮਦਨੀ 'ਤੇ ਹੀ ਟੈਕਸ ਲੱਗਦਾ ਹੈ। ਜੇਕਰ ਕਿਸੇ ਵਿਅਕਤੀ ਨੂੰ ਉਸ ਦੇ ਦੋਸਤ ਜਾਂ ਰਿਸ਼ਤੇਦਾਰ ਸੋਨਾ ਤੋਹਫੇ ਵਜੋਂ ਦਿੰਦੇ ਹਨ ਤਾਂ ਉਸ 'ਤੇ ਛੋਟ ਹੁੰਦੀ ਹੈ।
Photo
ਇਸ ਦੇ ਨਾਲ ਹੀ ਵਸੀਅਤ ਵਿਚ ਮਿਲੇ ਸੋਨੇ ਉੱਤੇ ਵੀ ਛੋਟ ਹੈ। ਟੈਕਸ ਅਤੇ ਨਿਵੇਸ਼ ਸਲਾਹਕਾਰ ਜੀਤੇਂਦਰਾ ਸੋਲੰਕੀ ਨੇ ਦੱਸਿਆ ਕਿ ਇਸ ਸੋਨੇ ਨੂੰ ਵੇਚਣ 'ਤੇ ਹੋਣ ਵਾਲਾ ਲਾਭ ਟੈਕਸਯੋਗ ਹੋਵੇਗਾ ਅਤੇ ਲੋਕਾਂ ਨੂੰ ਟੈਕਸ ਦੇਣਾ ਪਵੇਗਾ।
